<p><span style="color: #000000;">ជាលើកដំបូងហើយដែលក្រុមអ្នកវិទ្យាសាស្ដ្របានរកឃើញទីតាំងដែល “ផ្សាយ” ចេញរលកវិទ្យុ</span><br /><span style="color: #000000;">ពីអវកាស និងរយៈចម្ងាយរបស់វា បើគិតពីផែនដី។</span></p>
<p><span style="color: #000000;">ក្រុមអ្នកវិទ្យាសាស្ដ្របានសិក្សាទៅលើរលកវិទ្យុដែលមានឈ្មោះថា FRB 121102 ក្នុងរយៈពេល</span><br /><span style="color: #000000;">៦ខែដើម្បីស្វែងយល់អំពីទីតាំងរបស់វានៅក្នុងអវកាស ហើយបានសន្និដ្ឋានថា រលកវិទ្យុនេះ ត្រូវ</span><br /><span style="color: #000000;">បាន “ផ្សាយ” ចេញពីហ្គាឡាក់ស៊ីតូចមួយ ដែលមានចម្ងាយពីផែនដី ជាង៣ពាន់លានឆ្នាំពន្លឺ នេះ</span><br /><span style="color: #000000;">បើតាមទំព័រ Independent។</span></p>
<p><span style="color: #000000;"><a class="thickbox" title="" href="/FileManager/Commons/2017/1/6/telescope-06-01-2017--09-51-16.jpg"><span style="color: #000000;"><img src="/FileManager/Articles/mce/2017/1/6/telescope-06-01-2017--09-51-16.jpg" alt="" /></span></a></span></p>
<p><span style="color: #000000;">រលកវិទ្យុ (Fast Radio Burst ឬ FRB) ថ្មី ត្រូវបានកត់ត្រា ១៨លើក និងក្លាយជាប្រធានបទដែល</span><br /><span style="color: #000000;">ធ្វើឱ្យអ្នកវិទ្យាសាស្ដ្ររំភើបចិត្ត ចាប់តាំងពីបានរកឃើញជាលើកដំបូង កាលពីឆ្នាំ ២០០៧។ </span><br /><span style="color: #000000;">ប្រការនេះ ធ្វើឱ្យមានការយល់ថា វាអាចកើតចេញពីផ្កាយដ៏ធំ ឬពីប្រហោងខ្មៅ ឬមួយជាផលិត</span><br /><span style="color: #000000;">ផលរបស់មនុស្សភពផ្កាយ។</span></p>
<p><span style="color: #000000;">FRB គឺជារលកវិទ្យុដ៏ខ្លាំង ប៉ុន្តែវាអូសបន្លាយយ៉ាងច្រើនត្រឹមតែមួយមិល្លីវិនាទី។ រលកវិទ្យុដំបូង </span><br /><span style="color: #000000;">ត្រូវបានថតបានដោយតេឡេស្កូប Parkes នៅអូស្ដ្រាលី កាលពីឆ្នាំ ២០០៧។ ក្រោយមក រលក</span><br /><span style="color: #000000;">វិទ្យុចំនួន១៧ផ្សេងទៀតត្រូវបានគេស្ដាប់ឮ ប៉ុន្តែ មានតែរលកវិទ្យុមួយគត់ដែល “ផ្សាយ” សាថ្មី។ </span><br /><span style="color: #000000;">រលកវិទ្យុ FRB 121102 ត្រូវបានរកឃើញដោយតេឡេស្កូប Very Large Array ដែលគ្រប់គ្រង</span><br /><span style="color: #000000;">ដោយអាមេរិក។ </span></p>
<p><span style="color: #000000;">បណ្ឌិត Shriharsh Tendulkar សមាជិករបស់ក្រុមអ្នកស្រាវជ្រាវមកពីសកលវិទ្យាល័យ McGill </span><br /><span style="color: #000000;">នៅ Montreal ប្រទេសកាណាដា ឱ្យដឹងថា ៖ “មុននឹងយើងខ្ញុំដឹងអំពីរយៈចម្ងាយរបស់ FRB </span><br /><span style="color: #000000;">មានមតិមួយចំនួនបកស្រាយអំពីប្រភពរបស់វា ដោយខ្លះយល់ថា វាអាចមានប្រភពពីខាងក្នុង </span><br /><span style="color: #000000;">ឬជិតហ្គាឡាក់ស៊ី មីលគីវ៉េ (Milky Way)។ ពេលនេះ យើងខ្ញុំអាចបំបាត់នូវការយល់ឃើញខាង</span><br /><span style="color: #000000;">លើ”។</span></p>
<p><span style="color: #000000;">បណ្ឌិត Shami Chatterjee នៅសកលវិទ្យាល័យ Cornell អាមេរិក ជាសមាជិកម្នាក់របស់ក្រុម</span><br /><span style="color: #000000;">ស្រាវជ្រាវ បាននិយាយថា ៖ “ការរកឃើញហ្គាឡាក់ស៊ីដែលជាកន្លែងផ្សាយចេញនូវ FRB និង</span><br /><span style="color: #000000;">រយៈចម្ងាយរបស់វា ធៀបជាមួយផែនដី គឺជាជំហានដ៏ធំមួយ ប៉ុន្តែ យើងខ្ញុំនៅមានការងារជា</span><br /><span style="color: #000000;">ច្រើនទៀតដើម្បីធ្វើ មុននឹងយល់ច្បាស់អំពីរលកវិទ្យុនេះ”៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Independent</span></p>