<p><span style="color: #000000;"><strong>(កូឡុំប៊ី)៖</strong> បន្ទាប់ពីអភិបាលក្រុង Medellin របស់ប្រទេសកូឡុំប៊ីលោក Federico Gutierrez បានប្រាប់សារព័ត៌មានក្នុងស្រុកថា យន្តហោះដឹកក្រុមកីឡាករ បាល់ទាត់ប្រេស៊ីលនោះ មានអ្នកជិះសរុបទាំងពីឡុត សហសេវិក និងកីឡាករសរុប៨១នាក់ ហើយវាអាចមានមនុស្សនៅរស់រាន្តមានជីវិត ប៉ុន្តែនៅពេលនេះត្រូវបានអាជ្ញាធររាយការណ៍ថា យ៉ាងតិចមានមនុស្ស៦នាក់នៅមានជីវិត បន្ទាប់ពីរកឃើញនៅក្បែរកន្លែងធ្លាក់។</span></p>
<p><span style="color: #000000;">សម្រាប់ក្រុមសង្គ្រោះកំពុងបំពេញប្រតិបត្តិការនៅកន្លែងកើតហេតុ ដែលស្ថិតនៅក្បែរទីក្រុង Medellin នោះនៅឡើយ។</span></p>
<p><span style="color: #000000;">យោងតាមសារព័ត៌មានអន្តរជាតិធំៗបានបន្តចេញផ្សាយ Update ឲ្យដឹងនៅមុននេះបន្តិចថា ក្រុមហ៊ុនអាកាសចរណ៍ស៊ីវិល របស់កូឡុំប៊ី បានចេញមកបញ្ជាក់ថា នៅលើយន្តហោះដែលធ្លាក់នោះមានមនុស្សទាំង៨១នាក់ ដោយក្នុងនោះមានអ្នកដំណើរ៧២នាក់ និងសហសេវិកចំនួន៩នាក់។</span></p>
<p><span style="color: #000000;">អាជ្ញាធរកូឡុំប៊ីអះអាងថា យន្តហោះដឹកក្រុមកីឡាករប្រេស៊ីល បានធ្លាក់នៅក្បែរទីក្រុង Medellin ប្រទេសកូឡុំប៊ី។</span></p>
<p><span style="color: #000000;">នៅមុននេះបន្តិច យន្តហោះដឹកក្រុមកីឡាករបាល់ទាត់ប្រេស៊ីល ដែលបានបាត់ដំណឹងក្នុង ដែនអាកាសកូឡុំប៊ីនោះ ត្រូវបានអាជ្ញាធរកូឡុំប៊ីបញ្ជាក់ថា បានធ្លាក់បាត់ទៅហើយ ប៉ុន្តែសម្រាប់ជោគវាសនាអ្នកជិះនៅលើនោះទាំង ៧២នាក់ ប៉ុន្តែនៅពេលនេះត្រូវបានអាជ្ញាធរអះអាងថា បានធ្លាក់នៅក្បែរទីក្រុង Medellin។</span></p>
<p><span style="color: #000000;">យន្តហោះខាងលើនេះ បានធ្វើដំណើរពីប្រទេសប្រេស៊ីល សំដៅទៅអាកាសយានដ្ឋាន Medellin នៃប្រទេសកូឡុំប៊ី ដែលនៅលើនោះដឹកក្រុមកីឡាករបាល់ទាត់ឈ្មោះ Chapecoense ទៅចូលរួមលេងក្នុងកម្មវិធីប្រកួត Copa Sudamerica វគ្គបញ្ចប់ជាមួយនឹងក្រុម Atletico Nacional នៅទីក្រុង Medellin នៃប្រទេសកូឡុំប៊ី ដែលគ្រោងប្រារព្ធឡើងនៅថ្ងៃពុធ សប្តាហ៍នេះ៕</span></p>
<p><span style="color: #000000;"><iframe src="http://players.brightcove.net/4221396001/V19oeQPdg_default/index.html?videoId=5227676879001&applicationId=MIRROR%20Embed%20Offsite" frameborder="0" width="480px" height="380px"></iframe></span></p>
<p><span style="color: #000000;"><img src="https://pbs.twimg.com/media/CyaQUTCXEAEsYvn.jpg" alt="" width="730" /></span></p>
<p><span style="color: #000000;"><img src="https://pbs.twimg.com/media/CyaRiddW8AAJ3T7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-29-13-19-17-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-29-13-30-14-0.jpg" alt="" width="730" /></span></p>