<div class="article-content">
<p><span style="color: #000000;"><strong>កំពង់ចាម៖</strong> ភ្ញៀវទេសចរបរទេស ជនជាតិអូស្រ្តាលី ៦នាក់ ស្រី២នាក់ បានរងរបួសធ្ងន់ និងស្រាល ដោយសារធ្លាក់ពីលើភ្នំ ហាន់ជ័យ ពេលកំពុងដើរកម្សាន្តនាម៉ោង ៨ និង៥០នាទីព្រឹកថ្ងៃទី០៨ ខែកញ្ញា ឆ្នាំ២០១៤នេះ ស្ថិតនៅ ក្នុងភូមិហាន់ជ័យ ឃុំហាន់ជ័យ ស្រុកកំពង់សៀម ខេត្តកំពង់ចាម។</span></p>
<p><span style="color: #000000;">អធិការនគរបាលស្រុកកំពង់សៀម លោក ប៉ាក់ ជាតិ បានថ្លែងប្រាប់មជ្ឈមណ្ឌលព័ត៌មានដើមអម្ពិលឲ្យដឹង ក្រោយ កើតហេតុភ្លាមៗថា នៅមុនពេលកើតហេតុ ភ្ញៀវទេសចរបរទេសទាំង ៦នាក់ បានឡើងទៅ ដើរកម្សាន្តលើភ្នំហាន់ជ័ យ។</span></p>
<p><span style="color: #000000;">ខណៈកំពុងដើរលេងភ្ញៀវទេសចរទាំង ៦នាក់ បានទៅផ្អែកនឹងបង្កាន់ដៃ ដែលគេរាំងនៅតាមជើងភ្នំ ដើម្បីដើរ កម្សាន្ត ស្រាប់បង្កាន់ដៃនោះបាក់ ធ្វើជនបរទេសទាំង ៦នាក់ធ្លាក់ចុះមក ទាំងអស់តែម្តង។</span></p>
<p><span style="color: #000000;">បើតាមលោក ប៉ាក់ ជាតិ ជនបរទេសទាំង ៦នាក់ បានរងរបួសធ្ងន់ និងស្រាល ហើយសមត្ថកិច្ច ក៏បានប្រតិបត្តការ ដឹកបញ្ជូនពួកគេទៅសង្រ្គោះភ្លាមៗ នៅមន្ទីរពេទ្យផងដែរ៕</span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0185.jpg" alt="" width="550" /></span></p>
</div>
<p style="text-align: right;"><a href="http://www.dap-news.com/2011-06-14-02-39-55/94627-2014-09-08-03-34-10.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>