<p><span style="font-size: 12px;">ភ្ញៀវនៅក្នុងពិធីជប់លៀងអាពាហ៍ពិពាហ៍មួយនៅតួកគី ដែលកំពុងតែនាំគ្នារាំរែក ក៏ស្រាប់តែគ្រាប់<br />បែកមួយគ្រាប់បានផ្ទុះឡើង បណ្ដាលឱ្យរញ្ជូយអាគារទាំងមូល។</span></p>
<p>យោងតាមទំព័រ indianexpress គ្រាប់បែកមួយគ្រាប់ដែលត្រូវបានគេដាក់នៅក្នុងរថយន្ត នៅក្រុង <br />Van ប្រទេសតួកគី ជិតព្រំដែនអ៊ីរ៉ង់ កាលពីថ្ងៃទី ១៧ បានត្រូវបំផ្ទុះឡើង បណ្ដាលឱ្យមានមនុស្ស<br />ស្លាប់ ១១នាក់ និងជាង ១២០នាក់ផ្សេងទៀត រងរបួស។ </p>
<p><object style="display: block; margin-left: auto; margin-right: auto;" width="450" height="400" data="http://www.youtube.com/v/7kslWdb8WbU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/7kslWdb8WbU&rel=1" /></object></p>
<p>វីដេអូដែលថតបានសកម្មភាព បានបង្ហាញថា មុនពេលគ្រាប់បែកផ្ទុះ ភ្ញៀវទាំងឡាយកំពុងតែ<br />សប្បាយរីករាយក្នុងការរាំរែកជាមួយកូនកម្លោះ និងកូនក្រមុំ។ ប៉ុន្តែ ខណៈនោះដែរ ក៏ស្រាប់តែ<br />មានសម្លេងផ្ទុះលាន់កងរំពង ធ្វើឱ្យញាប់ញ័រអាគារទាំងមូល។ ទ្វារកញ្ចក់ត្រូវបែកទាំងស្រុង ផ្សែង<br />ក៏សាយភាយពេញបន្ទប់។ មនុស្សទាំងឡាយនាំគ្នារកកន្លែងជ្រក ឬរត់ចេញពីកន្លែងកើតហេតុ។</p>
<p>មកដល់ពេលនេះ មិនទាន់មានក្រុមណាមួយចេញមុខមកទទួលខុសត្រូវចំពោះការបំផ្ទុះគ្រាប់បែក<br />នេះនៅឡើយ។ ក៏ប៉ុន្តែ សមត្ថកិច្ចម្នាក់ឈ្មោះ Mehmet Parlak បានចោទប្រកាន់ថា គណបក្ស<br />ពលករជាតិឃើត (Kurd (PKK)) គឺជាអ្នកនៅពីក្រោយការបំផ្ទុះគ្រាប់បែកនេះ។</p>
<p>PKK ត្រូវបានតួកគី អាមេរិក និងសហភាពអឺរ៉ុប ចាត់ទុកថា ជាក្រុមភេរវកម្ម។</p>
<p>កាលពីថ្ងៃទី ១៥សីហា PKK ក៏ធ្លាប់បានធ្វើការបំផ្ទុះគ្រាប់បែកក្នុងរថយន្ត នៅក្នុងខែត្រ Diyarbakir <br />បណ្ដាលឱ្យមានមនុស្សស្លាប់ ៧នាក់ និង ៤៥នាក់រងរបួស។</p>
<p>តំបន់អាគ្នេយ៍របស់តួកគី ជាកន្លែងដែលមានជនជាតិឃើតរស់នៅច្រើន បានធ្លាក់ទៅក្នុងអំពើ<br />ហឹង្សា បន្ទាប់ពីកិច្ចព្រមព្រៀងឈប់បាញ់ដែលបានរយៈពេល ២ឆ្នាំ រវាងរដ្ឋាភិបាល និង PKK <br />បានបរាជ័យ កាលពីខែកក្កដា ឆ្នាំទៅ។</p>
<p style="text-align: right;">ប្រែសម្រួល ៖ បុត្រា</p>