<p><span style="color: #000000;"><strong>(បាសេឡូណា)៖</strong> លោក Luis Enrique ដែលជាគ្រូបង្វឹកបង្គោលរបស់ក្លឹបអ្នកមានបុណ្យ FC Barcelona បានប្រកាស ជាផ្លូវការយប់មិញនេះថា នឹងលាឈប់ពីក្រុមដែលមានមូលដ្ឋាននៅតំបន់ Catalan នេះហើយ បន្ទាប់ពីបញ្ចប់រដូវកាល ឆ្នាំ២០១៦-២០១៧ នេះ។</span></p>
<p><span style="color: #000000;">បុរសវ័យ៤៦ឆ្នាំ Enrique បានថ្លែងប្រាប់សារព័ត៌មាន Dailymail ក្រោយបញ្ចប់លទ្ធផលឈ្នះ ៦-១ ទៅលើក្រុមភ្ញៀវ Sporting Gijon នៅពហុកីឡដ្ឋាន Camp Nou ថា <strong>«វាពិតជាលំបាកខ្លាំងណាស់ក្នុងការសម្រេច ខណៈដែលកំពុងរងសម្ភាធខ្លាំង តែអ្វីដែលសំខាន់នោះ កិច្ចសន្យាចាស់ក៏នឹងអស់សុពលភាពផងដែរ ហើយក៏សូមថ្លែងអំណរគុណចំពោះក្លឹប និងមិត្តរួមការងារ រួមទាំងអ្នកគាំទ្រផងដែរ»</strong>។</span></p>
<p><span style="color: #000000;">ស្ថិតក្រោមការដឹកអស់រយៈពេល ៣ឆ្នាំរបស់ Luis Enrique បានជួយឲ្យក្លឹប Barcelona ឈ្នះជើងឯកដំបូងក្នុងឆ្នាំ២០១៥ ហើយឆ្នាំបន្ទាប់ឈ្នះបានពាន ២បន្ថែមទៀត មុនពេលធ្លាក់ជើងនៅរដូវកាលឆ្នាំ២០១៦-២០១៧ ហើយអ្វីដែលគួរឲ្យភ្ញាក់ផ្អើលបំផុតនោះ គឺដឹកនាំ Barcelona ទទួលលទ្ធផលមិនគាប់ប្រសើរសោះនៅក្រៅដី ជាពិសេសចាញ់ម្ចាស់ផ្ទះ Paris Saint-Germain ៤-០ ក្នុងជើងទី១ នៃវគ្គ១៦ ក្នុងព្រឹត្តិការណ៍ធំ UEFA Champions League៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/2/59-02-03-2017--13-54-44.jpg"><img src="/FileManager/Articles/mce/2017/3/2/59-02-03-2017--13-54-44.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>