<p><span style="font-size: 12px; color: #000000;">ទីក្រុងហុងកុង៖ បុរសអាយុ ២១ ឆ្នាំម្នាក់ បានស្លាប់បាត់បង់ជីវិត បន្ទាប់ពីត្រូវបានគេរាយការណ៍ថា ត្រូវបានប៉ះទង្គិចនឹងវត្ថុមេកានិចមួយ ខណៈពេលគេកំពុងដើរឆ្លងកាត់ផ្ទះខ្មោច នៅក្នុងទីក្រុងហុងកុង។</span></p>
<p><span style="color: #000000;"> បុរសម្នាក់ ដែលត្រូវបានគេស្គាល់អត្តសញ្ញាណថា មាននាមត្រកូល Cheung ត្រូវបានគេឃើញដេកសន្លប់ អស់រយៈពេល ៥ នាទីបន្ទាប់ពីរូបគេ ចូលទៅក្នុងកន្លែងក្ដារម្ឈូសសិប្បនិម្មិត( Buried Alive Ride) នៅឧទ្យាន Ocean Park ។ ប៉ូលិសបាននិយាយថា ក្រោយមក បុរសនោះត្រូវបានរាយការណ៍ថា បានស្លាប់នៅក្នុងមន្ទីរពេទ្យ។</span></p>
<p><span style="color: #000000;">មន្ត្រីឧទ្យាន បាននិយាយថា បុរសនោះបានដើរចូលទៅក្នុងតំបន់ហាមឃាត់មួយកន្លែង ដោយប្រព័ន្ធផ្សព្វផ្សាយក្នុងស្រុក បានរាយការណ៍ថា គាត់ត្រូវបានប៉ះទង្គិចនឹងមឈូសមួយ។</span><br /><span style="color: #000000;"> យោងតាមគេហទំព័រព័ត៌មានមួយ បានឱ្យដឹងថា ការទៅជិះលើមឈូសសិប្បនិម្មិតនេះ គឺជាផ្នែកមួយនៃពិធីបុណ្យ Halloween ប្រចាំឆ្នាំរបស់ឧទ្យានកម្សាន្តខាងលើ ដោយការចូលដេកក្នុងមឈូសយ៉ាងពិសេសនេះ នឹងធ្វើឱ្យភ្ញៀវទេសចរ ទទួលបានបទពិសោធ ប្រៀបបានគេកប់ទាំងរស់តែម្នាក់ឯង។</span></p>
<p><span style="color: #000000;"><a class="thickbox" title="" href="/FileManager/Commons/2017/9/18/1-18-09-2017--10-57-33.png"><img src="/FileManager/Articles/mce/2017/9/18/1-18-09-2017--10-57-33.png" alt="" /></a><br /></span></p>
<p><span style="color: #000000;">យោងតាមប្រព័ន្ធផ្សព្វផ្សាយក្នុងស្រុកឱ្យដឹងថា ភ្ញៀវទេសចរ ត្រូវគេឱ្យចូលដេក ក្នុងមឈូសមួយ។ លោក Cheung ស្ថិតក្នុងចំណោមមនុស្សមួយក្រុម ដែលចាប់អារម្មណ៍ក្នុងការចូលគេងក្នុងមឈូសនេះ ក្នុងពិធីបុណ្យ Halloween នៅឆ្នាំនេះ ដែលនឹងចាប់ផ្តើមនៅថ្ងៃទី ៥ ខែតុលា។</span><br /><span style="color: #000000;"> ប៉ូលីសបាននិយាយថា ការស៊ើបអង្កេតកំពុងត្រូវបានបន្ត ខណៈពេលដែលការការចូលគេងក្នុងមឈូសសិប្បនិម្មិតនេះ ត្រូវបានបិទ រហូតដល់មានការជូនដំណឹងពេលក្រោយទៀត ៕</span></p>
<p><span style="color: #000000;"><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/9/18/mkn-18-09-2017--10-57-50.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ BBC</span></p>