<p><span style="color: #000000;"><strong>(ភ្នំពេញ)៖</strong> តារាសម្ដែងមានសម្រស់ផូរផង់ គួរជាទីទាក់ទាញចិត្តក្រុមបុរសៗសម្បូរទ្រព្យ ចូលចិត្តយកលុយដុល្លាររាយអន្ទាក់ស្នេហ៍ កញ្ញា គីម ច័ន្ទបូរមី ហៅម៉ីម៉ី បានបដិសេធយ៉ាងដាច់អហង្ការថា នាងមិនប្រាថ្នារស់នៅក្រោមទ្រព្យ និងការធានាចិញ្ចឹមពីសំណាក់ បុរសណាម្នាក់ចង់ល្បងស្នេហ៍នាងឡើយ ព្រោះនាងមិនចង់បានស្នេហាបែបនេះ ហើយគ្រួសារក៏មានជីវភាពធូរធា សមល្មមនឹងអាចរស់នៅបានដោយស្រួលដែរ។</span></p>
<p><span style="color: #000000;">ការថ្លែងបែបនេះ គឺស្របពេលដែលស្រីស្រស់ គីម ច័ន្ទបូរមី ទទួលបានតំណែងជាតួឯក ក្នុងរឿងថ្មី មានចំណងជើងថា« អាស៊ុយទ្រីស្មោះស្នេហ៍» របស់ផលិតកម្ម BKS Production កាលពីថ្ងៃទី១១ ខែកុម្ភៈ ឆ្នាំ២០១៦ ក្នុងពិធីក្រុងពាលីថតរឿងថ្មីនេះ ខណៈដែលនាងជាតារាសម្ដែងម្នាក់ កំពុងតែមានទីផ្សារសិល្បៈល្អ ក្រោយចូលប្រឡូកបាន រយៈពេលប្រមាណ ជាង១ឆ្នាំ ។</span></p>
<p><span style="color: #000000;">កញ្ញា គីម ច័ន្ទបូរមី បាននិយាយថា ការចូលប្រឡូកក្នុងសិល្បៈ តែងតែមានព័ត៌មានលេចឮពីមាត់មួយ ទៅមាត់មួយ មិនអត់នោះទេ តែអ្វីដែលសំខាន់បំផុត គឺយើងមិនបានធ្វើ ដូច្នេះយើងអត់ខ្លាចនោះឡើយ។ ជាពិសេសចំពោះរូបនាងផ្ទាល់ ក៏មិនចង់រស់នៅក្នុងស្ថានភាព មានគេតាមស្រឡាញ់ ចង់យកចិញ្ចឹម និងរស់ក្រោមប្រាក់របស់អ្នកមាននោះដែរ ព្រោះនាងអះអាងថា គ្រួសាររបស់នាងមានជីវភាពសមរម្យ គួរឲ្យនាងទទួលយកបានហើយ មិនបាច់ដើរលើផ្លូវមួយនេះ នាំតែមានវិប្បដិសារីនោះទេ ។</span></p>
<p><span style="color: #000000;">គីម ច័ន្ទបូរមី និយាយ« ចា៎..បង អត់ទេ ខ្ញុំមិនទាន់គិតរឿងស្នេហាអ្វីទេ មានអ្នកស្រឡាញ់ឬគ្មានក៏ខ្ញុំអត់ដឹងដែរ ខ្ញុំធ្វើយ៉ាងណាការងារសិល្បៈរីកចម្រើន និងមានឈ្មោះល្បីជាងនេះសិន ។ ខ្ញុំក៏មិនចង់រស់នៅក្រោម ការឧបត្ថម្ភរបស់នរណាដែរ ប៉ាម៉ាក់ខ្ញុំគាត់មានជីវភាពធូរធា ខ្ញុំអាចទទួលយកបានហើយ..!» ។</span></p>
<p><span style="color: #000000;">ងាកមកមើលការងារសិល្បៈ របស់ស្រីស្រស់ គីម ច័ន្ទបូរមី វិញ ត្រូវបាននាងបញ្ជាក់ថា កំពុងតែមមាញឹកនឹងការសម្ដែងគួរសម ព្រោះមានគេទាក់ទងឲ្យសម្ដែងជាហូរហែ ។ សម្រាប់នាងមិនប្រកាន់ថា ទាល់តែបានតំណែងជាតួឯក ទើបសម្ដែងនោះទេ ពោលទោះបីជាអ្នកដឹកនាំសម្ដែង ឬចាងហ្វាងផលិតកម្ម តម្រូវឲ្យនាងសម្ដែងជាតួរង ឬតួអ្វីក៏បាន នាងមិនប្រកាន់ ឬមានជំងឺតួឯកនោះឡើយ៕</span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xfp1/v/t1.0-9/12669452_228594150806428_4573850563557036560_n.jpg?oh=2fc2ec3d5caa08ad70aedf3095131d3a&oe=5760FD7E" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xft1/t31.0-8/12698141_228594194139757_3431487491700191501_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfp1/t31.0-8/12697345_228594250806418_119639401816987062_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlp1/v/t1.0-9/12733527_228594144139762_256335333943373747_n.jpg?oh=11d073d3742c5b183270ef55cbb33d0b&oe=576A5520&__gda__=1466833757_7dc28ef549d705e43f80aab4820d5b66" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpt1/t31.0-8/12711002_228594147473095_4682088944628285726_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xap1/v/t1.0-9/12669649_228594207473089_8556428352203157436_n.jpg?oh=81cf4ebcae435ff2b7cf606f0a7ae89d&oe=57373B1E&__gda__=1461950914_b64e35b670d441cb3f7b880ff236f090" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xtl1/v/t1.0-9/12717794_228594197473090_1146759619036424113_n.jpg?oh=4df4c34f9e55738a13361cd81ba7f5c1&oe=5765D1E8" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>