<p><span style="color: #000000;"><strong>កំពត៖</strong> ជនដៃដល់មិន ស្គាល់ឣត្តសញ្ញាណម្នាក់ ប្រើប្រាស់គ្រាប់បែក ឆ្នៃចំនួន ១គ្រាប់ បោះចូល ទៅក្នុង ខាងមុខបរវេណ ផ្ទះជាងជួសជុលរថយន្តម្នាក់ នៅវេលាម៉ោង៣និង១៥នាទីជិតភ្លឺ ព្រឹកថ្ងៃទី០៦ ខែតុលា ឆ្នាំ២០១៤នេះ ចំណុចផ្ទះជនរងគ្រោះ ជាប់ក្លោងទ្វារវត្តជ័យឧត្តុង្គ ស្ថិតក្នុងភូមិក្រាំង សង្កាត់ក្រាំងឣម្ពិល ក្រុងកំពត ខេត្តកំពត សំណាងល្ឣគ្មានកើតគ្រោះថ្នាក់ដល់ម្ចាស់ផ្ទះ ប៉ុន្តែគ្រាន់តែមានការខូចខាត បែកកញ្ចក់មួយចំនួន។</span></p>
<p><span style="color: #000000;">ម្ចាស់ផ្ទះឈ្មោះប៊ុន មីកូ ភេទស្រី ឣាយុ៥៧ឆ្នាំ ជាស្ត្រីមេម៉ាយ មុខរបរប្រធាន ហ្គារ៉ាស់ជួសជុលរថយន្ត បច្ចុប្បន្នរស់នៅភូមិ-សង្កាត់ខាងលើ ។</span></p>
<p><span style="color: #000000;">បើតាមកម្លាំង មានសមត្ថកិច្ច ក្នុងសកម្មភាព គប់គ្រាប់បែកដៃនេះ បានដាក់ការសង្ស័យថា ជារឿង គំនុំច្រើនជាង។</span></p>
<p><span style="color: #000000;">បច្ចុប្បន្នកម្លាំង មានសមត្ថកិច្ចនានា កំពុងសហការគ្នា ដើម្បីឈានទៅវែក មុខសញ្ញាពាក់ព័ន្ធ ខាងលើនេះហើយ។</span></p>
<p><span style="color: #000000;">គួរបញ្ជាក់ដែរថា ការបំផ្ទុះគ្រាប់បែកខាងលើ មានការខូចខាតផ្ទះឣ្នករស់នៅជិតខាងបន្តិចបន្តួច ចំនួន៤ផ្ទះទៀតផងដែរ ដោយសារឥទ្ធិពលនៃកម្លាំងផ្ទុះនេះខ្លាំងពេក៕</span></p>
<p><span style="color: #000000;"><img src="http://image.dap-news.com:81/dap-news/dap-images/2014/October/id-011/Hong-0090.jpg" alt="" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/October/id-011/Hong-0091.jpg" alt="" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/October/id-011/Hong-0092.jpg" alt="" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/October/id-011/Hong-0093.jpg" alt="" /></span></p>
<p><span style="color: #000000;"><img src="http://image.dap-news.com:81/dap-news/dap-images/2014/October/id-011/Hong-0089.jpg" alt="" /></span></p>
<p style="text-align: right;"><br /><span style="color: #000000;">ផ្ដល់សិទ្ធិដោយ៖ ដើមអម្ពិល</span></p>