<p><span style="color: #000000;"><strong>(ពោធិ៍សាត់)៖</strong> ស្ត្រីម្នាក់ តែងតែបើកបរក្នុងស្ថានភាពស្រវឹង ហើយត្រូវបានដួលបោកក្បាល បាក់កស្លាប់ ខណៈកំពុងជិះទៅប៉ះផ្លែទ្រាលក្នុងព្រៃ កាលពីវេលាម៉ោង ២រសៀល ថ្ងៃទី១២ ខែកញ្ញា ឆ្នាំ២០១៦នេះ ត្រង់ចំណុចស្រែតាអៅ ស្ថិតក្នុងភូមិស្រែពពាយ ឃុំសន្ទ្រែ ស្រុកភ្នំក្រវាញ ខេត្តពោធិ៍សាត់។</span></p>
<p><span style="color: #000000;">លោក វង សាវ៉េត អធិការនគរបាលស្រុកក្រវាញ បានប្រាប់ភ្នាក់ងារ Fresh News ឲ្យដឹងមុននេះថា៖ ស្ត្រីរងគ្រោះ ដែលតែងតែបើកបរក្នុងស្ថានភាពស្រវឹងខួបនោះ មានឈ្មោះ យ៉េង រ័ត្ន ភេទស្រី អាយុ ៣៤ឆ្នាំ ជាប្រជាពលរដ្ឋរស់នៅភូមិលាច ឃុំលាច ស្រុកភ្នំក្រវាញ ខេត្តពោធិ៍សាត់។</span></p>
<p><span style="color: #000000;">លោកអធិការបានបន្តថា មុនពេលកើតហេតុស្ត្រីរងគ្រោះ បានវ៉ៃឡើយ២ទៅ៣តយរួចមកហើយ ពេលនោះស្ត្រីរងគ្រោះបានជិះម៉ូតូ ម៉ាកWaveអាល់ហ្វា គ្មានស្លាកលេខ បម្រុងទៅបេះផ្លែទ្រាលក្នុងព្រៃ សម្រាប់ក្លែម ស្រាប់តែមកដល់ចំណុចកើតហេតុ ក៏បានដួលបោកក្បាលទៅនឹងដី បណ្តាលឲ្យរងរបួសធ្ងន់ ភ្លាមនោះប្រជាជាពលរដ្ឋដែលនៅក្បែរ បានជួយបញ្ជូនស្ត្រីរងគ្រោះទៅមន្ទីរបង្អែកស្រុក តែជាអកុសល ស្ត្រីរងគ្រោះបានដាច់ខ្យល់ស្លាប់ ពេលបញ្ជូនទៅដល់មន្ទីរពេទ្យបង្អែក ស្រុកបាត់ទៅហើយ ដោយសាររងរបួសបាក់ក ក្រោមស្ថានភាពស្រវឹង។</span></p>
<p><span style="color: #000000;">បច្ចុប្បន្នសាកសពស្ត្រីរងគ្រោះ ត្រូវបានក្រុមគ្រួសារយកទៅធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-12-21-54-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-12-21-54-08-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-12-21-54-08-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>