<p><span style="font-size: 12px; color: #000000;">(ហុងកុង)៖ ព្យុះកំណាច «Nida» នៅពេលនេះបាននិងកំពុងតែវាយប្រហារ និងគ្រប់ដណ្ដប់ទីក្រុងហុងកុងទាំងមូល ពោរពេញដោយផ្ទាំងអ័ព្ទ និងទឹកកក ហើយវាក៏ជាប្រវត្តិសាស្ត្រមួយ សម្រាប់ទីក្រុងហុងកុងផងដែរ នៅក្នុងរយៈពេលជិត ៦០ឆ្នាំចុងក្រោយនេះ។ នេះបើយោងតាមការចេញផ្សាយ របស់សារព័ត៌មាន CNN ចេញផ្សាយនៅព្រឹកថ្ងៃទី០២ ខែសីហា។</span></p>
<p><span style="color: #000000;">ដោយសារការវាយប្រហារ ពីសំណាក់ព្យុះកំណាចមួយនេះ បានធ្វើឲ្យជើងហោះហើរប្រមាណ ១៨០ត្រូវបានលុបចោល, រថយន្តក្រុង, រថភ្លើង និងរថភ្លើងក្រោមដី ត្រូវបានផ្អាក ព្រោះតែអាកាសធាតុចុះអ័ព្ទខ្លាំង។</span></p>
<p><span style="color: #000000;">រដ្ឋាភិបាលហុងកុងបានប្រកាសឲ្យពលរដ្ឋទាំងអស់ ស្ថិតនៅកន្លែងមានសុវត្ថិភាព ព្រោះតែព្យុះមួយនេះ អាចបង្កជាគ្រោះថ្នាក់បាន ជាពិសេសគឺទឹកជំនន់ និងការរអិលបាក់ដី ហើយនៅព្រឹកថ្ងៃនេះផងដែរ មានពលរដ្ឋជាច្រើនបាននាំគ្នា ទៅកាន់កន្លែងមានសុវត្ថិភាពមួយ ដែលរៀបចំឡើងដោយអាជ្ញាធរ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/3/10a-03-08-2016--10-14-02.jpg"><img src="/FileManager/Articles/mce/2016/8/3/10a-03-08-2016--10-14-02.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/8/3/10b-03-08-2016--10-14-10.jpg"><img src="/FileManager/Articles/mce/2016/8/3/10b-03-08-2016--10-14-10.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/8/3/10a-03-08-2016--10-14-02.jpg"></a><br /></span></p>
<p><span style="color: #000000;">ព្យុះទីហ្វុង «Nida» នេះ បានបង្កើនល្បឿនដល់ ១៥០ គីឡូម៉ែត្រក្នុងមួយម៉ោងទៅហើយ ដែលវានឹងធ្វើដំណើរពី ភាគខាងត្បូងទៅកាន់ភាគពាយ័ព្យរបស់ប្រទេសចិនតែម្តង។ យ៉ាងណាក៏ដោយវាត្រូវបានគេព្យាករណ៍ថានឹងថមថយ ឥទ្ធិពលបន្តិច ប៉ុន្តែអាជ្ញាធរចិននៅតែបន្តការព្រមាន ទៅកាន់ប្រជាជននៅបណ្តាខេត្តភាគត្បូង ឲ្យមានការប្រុងប្រយ័ត្នកម្រិតខ្ពស់ជានិច្ច ព្រោះភ្លៀងធ្លាក់និងខ្យល់បក់បោកខ្លាំង ប្រាកដអាចជាកើតមានឡើង។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/3/12d-03-08-2016--10-15-09.jpg"><img src="/FileManager/Articles/mce/2016/8/3/12d-03-08-2016--10-15-09.jpg" alt="" /></a><br /></span></p>
<p><span style="color: #000000;">គួរបញ្ជាក់ថា កាលពីខែកក្កដា កន្លងទៅនេះព្យុះកំណាចមួយបានវាយប្រហារភាគខាងជើងប្រទេសចិន ជាពិសេសខេត្ត Hebei បានកើតមានទឹកជំនន់ និងការបាក់ដី នាំឲ្យមនុស្សជាង ៣០០នាក់ស្លាប់ និងរាប់សិននាក់ទៀតបាត់ខ្លួន ខណៈផលដំណាំរាប់ម៉ឺនហិកតារងការលិចលង់ រួមជាមួយលំនៅដ្ឋាន និងទ្រព្យសាធារណយ៉ាងច្រើនសន្ធឹកសន្ធាប់ រងការបំផ្លាញគិតជាទឹកប្រាក់ជិត ៣ពាន់លានដុល្លារ សហរដ្ឋអាមេរិក៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/3/12-03-08-2016--10-14-19.jpg"><img src="/FileManager/Articles/mce/2016/8/3/12-03-08-2016--10-14-19.jpg" alt="" /></a></span></p>
<p><a class="thickbox" title="" href="/FileManager/Commons/2016/8/3/12a-03-08-2016--10-14-27.jpg"><img src="/FileManager/Articles/mce/2016/8/3/12a-03-08-2016--10-14-27.jpg" alt="" /></a></p>
<p><a class="thickbox" title="" href="/FileManager/Commons/2016/8/3/12b-03-08-2016--10-14-50.jpg"><img src="/FileManager/Articles/mce/2016/8/3/12b-03-08-2016--10-14-50.jpg" alt="" /></a></p>
<p><br /><a class="thickbox" title="" href="/FileManager/Commons/2016/8/3/12c-03-08-2016--10-14-57.jpg"><img src="/FileManager/Articles/mce/2016/8/3/12c-03-08-2016--10-14-57.jpg" alt="" /></a><a class="thickbox" title="" href="/FileManager/Commons/2016/8/3/12b-03-08-2016--10-14-50.jpg"></a><span style="color: #000000;"><br /></span></p>
<p style="text-align: right;"><span style="color: #000000;">ប្រភព ៖ ស៊ីអិនអិន/អាស៊ីវ័ន</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>