<p><span style="color: #000000;"><strong>(កំពង់ធំ)៖</strong> បុរសម្នាក់បានស្លាប់ យ៉ាងអាណោចអាធ័ម ខណៈបក្ខពួកម្នាក់ទៀតរងរបួសធ្ងន់ ដោយត្រូវជនព្រៃផ្សៃ មិនស្គាល់អត្តសញ្ញាណវាយសម្លាប់ទាំងយប់ នៅចំណុចទួលរ៉ាវ ចន្លោះភូមិរនាម-ភូមិត្របែក ឃុំមានជ័យ ស្រុកសណ្តាន់ ខេត្តកំពង់ធំ។</span></p>
<p><span style="color: #000000;">សមត្ថកិច្ចមូលដ្ឋានបានឲ្យដឹងថា ហេតុការណ៍នេះ កើតឡើងនៅយប់ថ្ងៃទី០៧ ខែមករា ឆ្នាំ២០១៧។ ជនរងគ្រោះដែលស្លាប់មាន ឈ្មោះ ហ៊ុន ភាន់ អាយុ២២ឆ្នាំ ចំណែកជនរងគ្រោះដែលរបួសធ្ងន់ ឈ្មោះ ជូន សិលា អាយុ១៨ឆ្នាំ ជាសិស្សសាលា អ្នកទាំងពីររស់នៅភូមិត្របែក ឃុំមានជ័យ ស្រុកសណ្ដាន់ ជាមួយគ្នា។</span></p>
<p><span style="color: #000000;">តាមការពិនិត្យស្លាកស្នាមសាកសព សមត្ថកិច្ចបានឲ្យដឹងថា ជនរងគ្រោះដែលស្លាប់នោះ មានរយះម្រាមដៃស្តាំ រយះគុម្ភថ្គាម, រយះគុម្ភត្រចៀក ជាំពេញកញ្ចឹង.ក មុតក្បាលខាងក្រោយផ្នែកខាងធ្វេង មុតលើត្រចៀកខាងស្តាំ។</span></p>
<p><span style="color: #000000;">ជុំវិញករណីនេះ សមត្ថកិច្ចបានបញ្ជាក់ថា កើតឡើងដោយសាររឿងគំនុំ ហើយកម្លាំងសមត្ថកិច្ចបាននិងកំពុងដុតដៃដុតជើង ស្រាវជ្រាវវែករកមុនជនបង្កយកមកកាត់ទោស៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-08-11-40-41-0.jpg" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>