<p><span style="color: #000000;"><strong>ភ្នំពេញ៖</strong> បន្ទាប់ពីគេហទំព័រ LookingTODAY បានធ្វើការចុះផ្សាយអត្ថបទ មួយមានចំណងជើងធំៗថា «ដួង ស្រីពេជ្រ ត្រូវគេសង្ស័យថាលូកថ្លើម បំបែកស្នេហ៍ សោភ័ណ្ឌ លីនដា ពីលោក មករា» ដោយព័ត៌មាននេះចេញផ្សាយ មិនទាន់បានស្រួលផង បានធ្វើឲ្យម្ចាស់សាម៉ីខ្លួន លោក មករា ខូល និងតារាសម្ដែង ដួង ស្រីពេជ្រ បានប្រញាប់ចេញ មុខច្រានចោលព័ត៌មាននេះភ្លាមៗថា ពួកគេពុំមាក់ជាប់ពាក់ព័ន្ធក្នុងចំណងស្នេហានឹងគ្នាអ្វីឡើយ ពោលគ្រាន់តែជា អ្នកស្គាល់គ្នា រាប់អានគ្នាធម្មតាៗប៉ុណ្ណោះ។</span></p>
<p><span style="color: #000000;">ដោយឡែកលោក មករា ក៏បានបញ្ជាក់យ៉ាងច្បាស់ៗថា ចំណងស្នេហារវាងលោក និងអតីតគូស្នេហ៍ គឺនាង សោភណ្ឌ លីនដា បែកបាក់គ្នាមិនមែន ដោយសារតែមានវត្តមានអ្នកទី៣ គឺ កញ្ញា ដួង ស្រីពេជ្រ ចូលជ្រៀតជ្រែកស្នេហ៍អ្វីនោះ ដែរ ។</span></p>
<p><span style="color: #000000;">បុរសសង្ហាដែលជាអ្នកដឹកនាំ ការសម្តែងប្រចាំផលិតកម្ម សាន់ដេ លោក មករា (ហៅមករាខូល) បានថ្លែងប្រាប់ គេហទំព័រ LookingTODAY ឲ្យដឹងថា ចំពោះរឿងរ៉ាវដែលលោក និងអតីតគូស្នេហ៍ កញ្ញា សោភ័ណ្ឌ លីនដា សម្រេចចិត្តផ្តាច់ទំនាក់ទំនង ស្នេហាផ្អែមល្ហែម ជាមួយគ្នា គឺដោយសារ តែពេលវេលា មិនអាចរស់នៅ ជាមួយគ្នាបន្តបាន ក៏ ចែកផ្លូវគ្នា មិនមែនដោយសារតែ មានអ្នកទី៣ ចូលជ្រៀតជ្រែកស្នេហ៍ឡើយ ។</span></p>
<p><span style="color: #000000;">អ្នកដឹកនាំសម្ដែង ដែលសម្បូរពុកមាត់រូបនេះ បានប្រាប់ឲ្យដឹងទៀតថា «ជាការពិតណាស់ខ្ញុំ និងអតីតគូស្នេហ៍ ធ្លាប់ស្រលាញ់គ្នាខ្លាំង ដូចដែលទស្សនិកជនធ្លាប់បានឃើញ តែចំណងស្នេហាមួយនេះ ប្រែក្លាយជាល្វីងជូរចត់ រហូតដល់បែកបាក់គ្នានោះ ដោយសារតែពួកខ្ញុំ គ្មានពេលសម្រាបគ្នាគ្រប់គ្រាន់។ ម្នាក់ៗរវល់រៀងខ្លួនហេតុនេះក៏ ផ្តាច់ទំនាក់ទំនង តែម្តងទៅ ហើយការបែកបាក់គ្នានេះ គឺមិនមែនដោយសារតែ កញ្ញា ដួង ស្រីពេជ្រ ចូលមកពុះហែក បំបែកស្នេហ៍ពួកខ្ញុំទេ...។ ស្រីពេជ្រ ខ្ញុំស្គាល់គាត់យូរហើយ ព្រោះជាអ្នកសិល្បៈដូចគ្នា រាប់អានដូចបងប្អូនទៅហើយ ដល់ពេលមានរឿងចេញបែបនេះ ដូចជាស្រងាកចិត្តដែរហ្នឹង...អាចប៉ះពាល់ដល់ស្រីពេជ្រ ...»។</span></p>
<p><span style="color: #000000;">លោក មករា បានចេញមុខអះអាង ដោយការពារកិត្តិយស របស់ ដួង ស្រីពេជ្រ ទៀតថា លោកមិនចង់ឲ្យរឿងរបស់ លោកទៅប៉ះពាល់ ជាមួយកិត្តិយសអ្នកដទៃ (ដួង ស្រីពេជ្រ) ទេ ព្រោះរឿងគ្រប់យ៉ាង កើតឡើងមកពីពួកលោក ដូច្នេះហើយលោក ត្រូវចេញមុខបកស្រាយ ដើម្បីការពារអ្នកដែលមិនពាក់ព័ន្ធ ។ ម្យ៉ាងទស្សនិកជន បានដឹងហើយថា ស្រីពេជ្រ គ្នាកំពុងតែពើបប្រទះ និងរឿងរ៉ាវមិនល្អជាច្រើនហើយ អ៊ីចឹងរឿងនេះ វាមិនសមជារឿងទេ ហើយលោកសង្ឃឹមថា ការបកស្រាយនេះ និងធ្វើឲ្យទស្សនិកជន បានដឹងច្បាស់ តែលោកសុំមិននិយាយពី មូលហេតុបែកបាក់ ជាមួយគូស្នេហ៍ចាស់ទេ ។</span><br /><span style="color: #000000;">ដោយឡែកតារាសម្ដែង កំពុងតែឡើងកូដស្រឺតៗដូចកាំជណ្ដើរ កញ្ញា ដួង ស្រីពេជ្រ បានថ្លែងបា្រប់ពីខេត្តបាត់ដំបង ខណៈដែលកំពុងតែថតរឿង«កុលាប៤ទង» ឲ្យដឹងថា នាងនិងលោក មករា បានរាប់អានគ្នាជាច្រើនឆ្នាំមកហើយ ព្រោះមករា ជាអ្នកដឹកនាំសម្ដែង ហើយនាងជាតារាសម្ដែង ហើយពុំដែលមានទំនាក់ទំនង អ្វីក្រៅពីមិត្តភាពធម្មតាឡើយ។ </span><br /><span style="color: #000000;">ដួង ស្រីពេជ្រ និយាយ« អូ.!អត់ទេបង..ចប់ហើយបើថា ខ្ញុំមានស្នេហាអី ជាមួយគាត់(មករា) គឺខុសស្រឡះ មនុស្សរាប់អានគ្នា ស្គាល់គ្នាច្រើនឆ្នាំហើយ មិនដែលគិតសូម្បីតែបន្តិច តែពេលមានពព័ត៌មានអ៊ីចឹងចេញទៅ ខ្ញុំដូចជាអន់ចិត្តដែរហ្នឹង ។ ខ្ញុំដឹងថា ខ្ញុំជាអ្នកសិល្បៈ មុននឹងធ្វើអ្វីមួយ ត្រូវប្រយ័ត្នប្រយែងណាស់ តែមិនដឹងយ៉ាងម៉េច? កាន់តែប្រយ័ត្ន កាន់តែជួប ខ្ញុំខំផ្ចិតផ្ចង់ប៉ុណ្ណឹងហើយ នៅខុសទៀត...!»។</span><br /><span style="color: #000000;">ទោះបីជាយ៉ាងណា សម្រាប់តារាសម្ដែង ដួង ស្រីពេជ្រ បានបញ្ជាក់ដោយសង្កត់ធ្ងន់ ដើម្បីកុំឲ្យមហាជន មានមន្ទិល សង្ស័យថា រវាងនាង និងលោក មករា គឺស្រឡាញ់រាប់អានគ្នា ដូចជាបងប្អូនបង្កើត ហើយមានរយៈពេលយូរឆ្នាំមកហើយ និងគ្មានជាប់ពាក់ព័ន្ធអ្វី ក្នុងរឿងស្នេហាទេ ព្រោះដូចឃើញស្រាប់ ពេលមានកម្មវិធីជួបជុំធំៗ របស់អ្នកសិល្បៈ ទើបបានជួបគ្នា សប្បាយជាមួយគ្នា តែបើគ្មានកម្មវិធីទេ គឺរវល់ការងាររៀងៗខ្លួន អត់មានស្នេហាស្នេហ៍ហឺតអីទេ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/9/10-09-07-2015--15-47-43.jpg"><img src="/FileManager/Articles/mce/2015/7/9/10-09-07-2015--15-47-43.jpg" alt="" /></a></span></p>
<p><a class="thickbox" title="" href="/FileManager/Commons/2015/7/9/11-09-07-2015--15-47-52.jpg"><img src="/FileManager/Articles/mce/2015/7/9/11-09-07-2015--15-47-52.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/9/10-09-07-2015--15-47-43.jpg"></a></span></p>
<p><a class="thickbox" title="" href="/FileManager/Commons/2015/7/9/12-09-07-2015--15-48-00.jpg"><img src="/FileManager/Articles/mce/2015/7/9/12-09-07-2015--15-48-00.jpg" alt="" /></a></p>
<p><a class="thickbox" title="" href="/FileManager/Commons/2015/7/9/13-09-07-2015--15-48-15.jpg"><img src="/FileManager/Articles/mce/2015/7/9/13-09-07-2015--15-48-15.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>