<p><span style="color: #000000;"><strong>(ញូយ៉ក)៖</strong> បន្ទាប់ពីបណ្ដាប្រព័ន្ធនានាបានចុះផ្សាយថា ការិយាល័យស៊ើបអង្កេតសហព័ន្ធ FBI បានឃាត់ខ្លួនមនុស្សចំនួនប្រាំនាក់ នៅលើដងវិថី Belt Park ក្រោមស្ពាន Verranazno ក្នុងទីក្រុងញូយ៉ក ពីបទសង្ស័យថាអាចជាប់ពាក់ព័ន្ធនឹង ការបំផ្ទុះគ្រាប់បែក នៅយប់ថ្ងៃសៅរ៍នោះ អ្នកនំាពាក្យភ្នាក់ងារ FBI បានច្រានចោលការលើកឡើងនេះដោយបញ្ជាក់ថា ពុំមានការចាប់ខ្លួនណាមួយទាក់ទិននឹង ករណីបំផ្ទុះគ្រាប់បែកនេះទេ។ នេះបើតាមសារព័ត៌មានបារំាង Le Figaro ចេញផ្សាយនៅមុននេះបន្តិច នារសៀលថ្ងៃចន្ទ ទី១៩ ខែកញ្ញា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/9/19/11b-19-09-2016--14-35-22.jpg"><img src="/FileManager/Articles/mce/2016/9/19/11b-19-09-2016--14-35-22.jpg" alt="" /></a></p>
<p><span style="color: #000000;">អ្នកនំាពាក្យភ្នាក់ងារ FBI លោកស្រី Kelly Langmesser បានលើកឡើងដូច្នេះថា៖ «យើងបានឃាត់ រថយន្ដដែលសង្ស័យមួយគ្រឿងនៅតាមដងផ្លូវក្នុងទីក្រុង ញូយ៉ក ក៏ប៉ុន្តែពុំមានការចាប់ខ្លួនណាមួយ ត្រូវបានធ្វើឡើងនោះឡើយ ហើយក៏គ្មានមនុស្សណាម្នាក់ត្រូវចោទប្រកាន់ជាផ្លូវការ ពីបទឧក្រិដ្ឋណាមួយនោះដែរ»។</span></p>
<p><br /><a class="thickbox" title="" href="/FileManager/Commons/2016/9/19/11c-19-09-2016--14-35-29.jpg"><img src="/FileManager/Articles/mce/2016/9/19/11c-19-09-2016--14-35-29.jpg" alt="" /></a></p>
<p><span style="color: #000000;">វីដេអូពីប្រព័ន្ធកាមេរ៉ាសុវត្ថិភាព បានបង្ហាញពីសកម្មភាពបុរសម្នាក់ កំពុងអូសកាបូកមួយនៅលើរទេះរុញ ក្បែរផ្លូវលេខ ២៣ ដែលជាកន្លែងគ្រាប់បែកត្រូវបានបំផ្ទុះ ខណៈសកម្មភាពនេះគឺនៅរយៈពេល៤០នាទី មុនការផ្ទុះគ្រាប់បែក។ រីឯវីដេអូមួយផ្សេងទៀត ក៏បានបង្ហាញពីបុរសនិងកាបូបដដែល នៅលើផ្លូវលេខ ២៧ ដែលជាកន្លែងដែលគេរកឃើញគ្រាប់បែកទីពីរ ដោយនៅក្នុងវីដេអូនេះ បុរសសង្ស័យបានទុកកាបូប ចោល ហើយបន្តិចក្រោយមកមានបុរសពីរនាក់ផ្សេងទៀត បានដើរសំដៅទៅបើកកាបូបនោះ។</span></p>
<p><span style="color: #000000;">ចំពោះការសង្ស័យថាតើបុរសទាំងពីរ និងបុរសម្នាក់ដែលត្រូវបានគេឃើញនៅក្នុងវីដេអូទាំងពីរមានការ ពាក់ព័ន្ធគ្នាយ៉ាងណានោះ ប៉ូលីសក្រុងញូយ៉កនៅពុំទាន់បានដឹងច្បាស់នៅឡើយទេ។ គួរបញ្ជាក់ថាកាលពី ថ្ងៃអាទិត្យ ស្ថានីយ៍ទូរទស្សន៍ABC News ដោយផ្អែកលើប្រភពមិនបញ្ជាក់អត្តសញ្ញាណ បានរាយការណ៍ថា មានមនុស្សប្រាំនាក់ត្រូវបានចាប់ខ្លួនពីបទជាប់ពាក់ព័ន្ធករណីផ្ទុះគ្រាប់បែកមួយ ដែលបានកើតឡើងនៅសង្កាត់ Chelsea នៃតំបន់ Manhattan ស្ថិតនៅកណ្ដាលទីក្រុង New York ដោយបានបណ្តាលឲ្យមនុស្ស២៩នាក់រងរបួស៕</span></p>
<p><span style="color: #0000ff;"><a href="/News/Detail/27782/new-york-explosion-was-a-terror-attack-governor-says" target="_blank"><span style="color: #0000ff;">-Update៖ អភិបាលក្រុងញូយ៉កអះអាងថា ការបំផ្ទុះគ្រាប់បែកបង្ករបួស ២៩នាក់ គឺជាអំពើភេរវកម្ម</span></a></span></p>
<p><iframe src="https://players.brightcove.net/4802324435001/default_default/index.html?videoId=5130189378001" frameborder="0" width="480" height="380"></iframe></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>