<div class="article-content">
<p><strong>ភ្នំពេញ៖</strong> ជនសង្ស័យម្នាក់ បានដែលសមត្ថកិច្ច អះអាងថា ពាក់ព័ន្ធនឹងការ ដឹកជញ្ជូនគ្រឿង<br />ញៀន ពីតាម បណ្តា ខេត្ត មកជួញដូរ នៅក្នុងរាជធានីភ្នំពេញ ត្រូវសមត្ថ កិច្ចមន្ទីរ ប្រឆាំង<br />គ្រឿងញៀន ក្រសួងមហាផ្ទៃ បើកប្រតិបត្តិការ ពួនស្ទាក់ ចាប់បាននៅតាមបណ្តោយផ្លូវ២១៧<br /> ទល់មុខអធិការដ្ឋាននគរបាលខណ្ឌដង្កោ ក្នុងសង្កាត់ ដង្កោ ខណ្ឌ ដង្កោ កាលពីវេលាម៉ោង១២<br />និង៤០នាទីរសៀល ថ្ងៃទី២៦ ខែមិថុនា ឆ្នាំ២០១៣ ខណៈដែលជនសង្ស័យរូបនេះ កំពុងជិះ<br />រថយន្តមួយគ្រឿង មកពីខេត្ត។</p>
<p>ជនសង្ស័យជិះ រថយន្តម៉ាកតាកូម៉ា ពណ៌ក្រហម ពាក់ស្លាកលេខ ក្រុងព្រះសីហនុ 2A-02 38 <br />ធ្វើដំណើរពីត្បូង មកជើងតាមផ្លូវ២១៧ បើកបរដោយជនសង្ស័យ លុះជិះ មកដល់មុខអធិការ<br />ដ្ឋាន ខណ្ឌដង្កោក៏ស្រាប់ តែមានការ ភ្ញាក់ ផ្អើល ដោយក្រុមជនស៊ីវិល ជិះរថយន្ត១គ្រឿង ម៉ាក<br /> <strong>Vigo Hilux </strong>ពណ៌ទឹកប្រាក់ ពាក់ស្លាកលេខ ភ្នំពេញ 2H-6942 និងម៉ូតូ២គ្រឿង អះអាងថា ជា<br />សមត្ថកិច្ចរបស់មន្ទីរប្រឆាំងគ្រឿងញៀន ក្រសួងមហាផ្ទៃមកឈប់កាក់ពីមុខរថយន្តជនសង្ស័យ<br /> ដកអាវុធខ្លីគ្រប់ដៃ ហើយ ភ្ជុងទៅលើរថយន្ត របស់ជនសង្ស័យឲ្យចុះពី លើរថយន្ត ភ្លាម នោះ<br />ក៏វាយខ្នោះដៃ ហើយរុញឡើងរថយន្ត នាំទៅកាន់មន្ទីរប្រឆាំងគ្រឿងញៀន តែម្តង ចំណែកជន<br /> សង្ស័យវិញ ខណៈដែលក្រុមសមត្ថកិច្ច វាយខ្នោះដៃ គេឈរជក់បារីធ្វើព្រងើយ វាហាក់បីដូចជា<br />គ្មានរឿងអ្វីកើតឡើង មកលើខ្លួនឡើយ។</p>
<p>ប្រភពពីសមត្ថកិច្ចម្នាក់ ដែលចុះប្រតិបត្តិការបង្ក្រាបនោះ បានប្រាប់ឲ្យដឹងថា ពួកគាត់ជាសមត្ថ<br />កិច្ច មកពីការិយា ល័យទី២នៃមន្ទីរ ប្រឆាំងគ្រឿងញៀន ក្រសួងមហាផ្ទៃ បានកំពុងចុះច្បាមមុខ<br />សញ្ញាមេខ្លោងជួញដូរ គ្រឿង មាន២ គោលដៅ ដោយក្រុមរបស់ខ្លួន១ក្រុមផ្សេងទៀត កំពុង<br />ចុះច្បាមមុខសញ្ញាមេខ្លោង ជួញដូរដែរ នៅខណ្ឌ សែនសុខ ហើយមុខសញ្ញាមួយនេះ កំលាំង<br />បានតាមរហូត ព្រោះវាបើករថយន្ត ណាត់ជួបគ្នាដើម្បីលក់លុះមកដល់ចំណុចខាងលើ ដោយ<br />កំលាំងយើងយល់ថា ជាឱកាសល្អ យើងក៏បើករថយន្ត ឈប់ស្ទាក់មុខរថយន្ត ជនសង្ស័យចាប់<br />ក្របួចបានតែម្តង។</p>
<p>តែទោះបីជាយ៉ាងណាក៏ដោយ នៅក្នុងរង្វង់ប្រតិបតិ្តការ ខាងលើនេះ ពុំករណីផ្ទុះអាវុធទេបើ<br />តាមប្រភព ពីសមត្ថ កិច្ចរបស់មន្ទីរម្នាក់បានបង្ហើបឲ្យដឹងថា ប៉ុន្មានថ្ងៃនេះកំលាំងរបស់មន្ទីរ<br />ប្រឆាំង គ្រឿងញៀន បានចុះច្បាមមុខ សញ្ញាចែកចាយមកពីខេត្ត ៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0661.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0662.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>