<p><span style="color: #000000;"><strong>ភ្នំពេញ៖</strong> តារាសម្ដែង ជាប់រហស្សនាមថា ជា តារាទឹកភ្នែក កញ្ញា នី មុនីនាថ កាលពីរាត្រីយប់ថ្ងៃទី៦ ខែមករា នេះ បានរំលេចពិធីជប់លៀងខួបកំណើត ជាលក្ខណៈធម្មតាមួយ ជួបជុំមិត្តសិល្បៈ ។ នៅក្នុងពិធីជប់លៀងខួបកំណើតនោះ មានព័ត៌មានលេចឮថា តារាស្រីរូបនេះ បានទទួលកាដូនាឡិកា ពិសេសមានតម្លៃ ជិត១ម៉ឺនដុល្លារ ពីគូស្នេហ៍លាក់មុខ។ ប៉ុន្តែទាក់ទងនឹងព័ត៌មាន លើកឡើងនេះ ត្រូវបានម្តាយរបស់នាង ចេញមុខបដិសេធចោល និងប្រកាសចង់ហៅអ្នកបញ្ចេញព័ត៌មានបែបនេះ មកពិនិត្យមើលនាឡិកា ដែលកូនស្រីខ្លួនពាក់ទៀតផង ។</span></p>
<p><span style="color: #000000;">ថ្លែងប្រាប់គេហទំព័រ LookingTODAY តាមទូរស័ព្ទ នៅរសៀលថ្ងៃទី៧ ខែមករា ឆ្នាំ២០១៥នេះ ម្តាយរបស់តារាសម្តែង កាក់កប់តែតួទឹកភ្នែក កញ្ញា នី មុនីនាថ បានប្រាប់ឲ្យដឹងថា កាលពីរាត្រី យប់មិញនេះ អានាថ បានរៀបចំពិធីជប់លៀងខួបកំណើតមួយ នៅហាងស៊ុប សក្ខណា គម្រប់២៥ឆ្នាំ ប្រមាណ៧-៨តុ ជួបជុំអ្នកសិល្បៈជិតដិត ។ នៅក្នុងនោះ គឺមិនមានអ្នកពិសេស (គូស្នេហ៍) អ្វីក្រៅគ្រួសារអ្នកស្រី និងស្វាមីទេ ហើយកូនអ្នកស្រីក៏មិនបាន ទទួលកាដូពិសេសតម្លៃរាប់ម៉ឺនដុល្លារអ្វីដែរ ។</span></p>
<p><span style="color: #000000;">ម្តាយរបស់តារាសម្តែង និងជាពិធីការិនីរូបនេះ បានប្រាប់ឲ្យដឹងបន្តទៀតថា "យប់មិញនេះ អានាថ កូនខ្ញុំ គេមិនបានទទួល កាដូធំដុំអ្វីឡើយ។ សម្រាប់នាឡិកា ដែលមានពាក្យចចាមអារ៉ាមថា អានាថ ទទួលបានពីគូស្នេហ៍មានតម្លៃខ្ទង់ម៉ឺនដុល្លារនោះ គឺមិនមែនជាការពិតទេ ព្រោះថានាឡិកា ដែលទស្សនិកជន បានឃើញនោះ ជានាឡិកាកាឡៃ ដែលអានាថ ទិញមកពីប្រទេសថៃ មិនមែនមាស ឬផ្លាទីននោះទេ វាពិតជារឿងដែលគួឲ្យអស់សំណើចខ្លាំង ណាស់...! (សើច)"។</span></p>
<p><span style="color: #000000;">ទន្ទឹមជាមួយនឹងគ្នានោះ អ្នកស្រីក៏បានបង្ហើបប្រាប់ ថា "បច្ចុប្បន្ននេះអានាថ កូនខ្ញុំគេមិនទាន់មានម្ចាស់បេះដូងច្បាស់ទេ ព្រោះថាពេលនេះ កំពុងតែសម្លឹង មើលចិត្តថ្លើម ជាមួយបុរសម្នាក់ តែមិនទាន់ជាផ្លូវការទេ ហើយសម្រាប់អត្តសញ្ញាណបុរសម្នាក់នោះ ខ្ញុំសុំលាក់សិន ចាំដល់ពេល ហើយច្បាស់ ខ្ញុំនឹងទម្លាយ ជាសាធារណៈ ព្រោះថារឿងបែបនេះ មិនអាចលាក់បាំងបានឡើយ " ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/30-08-01-2015--09-03-39.jpg"><img src="/FileManager/Articles/mce/2015/1/8/30-08-01-2015--09-03-39.jpg" alt="" /></a></span></p>
<p><a class="thickbox" title="" href="/FileManager/Commons/2015/1/8/31-08-01-2015--09-03-47.jpg"><img src="/FileManager/Articles/mce/2015/1/8/31-08-01-2015--09-03-47.jpg" alt="" /></a></p>
<p><a class="thickbox" title="" href="/FileManager/Commons/2015/1/8/32-08-01-2015--09-03-56.jpg"><img src="/FileManager/Articles/mce/2015/1/8/32-08-01-2015--09-03-56.jpg" alt="" /></a></p>
<p><a class="thickbox" title="" href="/FileManager/Commons/2015/1/8/33-08-01-2015--09-04-03.jpg"><img src="/FileManager/Articles/mce/2015/1/8/33-08-01-2015--09-04-03.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>