<div class="item-page">
<p><span style="color: #000000;"><strong>(ព្រះសីហនុ)៖</strong> កម្លាំងនគរបាលខេត្តព្រះសីហនុ បានបើកប្រតិបត្តិការ បង្ក្រាបករណីជួញដូរគ្រឿងញៀនដ៏ធំមួយ ដែលមានមេក្លោងជាជនជាតិបរទេសចំនួន៥នាក់ នៅ២គោលដៅផ្សេងគ្នា ហើយបានដកហូតថ្នាំញៀន ព្រមទាំងសម្ភារយ៉ាងច្រើនផងដែរ។</span></p>
<p><span style="color: #000000;">ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ នៅព្រឹកព្រលឹមថ្ងៃទី២៦ ខែធ្នូ ឆ្នាំ២០១៦នេះ បានប្រាប់អង្គភាព Fresh News ថា កម្លាំងជំនាញបានចេញប្រតិបត្តិការបង្ក្រាបចំនួនពីរគោលដៅ ឃាត់ខ្លួនជនសង្ស័យ សរុបចំនួន៥នាក់ ក្នុងនោះស្រី៣នាក់។</span></p>
<p><span style="color: #000000;"><strong>គោលដៅទី១: ប្រតិបត្តិការនេះ បានធ្វើឡើងនៅក្រុមទី១៤ ភូមិ២ សង្កាត់២ ក្រុងព្រះសីហនុ ឃាត់ខ្លួនជន សង្ស័យចំនួន៣នាក់ រួមមាន៖</strong></span></p>
<p><span style="color: #000000;">១. ឈ្មោះ Melnyk Volodymyr ភេទប្រុស អាយុ២៨ឆ្នាំ សញ្ជាតិ អ៊ុយក្រែន (មិនមានលិខិតឆ្លងដែនជាប់នឹងខ្លួន) </span><br /><span style="color: #000000;">២. ឈ្មោះ Lenya Vlkoval ភេទស្រី អាយុ២៦ឆ្នាំ សញ្ជាតិឆែក (មិនមានលិខិត ឆ្លងដែនជាប់នឹងខ្លួន)</span><br /><span style="color: #000000;">៣. ឈ្មោះ Sirkia Hannah ភេទស្រី អាយុ២៨ឆ្នាំ សញ្ជាតិហ្វាំងឡង់ (មិនមាន លិខិតឆ្លងដែនជាប់នឹងខ្លួន)។</span></p>
<p><span style="color: #000000;">លោកឧត្តមសេនីយ៍ស្នងការ បានបញ្ជាក់ទៀតថា សម្រាប់ការបង្ក្រាបនៅគោលដៅទី១នេះ កម្លាំងនគរបាលរបស់លោក បានដកហូតបានវត្ថុតាងរួមមាន៖ ម៉ាសីុនសម្រាប់ផលិតគ្រឿងញៀន 1គ្រឿង, ម្សៅក្រាមពណ៌ស សង្ស័យថ្នាំញៀន ចំនួន៤២២គ្រាប់, ថ្នាំគ្រាប់ពណ៌បៃតងសង្ស័យថ្នាំញៀន ចំនួន៥៤គ្រាប់, ថ្នាំគ្រាប់ពណ៌ផ្កាឈូកសង្ស័យសាធាតុញៀនចំនួន២៩៥ក្រាម, ម្សៅពណ៌បៃតងសង្ស័យសាធាតុញៀន ចំនួន ១ប្រអប់,ម្សៅពណ៌ផ្កាឈូកសង្ស័យសាធាតុញៀន ចំនួន១ប្រអប់, ម្សៅពណ៌ផ្កាឈូក(រាងដូចពណ៌កំបោរ) សង្ស័យសាធាតុញៀន១ប្រអប់, ម្សៅម៉ាក Microcystalline Cellulose ទម្ងន់177ក្រាម និងម្សៅម៉ាក Magnessieu Magneseum មួយចំនួនផងដែរ។</span></p>
<p><span style="color: #000000;"><strong>ដោយឡែក ប្រតិបត្តិការបង្ក្រាបនៅគោលដៅទី២ បានធ្វើឡើងនៅក្រុមទី២២ ភូមិ៥ សង្កាត់៤ ក្រុងព្រះសីហនុ ឃាត់ខ្លួនជនសង្ស័យ២នាក់បន្ថែមទៀត រួមមាន៖</strong></span></p>
<p><span style="color: #000000;">១. ឈ្មោះ Grafma Mikhail ភេទប្រុស អាយុ៥៣ឆ្នាំ សញ្ជាតិអាមេរិកកាំង កាន់លិខិតឆ្លងដែនលេខ 711091581</span><br /><span style="color: #000000;">២. ឈ្មោះ Mukhametianova Elmira ភេទស្រី អាយុ៣១ឆ្នាំ សញ្ជាតិរុស្សី កាន់លិខិតឆ្លងដែនលេខ 752312661។</span></p>
<p><span style="color: #000000;">សម្រាប់ការបង្ក្រាបនេះ កម្លាំងនគរបាលបានដកហូតវត្ថុតាងរួមមាន: ជញ្ជីងសម្រាប់ថ្លឹងគ្រឿងញៀន១គ្រឿង, ថ្នាំឈ្មោះ Trauma ប្រភេទគ្រាប់ពណ៌ស២៦បំពង់, ម្សៅពណ៌សសង្ស័យសាធាតុញៀន៣កញ្ចប់ធំ និង៣កញ្ចប់តូច, សឺរាំងចាក់ចំនួន៤, ថ្នាំពេទ្យមួយចំនួន, ទូរស័ព្ទដៃ២គ្រឿង, កុំព្យូទ័រចំនួន១គ្រឿង, ប័ណ្ណបេីកបរ១សន្លឹក, ឌីសចំនួន២០បន្ទះ និងឯកសារមួយចំនួនទៀត។</span></p>
<p><span style="color: #000000;">បើតាមលោកស្នងការ សម្រាប់ករណីនេះ ស្នងការដ្ឋាននគរបាលខេត្ត បានអញ្ជើញមន្ត្រីជំនាញ នៃមន្ទីរ ប្រយុទ្ធប្រឆាំងគ្រឿងញៀន មកធ្វេីការពិសោធន៍ថ្នាំខាងលេី លទ្ធផលបញ្ជាក់ថា ពិតជាថ្នាំញៀនប្រភេទ ( MDMA) ប្រាកដមែន។</span></p>
<p><span style="color: #000000;">បច្ចុប្បន្នជនសង្ស័យត្រូវបានកម្លាំងជំនាញឃាត់ខ្លួនបណ្តោះអាសន្ន រួមនឹងវត្ថុតាងនៅស្នងការដ្ឋាននគរបាលខេត្ត ដេីម្បីបន្តតាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-14-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-14-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-14-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-14-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-14-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-15-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-15-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-15-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-15-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-15-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-15-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-16-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-16-12.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-16-13.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-16-14.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-16-15.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-26-07-51-16-16.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>