<p><strong>ភ្នំពេញ ៖</strong> យោងតាមសេចក្តីជូនដំណឹង ដែលបានចេញផ្សាយ កាលពីថ្ងៃទី ៩ ខែតុលា ឆ្នាំ២០១៣<br />កន្លងទៅ ដោយអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា ម្ចាស់សំ<br />ណង់បុរី ផ្ទះល្វែង វីឡា ឬអគារសម្រាប់លក់ទាំងអស់ ត្រូវធ្វើការបង់ពន្ធ នេះបើយោងតាមអង្គប្រជុំ <br />នៅថ្ងៃទី២៩ ខែឧសភា ឆ្នាំ២០១៣ ជាមួយម្ចាស់ សំណង់បុរី ផ្ទះល្វែង វីឡា ឬអគារ និងចំណារឯក<br />ភាព របស់ឧបនាយករដ្ឋមន្ត្រី រដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ ចុះថ្ងៃទី៣១ ខែកក្កដា ឆ្នាំ<br />២០១៣។</p>
<p>សេចក្តីជូនដំណឹងខាងលើ បានបន្តឲ្យដឹងទៀតថា អគ្គនាយកដ្ឋានពន្ធដារ សូមជម្រាប ជូនដំណឹង<br />ដល់ ម្ចាស់សំណង់បុរី ផ្ទះល្វែង ឬអគារសម្រាប់លក់ទាំងអស់ ចំនួន ២ចំណុចដូចខាងក្រោម ៖</p>
<p>១-ម្ចាស់សំណង់ដែលបានបើកការដ្ឋានសាងសង់ និងលក់ចាប់ពីថ្ងៃទី២៩ ខែឧសភា ឆ្នាំ២០១៣ ត្រូវ<br />ទិញគ្រឿងសំណង់ពីអ្នកជាប់ពន្ធ តាមរបបស្វ័យប្រកាស (របបពិត) ដើម្បីទទួលបានឥណទាន លើ<br />អាករធាតុចូល សម្រាប់កាត់កង ជាមួយអាករលើធាតុ ចេញនៅពេលលក់ចេញ ។</p>
<p>២-ការសាងសង់ផ្ទះល្វែង វីឡា ឬអគារសម្រាប់លក់ទាំងអស់ ត្រូវបូកបន្ថែមអាករ លើតម្លៃបន្ថែម ១០<br />ភាគរយ លើតម្លៃសំណង់ តាមមាត្រា៦៤ នៃច្បាប់ស្តីពីសារពើពន្ធ និងបូកបន្ថែមប្រាក់រំដោះពន្ធ លើ<br />ប្រាក់ចំណេញ ១ភាគរយ លើតម្លៃសំណង់ និងដីតាមមាត្រា ២៨។ ទន្ទឹមនឹងនេះ ម្ចាស់សំណង់ក៏<br />មានកាតព្វកិច្ច បង់ប្រភេទពន្ធផ្សេងៗទៀត តាមច្បាប់ជាធរមានផងដែរ។</p>
<p>អគ្គនាយកដ្ឋានពន្ធដារ បានធ្វើការព្រមានថា ករណីម្ចាស់សំណង់មិនអនុវត្ត តាមសេចក្តីជូនដំណឹង<br />ខាងលើនេះ នឹងទទួលរងការកំណត់ពន្ធឡើងវិញ ស្របតាមមាត្រា១១៦ មាត្រា១១៧ រួមទាំងទោស<br />ទណ្ឌតាមមាត្រា១២៨ មាត្រា១៣០ មាត្រា១៣១ មាត្រា១៣២ និងមាត្រា១៣៣ នៃច្បាប់សារពើពន្ធ។</p>
<p>បច្ចុប្បន្ន យើងសង្កេតឃើញថា សំណង់អគារ វីឡា និងផ្ទះល្វែង មានការរីកលូតលាស់ ដូចផ្សិត <br />ទាំងនៅក្នុងរាជធានីភ្នំពេញ ក៏ដូចជានៅតាមបណ្តាខេត្តផងដែរ ដូច្នេះហើយ យើងសង្ឃឹមថា ម្ចាស់<br />សំណង់អគារទាំងអស់ នឹងអនុវត្តតាមខ្លឹមសារនៃសេចក្តីជូនដំណឹងនេះ ជាក់ជាពុំខាន ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-065/PISETH-0189.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-065/PISETH-0190.jpg" alt="Looking Today" width="600" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>