<div class="item-page">
<p><span style="color: #000000;"><strong>(ភ្នំពេញ)៖</strong> លោក ឡុង វិសាលោ រដ្ឋលេខាដ៏ចាស់វស្សាមួយរូប នៅក្រសួងការបរទេស និងសហប្រតិបត្តិការអន្តរជាតិ ត្រូវបានព្រះមហាក្សត្រខ្មែរ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ត្រាស់បង្គាប់តែងតាំងជាឯកអគ្គរាជទូតវិសាមញ្ញ និងពេញសមត្ថភាពប្រចាំនៅប្រទេសថៃ។</span></p>
<p><span style="color: #000000;">ព្រះរាជក្រឹត្យតែងតាំង លោក ឡុង វិសាលោ ត្រូវបានព្រះមហាក្សត្រខ្មែរឡាយព្រះហស្ថលេខាកាលពីថ្ងៃទី២៣ ខែធ្នូ ឆ្នាំ២០១៦កន្លងទៅ។</span></p>
<p><span style="color: #000000;">សូមបញ្ជាក់ថា លោក ឡុង វិសាលោ ធ្លាប់បានធ្វើជាលេខាផ្ទាល់របស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងបានកាន់តំណែងជារដ្ឋលេខាធិការក្រសួងការបរទេស អស់ជាច្រើនឆ្នាំមកហើយ បច្ចុប្បន្នកូនប្រុសរបស់លោកមួយរូប គឺលោក ឡុង ឌីម៉ង់ ក៏បាននិងកំពុងបំពេញការងារជាឯកអគ្គរាជទូត ប្រចាំប្រទេសកូរ៉េខាងត្បូងផងដែរ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-29-09-19-13-0.jpg" alt="" width="730" /></span></p>
<p><span style="color: #000000;"><img src="http://www.pressocm.gov.kh/files/pictures/20150722_RT-BKV_9944.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>