<p>ក្នុងពេលសំដែង ឈុតកាប់ចាក់ វាយតប់ ដោយប្រើក្បាច់គុន តារាសំដែងល្បីៗ មិនសូវជាសំដែង ដោយខ្លួនឯងទេ តែគេមាន អ្នកជំនួសដែល មានជំនាញក្បាច់គុន សំដែងជំនួស តារានោះ ។ តារាសំដែង Jet Li ក៏មាន តួជំនួសដែរ ដែលមានឈ្មោះថា Ju Kun ។</p>
<p><img src="http://www.straitstimes.com/sites/straitstimes.com/files/imagecache/story-gallery-featured/20140313/nsibodydouble13314e.jpg" alt="" /><br /><br /> ថ្មីៗនេះ យើងទទួលបាន ព័ត៌មានមកថា អ្នកជំនាញខាង ក្បាច់គុន ក្នុងការថតខ្សែភាពយន្ត លំដាប់ ហូលីវូដលោក Ju Kun ក៏ជាអ្នក ដំណើរម្នាក់ ក្នុងចំណោម អ្នកដំណើរ ២៣៩ នាក់ដែលបាន ដំណឹងក្នុងជើងហោះហើរ MH370 របស់ Malaysia Airlines ផងដែរ ។ បើតាមប្រភព ព័ត៌មាន បានអោយដឹងថាលោក Ju Kun បានមកស្នាក់នៅ ប្រទេសម៉ាឡេស៊ី កាលពីដើមខែ កុម្ភះ ហើយ ទើបតែ ដើមខែមិនា នេះ គាត់ចង់ត្រលប់ ទៅលេងកូនៗរបស់គាត់ នៅឯទីក្រុង ប៉េកាំង ប្រទេស ចិន ។ ក្រៅពីនេះ គាត់ក៏ទៅ ប្រមូលឯកសារ និងព័ត៌មាន ដែលទាក់ទង និងការងារថត រឿងថ្មី ដែល មានឈ្មោះថា Marco Polo ផងដែរ ដែលនឹងត្រូវ ថតនៅប្រទេស ម៉ាឡេស៊ី នៅពេលឆាប់ៗ នេះ ។</p>
<p><img src="http://aiskosong.com/wp-content/uploads/2014/03/JetLi-JuKun-601x350.jpg" alt="" width="500" /><br /><br /> លោក Ju Kun ត្រូវបាន គេទទួលស្គាល់ថា ជាអ្នកជំនាញ ក្បាច់គុន មួយរូបយ៉ាង ស្ទាត់ជំនាញ ដែលធ្លាប់ សំដែងជំនួស និងបង្ហាត់ក្បាច់គុន ដល់តារាសំដែង ចិនដ៏ល្បីលោក Jet Li នៅក្នុងរឿង ដូចជា The Expendables , Forbidden Kingdom និង Fearless ជាដើម ។ មកទល់ពេលនេះ មិន ទាន់មាន ការរកឃើញ យន្តហោះដែល បានបាត់ដំណឹងនោះ នៅឡើយទេ ៕</p>
<p> </p>
<p style="text-align: right;">ប្រែសម្រួល ៖ លីលី<br />ប្រភព ៖ straitistime </p>