<p><span style="color: #000000;"><strong>ភ្នំពេញៈ</strong> នៅវេលាម៉ោងប្រមាណ ៨យប់ ថ្ងៃទី១២ ខែវិច្ឆិកា ម្សិលមិញនេះ មានព័ត៌មាន ដ៏គួរឲ្យភ្ញាក់ផ្អើលមួយ បានកើតឡើង ដោយល្បីពាស ពេញបណ្តាញ ទំនាក់ទំនងសង្គម Facebook និងមានការផ្សព្វផ្សាយ តាមបណ្ដាញ សារព័ត៌មាននានា ថាតារាកំប្លែង ដែលលេចធ្លោ ប្រចាំស្ថានីយទូរទស្សន៍ ស៊ី ធី អ៊ីន នាយ ពែកមី បានជួបគ្រោះថ្នាក់ចរាចរណ៍ ដ៏រន្ធត់មួយ នៅក្នុងស្រុកដងទង់ ខេត្តកំពត ។ ភ្លាមៗ ក្រោយពីលេចឮ ព័ត៌មាននេះ នាយពែកមី ក៏បានប្រញាប់ប្រញាល់ ចេញមុខបដិសេធភ្លាមថា រូបលោកមានសុវត្ថិភាពល្អ មិនបានជួបគ្រោះថ្នាក់ ដូចពាក្យចចាមអារ៉ាម លើកឡើងនោះទេ ។</span></p>
<p><span style="color: #000000;">ថ្លែងប្រាប់គេហទំព័រ LookingTODAY តាមទូរស័ព្ទ តារាកំប្លែងសម្បូរវោហារ មិនចេះរីងស្ងួត នាយ ពែកមី បានប្រាប់ឲ្យដឹងថា រូបលោកមិនបានជួបគ្រោះ ថ្នាក់ចរាចរណ៍ នៅស្រុកដងទង់ ខេត្តកំពត ដូចព័ត៌មានចេញផ្សាយ ឬលេចឮនៅលើ Facebook ដែលលើកឡើងថា លោកជួបគ្រោះថ្នាក់ចរាចរណ៍ ដល់បាត់បង់ជីវិត អ្វីឡើយ ។</span></p>
<p><span style="color: #000000;">តារាកំប្លែងដែល មានស្រុកកំណើត នៅខេត្តស្វាយរៀងរូបនេះ បានប្រាប់ឲ្យដឹងបន្តទៀតថា "ខ្ញុំមិនបានជួប គ្រោះថ្នាក់ចរាចរណ៍ទេ គ្រាន់តែខ្ញុំបាន ឃើញរថយន្តគេ ជួបគ្រោះថ្នាក់ធ្លាក់ចុះវាលស្រែ ហើយខ្ញុំ និងក្រុមការងារក៏ចុះ ទៅមើល ហើយខ្ញុំ សុំបញ្ជាក់ថា ខ្ញុំជិះរថយន្តប្រភេទ ១២ កៅអី ជាមួយក្រុមការងារ ឆ្ពោះទៅខេត្តកំពត មិនបានជិះ រថយន្តជួបគ្រោះថ្នាក់ នោះឡើយ ដូច្នេះខ្ញុំសង្ឃឹមថា ទស្សនិកជន នឹងលែងយល់ច្រឡំទៀត" ។</span></p>
<p><span style="color: #000000;">បន្ទាប់ពីលេចឮ ព័ត៌មានដ៏រសើបនេះ គេសង្កេតឃើញថា តារាកំប្លែង នាយពែកមី ហាក់ខំប្រឹងចេញមុខ បកស្រាយភ្លាមៗ ទាំងការផ្តល់បទសម្ភាសន៍ ជូនដល់សារព័ត៌មាន និងការសរសេរបកស្រាយ បង្ហោះនៅលើ Facebook ជាដើម ដោយនៅក្នុងនោះ លោកក៏បានថ្លែងអំណរគុណ ទៅដល់ទស្សនិកជន ពុកម៉ែ បងប្អូន ដែលយកចិត្តទុកដាក់ និងបារម្ភពីសុវត្ថិភាព របស់លោក ៕</span></p>
<p><a class="thickbox" title="" href="/FileManager/Commons/2014/11/13/hour-433-13-11-2014--10-56-53.jpg"><img src="/FileManager/Articles/mce/2014/11/13/hour-433-13-11-2014--10-56-53.jpg" alt="" /></a></p>
<p><a class="thickbox" title="" href="/FileManager/Commons/2014/11/13/hour-435-13-11-2014--10-57-03.jpg"><img src="/FileManager/Articles/mce/2014/11/13/hour-435-13-11-2014--10-57-03.jpg" alt="" /></a></p>
<p><a class="thickbox" title="" href="/FileManager/Commons/2014/11/13/hour-434-13-11-2014--10-57-11.jpg"><img src="/FileManager/Articles/mce/2014/11/13/hour-434-13-11-2014--10-57-11.jpg" alt="" /></a></p>
<p><a class="thickbox" title="" href="/FileManager/Commons/2014/11/13/80-13-11-2014--10-57-22.jpg"><img src="/FileManager/Articles/mce/2014/11/13/80-13-11-2014--10-57-22.jpg" alt="" /></a></p>
<p><span style="color: #000000;"><object width="495" height="424" data="http://www.youtube.com/v/vBTdDupB4As&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/vBTdDupB4As&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>