<p><span style="color: #000000;"><strong>ភ្នំពេញ៖</strong> កម្មវិធីប្រឡងចម្រៀង ដ៏ល្បីល្បាញ«The Voice Cambodia» នឹងចាប់ផ្ដើម រដូវកាលទី២របស់ខ្លួន ក្នុងពេលឆាប់ៗនេះហើយ បន្ទាប់ពីទទួលបាន ភាពជោគជ័យ យ៉ាងសម្បើម កាលពីរដូវកាលទី១ ខណៈមានអ្នកគាំទ្រ កម្មវិធីលំដាប់ពិភពលោកនេះ រាប់ម៉ឺននាក់ បើទោះបីជា មានរឿងរ៉ាវចម្រូងចម្រាស់គ្នា ទៅលើគ្រូបង្វឹកក្នុងវិធីនេះ កើតមានឡើងបន្តិចបន្ទួចក្ដី។</span></p>
<p><span style="color: #000000;">កាលពីរដូវកាលកន្លងទៅ វត្តមាន កញ្ញា ឱក សុគន្ធកញ្ញា លោក ណុប បាយ៉ារិទ្ធ លោក ឆន សុវណ្ណរាជ និង អ្នកនាង ពេជ្រ សោភា ហើយកម្មវិធីបានចុះផ្សាយ ក្នុងសារព័ត៌មានព្រោងព្រាត ពីដំណាក់កាលនីមួយៗ របស់កម្មវិធី ។ តែអ្វីដែលគេចាំមិនភ្លេច គឺ វង្ស តារារតនា ដែលធ្វើឲ្យ ឱក សុគន្ធកញ្ញា ជាប់ឈ្មោះថា ជាតារាលំអៀង កាន់ខ្សែ និងបក្សពួក ។ ចំណែកឯបេក្ខជនម្នាក់ទៀត គឺ អឿម រុន ក៏ជាបេក្ខជនម្នាក់ ដែលបំភ្លេចមិនបានដែរ ព្រោះជាបេក្ខជន សាងភាពឈឺក្បាលឲ្យ ពេជ្រ សោភា មិនតិចទេ ។</span><br /> <br /><span style="color: #000000;">សម្រាប់រដូវកាលថ្មីនេះ មតិមហាជនជាច្រើន សំណូមពរឲ្យមានការដូរ គ្រូបង្វឹកចេញខ្លះ ហើយជំនួសវិញដោយអ្នក នាង យក់ ឋិតរដ្ឋា និង លោក ហ្សូណូ ព្រោះអ្នកទាំងពីរ ជាតារាចម្រៀងមានភាពល្បីល្បាញ និង មានបទពិសោធន៍បង្រៀនស្រាប់។ ទស្សនិកជនសង្កេតឃើញថា ពួកគេស័ក្តិសម ក្នុងតំណែងនេះ ម្យ៉ាងពួកគេធ្លាប់ជា អ្នកផ្ដល់ដំបូន្មាន ឲ្យតារាចម្រៀង ដែលជាគ្រូបង្វឹករួចមកហើយកាលពីរដូវកាល ទី១កន្លងមក ។ ទស្សនិកជនមួយចំនួន បាននិយាយថា គេបើកទូរទស្សន៍មើល កម្មវិធី ឃើញគ្រូបង្វឹក និង គណកម្មការដដែលៗ ពិតជាគួរឲ្យធុញទ្រាន់ណាស់ ហើយហង្សមាស មានមនុស្ស មានសមត្ថភាពច្រើនណាស់ ម្ដ៉េចមិនព្រមយកចែកគ្នាធ្វើការខ្លះទៅ យកតែមនុស្សដដែល ?</span><br /> <br /><span style="color: #000000;">តារាចម្រៀង ដ៏ល្បីល្បាញ អ្នកនាង ពេជ្រ សោភា និងជាគ្រូបង្វឹកកាលពី រដូវកាលទី១ បាននិយាយថា អ្នកនាងសុំរក្សាសិទ្ធិមិននិយាយអ្វីទាក់ទង ជាមួយកម្មវិធីទេ នាងមិនអាចបញ្ជាក់បានទេថា នឹងបានអង្គុយកៅអី គ្រូបង្វឹក ឬមិនបានអង្គុយ អ្វីៗនឹងចេញពេលកម្មវិធីប្រកាស តែនេះជារឿងរសើបមួយ ។</span></p>
<p><span style="color: #000000;">សម្រាប់ ពេជ្រ សោភា និយាយថា នាងបានអង្គុយកៅអី គ្រូបង្វឹកកន្លងមក ដោយសារតែ លោក ព្រាប សុវត្ថិ មិនអាចចូលរួមក្នុងកម្មវិធីបាន ព្រោះលោកជាប់កុងត្រា ជាមួយស្រាបៀវអង្គរ តែរដូវកាលនេះ អាចមានវត្តមានលោករួមជាមួយ តារាចម្រៀងបីនាក់ទៀត គឺ ណុប បាយ៉ារិទ្ធ ឱក សុគន្ធកញ្ញា និង ឆន សុវណ្ណរាជ ។</span><br /> <br /><span style="color: #000000;">ប៉ុន្តែទៅបីជាយ៉ាងណា ប្រភពពីខាងក្នុងបាននិយាយថា គ្មានការផ្លាស់ប្ដូរគ្រូបង្វឹកចេញទេ ព្រោះគេចង់រក្សារ ការទាក់ទាញចំណាប់ អារម្មណ៍ពីអ្នកទស្សនា ម្យ៉ាងគ្រូបង្វឹកកាលពីរដូវកាលទី១ ធ្វើការបានល្អណាស់ ហើយគេសង្ឃឹមយ៉ាងមុតមាំថា រដូវកាលទី២ នឹងកាន់តែល្អ ជាងរដូវកាលទី១ទៅទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/17/70-17-08-2015--16-36-09.jpg"><img src="/FileManager/Articles/mce/2015/8/17/70-17-08-2015--16-36-09.jpg" alt="" /></a></span></p>
<p><a class="thickbox" title="" href="/FileManager/Commons/2015/8/17/71-17-08-2015--16-36-16.jpg"><img src="/FileManager/Articles/mce/2015/8/17/71-17-08-2015--16-36-16.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/17/70-17-08-2015--16-36-09.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>