<p><span style="color: #000000;"><strong>(ហាណូយ)៖</strong> សហព័ន្ធកីឡាបាល់ទាត់វៀតណាម បានចេញមកសុំទោសជំនួសអ្នកគាំទ្រ ដែលបង្កហេតុគប់រថយន្តក្រុង ដឹកក្រុមជម្រើសជាតិឥណ្ឌូនេស៊ីយប់មិញនេះ ក្រោយខឹងចាញ់ក្រុមម្ចាស់ផ្ទះរបស់គេជ្រុះចេញពីពានរង្វាន់អាស៊ាន AFF Suzuki Cup 2016 ក្នុងវគ្គពាក់កណ្តាលផ្តាច់ព្រ័ត្រជើងទី២។</span></p>
<p><span style="color: #000000;">តាមរយៈសារព័ត៌មាន AFP បានចេញផ្សាយនៅថ្ងៃព្រហស្បតិ៍ ទី៨ ខែធ្នូ ឆ្នាំ២០១៦នេះថា ហេតុការណ៍អាក្រក់នេះ គឺបានកើតឡើងនៅក្រោយពេលក្រុមកីឡាករដែលទើបរួចបម្រាមពី FIFA ឥណ្ឌូនេស៊ី ចាកចេញពីពហុកីឡដ្ឋាន My Dinh ស្ថិតក្នុងទីក្រុងហាណូយ កាលពីយប់ថ្ងៃពុធ ទី៧ ខែធ្នូម្សិលមិញ ដែលបញ្ចប់ទៅលទ្ធផលស្មើគ្នា ២-២ ក្នុងនាទី បន្ថែម ១៥នាទី ២ដង វៀតណាមហាលអាវ ក្រោមលទ្ធផលទាំងពីរជើង ៤-៣ ដែលធ្វើឲ្យអ្នកគាំជាច្រើនរយនាក់ជិះម៉ូតូ យកដុំថ្មដេញគប់ឡានក្រុងរបស់ឥណ្ឌូនេស៊ី ដោយសារតែខឹងចាញ់។</span></p>
<p><span style="color: #000000;">ក្នុងហេតុការណ៍គប់ដុំថ្មនោះ ជំនួយការគ្រូបង្វឹក និងក្រុមគ្រួពេទ្យកីឡាករបានរងរបួសតិចតួចផងដែរ នេះបើយោងតាម លោក Le Hoai Anh ថ្លែងប្រាប់ AFP នាព្រឹកថ្ងៃព្រហស្បតិ៍នេះ និងបានសុំទោសជាសាធារណៈថា <strong>«យើងសុំអភ័យ ទោសចំពោះហេតុការណ៍ដែលបានកើតឡើង ដោយយើងមិនអាចគ្រប់គ្រងបាន។ លទ្ធផលចាញ់គឺចាញ់ គ្មានវិធីផ្សេង អាចកើតឡើងដែលនាំឲ្យប៉ះពាល់ដល់កិត្តិយសជាតិនោះទេ។ ឥណ្ឌូនេស៊ី គឺពិត ជាសាកសម ដែលអាចឡើងទៅប្រកួត យកពាន AFF Suzukic Cup 2016 ដែលត្រូវជួបថៃ ឬមីយ៉ាន់ម៉ាពិតប្រាកដមែន»</strong>។</span></p>
<p><span style="color: #000000;">សូមរំលឹកផងដែរថា វៀតណាម ធ្លាប់បានឈ្នះពានប្រចាំអាស៊ាន AFF Suzuki Cup នេះបានម្តងដែរកាលពីឆ្នាំ២០០៨ ខណៈដែលឥណ្ឌូនេស៊ីធ្លាប់បរាជ័យក្នុងវគ្គផ្តាច់ព្រ័ត្រ ៤ដងកាលពីអំឡុងឆ្នាំ២០០០ និងឆ្នាំ២០១០៕</span><br /><span style="color: #000000;"><img class="size-medium wp-image-1594 aligncenter" src="http://www.khmertalking.com/wp-content/uploads/2016/12/photo_2016-12-08_14-17-56-1-300x175.jpg" alt="photo_2016-12-08_14-17-56" width="400" height="380" /></span></p>
<p><span style="color: #000000;"><img class="size-medium wp-image-1595 aligncenter" src="http://www.khmertalking.com/wp-content/uploads/2016/12/photo_2016-12-08_14-18-05-2-300x225.jpg" alt="photo_2016-12-08_14-18-05" width="400" height="500" /></span></p>
<p><span style="color: #000000;"><img class="size-medium wp-image-1596 aligncenter" src="http://www.khmertalking.com/wp-content/uploads/2016/12/photo_2016-12-08_14-20-30-2-300x199.jpg" alt="photo_2016-12-08_14-20-30" width="400" height="500" /></span></p>
<p><span style="color: #000000;"><img class="size-medium wp-image-1597 aligncenter" src="http://www.khmertalking.com/wp-content/uploads/2016/12/photo_2016-12-08_14-24-18-1-300x200.jpg" alt="photo_2016-12-08_14-24-18" width="400" height="500" /></span></p>
<p><span style="color: #000000;"><img class="size-medium wp-image-1598 aligncenter" src="http://www.khmertalking.com/wp-content/uploads/2016/12/photo_2016-12-08_14-24-22-1-300x168.jpg" alt="photo_2016-12-08_14-24-22" width="400" height="500" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>