<p><span style="color: #000000;"><strong>(ភ្នំពេញ)៖</strong> តារាកំប្លែងក្នុងក្រុម នាយក្រឹម គឺនាយ បឿន ឬនាយយក្ស ដែលមានឈ្មោះពិតថា ធួក ពៅ បានទទួលមរណភាពហើយ កាលពីម៉ោង១ រំលងអាធ្រាត្រឈានចូលថ្ងៃទី០៧ ខែមិថុនា ឆ្នាំ២០១៦នេះ ដោយសារជំងឺគាំងបេះដូង ពោលគឺស្លាប់នៅខាងក្រោយឆាកសម្ដែង តែម្ដង។</span></p>
<p><span style="color: #000000;">យោងតាមម្ចាស់ Account Facebook របស់ស្រីលាប ដែលមានឈ្មោះថា Oun Leap Good Luck ហើយត្រូវបានគេស្គាល់ថា ជាភរិយាក្រោយ របស់នាយក្រឹម បានសរសេរនៅប៉ុន្មាននាទីមុននេះថា «សូមចូលរួមរំលែកទុក្ខ លោកពូយក្សផង បើបងប្អូនចង់ចូលបុណ្យគ្រួសារគាត់ សូមទាក់ទងលេខ 093 940 707»។ ក្នុងនោះ ក៏មានភ្ជាប់មកជាមួយនូវរូបថតរបស់ នាយបឿនទៀតផង ។</span></p>
<p><span style="color: #000000;">ប្រភពព័ត៌មានដដែលបានបន្តថា នាយបឿន ឬនាយយក្ស បានធ្លាក់ខ្លួនឈឺជាច្រើនខែមកហើយ និងបានទៅសម្រាកព្យាបាយនៅផ្ទះ ឯស្រុកកំណើត ក្នុងស្រុកតាំកក់ ខេត្តតាកែវ ហើយក្រៅពីជំងឺបេះដូង នាយបឿន ក៏មានជំងឺលើឈាម កម្រិតធ្ងន់ផងដែរ ទើបគ្រួសារត្រូវបញ្ជូនទៅព្យាបាលនៅពេទ្យជាប្រចាំ រាល់ពេលលោកធ្វើទុក្ខខ្លាំងម្ដងៗ។ ប៉ុន្តែនៅវេលាម៉ោង១ រំលងអាធ្រាត្រ ឈានចូលថ្ងៃទី០៧ ខែមិថុនា ឆ្នាំ២០១៦នេះ ដោយសារតែស្ថានភាពជំងឺ ឈានដល់ដំណាក់កាលធ្ងន់ធ្ងរខ្លាំងមែនទែន លោកក៏បានគាំងបេះដូងស្លាប់ នៅខាងក្រោយឆាកសម្ដែងល្ខោនបាសាក់ ក្នុងខេត្តតាកែវតែម្ដង ខណៈក្រុមគ្រួសារបានបញ្ជូនទៅឲ្យពេទ្យជួយសង្គ្រោះដែរ តែមិនអាចជួយបានឡើយ។</span></p>
<p><span style="color: #000000;">ប្រភពខាងលើបញ្ជាក់ទៀតថា បច្ចុប្បន្ននេះ សពរបស់នាយបឿន កំពុងតែតម្កល់ធ្វើបុណ្យក្នុងវត្ត មឿងចារ្យ ស្ថិតក្នុងស្រុកត្រាំកក់ ខេត្តតាកែវ ជាស្រុកកំណើតរបស់លោក ខណៈដែលក្រុមគ្រួសារកំពុងតែជួបប្រទះ នូវការខ្វះខាតយ៉ាងខ្លាំង និងសុំសំណូមពរដល់អ្នកសិល្បៈ ជាមិត្តរួមអាជីព មេត្តាជួយជ្រោមជ្រែង ក្នុងកម្មវិធីបុណ្យសពនេះផង៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13332738_987312798032065_4341148846738840946_n.jpg?oh=f3520eb71ff36522bd00f7eb11c3d8c7&oe=580F7D85" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13319831_1127777973932541_4128273524906294166_n.jpg?oh=1b88890da2bfc153eda94ba825d3eb70&oe=580CCB91" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13319947_1127777990599206_810515570308331017_n.jpg?oh=17aff10e0dd0b89bd51d62c907fa8660&oe=5804D88A" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlp1/v/t1.0-9/13417407_1127778013932537_920784441724805540_n.jpg?oh=6b409432963e44b9a3f951278ead6329&oe=57D8E8EE&__gda__=1473915132_4118498dcd24b5d2d32811a567933e9b" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13413607_1127822143928124_9072122349025083717_n.jpg?oh=9816517186ed6cb3b2c965307145030a&oe=580D7D21" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13413056_1127831553927183_1284196960722100947_n.jpg?oh=4cb85b48e9a2c623df2c712f677a6fb1&oe=580875EE" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>