<p>តើអ្នកជឿដែរ ឬទេ ក្រចកដៃរបស់អ្នកគឺជា ជាលិកាដែលងាប់? យោងតាមការពន្យល់នេះ បានបញ្ជាក់ថា ហេតុអ្វីក្រចកដៃរបស់អ្នកឈឺ នៅពេលអ្នកកាត់តំរឹមវា? ក្រចកដៃរឹងមាំ និងភ្លឺរលោងគឺជាសញ្ញាមួយបង្ហាញថាក្រចកដៃរបស់អ្នកស្អាត។ ប៉ុន្តែ អ្នកទាំងអស់មិនដែលគិតដល់អាហារចំាបាច់ មួយចំនួន ដែលអាចជួយឱ្យ ក្រចកដៃរបស់អ្នកមានសុខភាពល្អនោះទេ។</p>
<p>ការទទួលទានប្រភេទអាហារ ដែលមានផ្ទុកសារធាតុចិញ្ចឹមខ្ពស់ គឺមានអត្ថប្រយោជន៍សំខាន់ណាស់ ធ្វើឱ្យក្រចកដៃមើលទៅសស្អាត។</p>
<p>ក្រចកដៃគឺជាផ្នែកចុងក្រោយគេ នៃរាងកាយ ដែលទទួលបានសារចិញ្ចឹម ដូច្នេះ ប្រសិនបើអ្នកមានរបបអាហារមិនគ្រប់គ្រាន់ អ្នកនឹងត្រូវចំណាយពេល ដើម្បីថែរក្សាក្រចកដៃរបស់អ្នកឱ្យបើមិនដូច្នោះទេ ក្រចកដៃរបស់អ្នក នឹងមានភាពទន់ខ្សោយ និងស្រួយ បាត់បាក់ មិនសុខភាពល្អ។ ការទទួលទានអាហារ បានត្រឹមត្រូវនឹងជួយឱ្យក្រចកដៃរបស់អ្នក រឹងមាំ និង មានសុភាព<br />ល្អ ភ្លឺរលោង ដោយធម្មជាតិ។</p>
<p>ខាងក្រោមនេះ គឺជាប្រភេទអាហារមួយចំនួន អាចជួយឱ្យក្រចកដៃរបស់អ្នក រឹងមាំ ភ្លឺរលោងនិង មានសុខភាពល្អ ដោយធម្មជាតិ។</p>
<p><a class="thickbox" title="" href="/FileManager/Commons/2013/12/3/nails-superfoods-03-12-2013--09-16-31.jpg"><img src="/FileManager/Articles/mce/2013/12/3/nails-superfoods-03-12-2013--09-16-31.jpg" alt="" /></a></p>
<p><strong>ផ្លែចេក៖ </strong>ជាប្រភេទផ្លែឈើហូបផ្លែ ដែលសម្បូរទៅដោយសារធាតុប៉ូតាស្យូម ជួយជំរុញឱ្យអ្នកមានថាមពល។ ផ្លែចេក ក៏មានផ្ទុកនូវសារធាតុ ផ្សេងៗ ទៀត ដូចជា សារធាតុ ស័ង្កសី និង វីតាមីន B6 ជាដើម អាចជួយឱ្យក្រចកដៃជើងរបស់អ្នកដុះមកមាន សុខភាពល្អ និង រឹងមាំ។</p>
<p><strong><br />ទឹកដោះគោឆៅ៖</strong> មានផ្ទុកនូវសារធាតុ កាលស្យូមខ្ពស់ អាចជួយឱ្យក្រចករឹងមំា និង ដុះលូតលាស់បានឆាប់រហ័ស។ សូមព្យាយាមផឹកទឹកដោះគោឆៅ ឱ្យបាន ១កែវ ក្នុង១ថ្ងៃ ជារៀងរាល់។ ការខ្វះសារធាតុកាលស្យូមក្នុងរាងកាយ អាចធ្វើឱ្យ ក្រចកផុយស្រួយ និង ស្ងួត។ ដើម្បីធ្វើឱ្យរាងកាយរបស់អ្នកពោរពេញទៅដោយសារធាតុកាលស្យូម អ្នកត្រូវផឹកទឹកដោះគោជាមួយនឹង<br />ទទួលទានអាហារ ដែលសម្បូរដោយសារធាតុ វីតាមីន D មានដូចជា៖ ស៊ុត ផ្សិត និង ប្រភេទអាហារមួយចំនួនទៀត។</p>
<p><strong>ស៊ុត៖ </strong>គឺជាប្រភេទដែលគេដឹងថា សម្បូរទៅដោយប្រូតេអ៊ីនខ្ពស់មានសារសំខាន់បំផុតសំរាប់សុខភាពក្រចក។ នេះដោយសារតែ ក្រចកដៃ គឺកើតឡើងដោយជាតិស្នែង គឺជាប្រភេទមួយប្រតេអ៊ីន។ ដូច្នេះ នៅពេលអ្នកទទួលទាន អាហារដែលមានផ្ទុកនូវ សារធាតុប្រតេអ៊ីន ច្រើនវានឹងជួយឱ្យក្រចកដៃ ដុះមករឹងមាំ មានសុខភាពល្អ។ ឧទាហរណ៍៖ អ្នកអាចទទួលទានស៊ុត<br />ឆ្អិន ដោយស្ងោរ ឬ ឆៅ បាន តាមចំណង់ចំណូលចិត្ត។</p>
<p><strong>ការ៉ុត៖ </strong>ការទទួលទានផ្លែការ៉ុត បានទៀងទាត់ អាចជួយឱ្យក្រចកដៃរបស់អ្នក ដុះលូតលាស់មកមានរាងស្អាត រឹងមាំ និង មានសុខភាពល្អ ក៏ដូចជា ស្បែក និងសក់ផងដែរ។ ផ្លែការ៉ុតមានផ្ទុកនូវសារធាតុវីតាមីន A ខ្ពស់ អាចជួយការពារក្រចកពីការសឹករិល និង ស្ងួត។</p>
<p>អ្នកអាចទទួលផ្លែការ៉ុត ឆៅ ឬ ចំអិន ឬផឹកទឹកការ៉ុត ១កែវ ជារៀងរាល់ថ្ងៃ ដើម្បីជួយឱ្យក្រចករបស់អ្នក ប្រែមកជារឹងមាំ និង សុខភាពល្អ។ បន្ថែមលើសពីនេះទៀត ផ្លែការ៉ុត អាចចូលរួមចំណែក បានយ៉ាងល្អ ក្នុងការជួយថែរក្សាភ្នែក ឱ្យមានសុខភាពល្អ និងមានប្រព័ន្ធការពាររាងកាយខ្លាំងក្លា ដែលអាចជួយថែរក្សា ទ្រទង់ និង ធ្វើឱ្យរាងកាយរបស់អ្នករឹងមាំ ពីក្បាលដល់ចុងជើង៕</p>
<p style="text-align: right;">ប្រែសម្រួលដោយ៖ វណ្ណៈ<br />ប្រភព៖ top10homeremedies</p>