<p><span style="color: #000000;"><strong>(ប៉ារីស)៖</strong> ក្រុមបាល់ទាត់ជម្រើសជាតិបារាំង រកបាន៣ពិន្ទុលើកដំបូង ពេលយកឈ្នះក្រុមភ្ញៀវបុលហ្គារី ៤-១ យប់មិញនេះ ក្នុងវគ្គជម្រុះ World Cup 2018 នៅរុស្ស៊ី ប្រចាំទ្វីបអឺរ៉ុប ដេញតាមពីក្រោយក្រុមហូឡង់ ប្រចាំពូល A បណ្តោះអាសន្ន។</span></p>
<p><span style="color: #000000;">ក្នុងជំនួបដ៏ស្វិតស្វាញយប់មិញនេះដែលជាការប្រកួតសន្សំពិន្ទុលើកទី២ ក្នុងពូល A ម្ចាស់ពានបាល់ទាត់ពិភពលោក ឆ្នាំ១៩៩៨ មួយនេះ បានបើកឱកាសឲ្យក្រុមភ្ញៀវបុលហ្គារី នាំមុខ ១គ្រាប់មុននៅនាទីទី៦ ដោយបាល់ប៉េណាល់ទី មុនពេលធ្វើការវាយបកបាន៣គ្រាប់វិញ មុនបញ្ចប់វគ្គទី១ រយៈពេល៤៥នាទីដំបូងនៅទីក្រុងប៉ារីសនោះ។</span></p>
<p><span style="color: #000000;">កីឡាករ Kevin Gameiro ជាអ្នករកគ្រាប់តាមស្មើ ១-១ ឲ្យបារាំងនៅនាទីទី២៣ គ្រាដែល Mihail Aleksandrov ជាអ្នកទាល់បាល់ពិន័យ ១១ម៉ែត្រឲ្យបុលហ្គារីនាំមុខនៅនាទីទី៦នោះ និងកីឡាករ Dimitri Payet រកបានគ្រាប់ទី២ ឲ្យបារាំង នៅនាទីទី២៦ ហើយខ្សែប្រយុទ្ធមកពីក្លឹប Atletico Madrid របស់អេស្ប៉ាញ Antoine Griezmann រកបាន គ្រាប់ទី៣ នៅនាទីទី៣៨ ជាមួយនឹង Kevin Gameiro បន្ថែមគ្រាប់ទី៤ នៅនាទីទី៥៩ដែលធ្វើឲ្យការប្រកួតទាំងស្រុង មានគម្លាតគ្នាជាខ្លាំងរហូតដល់ចប់ការប្រកួតពេញម៉ោង ៩០នាទី។</span></p>
<p><span style="color: #000000;">នេះជាលើកទី១ សម្រាប់បារាំងដែលអាចរកបាន៣ពិន្ទុក្នុងទឹកដី ក្រៅពីរកត្រឹម១ពិន្ទុ ពេលលេងបានស្មើលទ្ធផល ០-០ ក្នុងទឹកដីរបស់បែលឡារុស ក្នុង១ប្រកួតសន្សំពិន្ទុក្នុងពូល A តាមពីក្រោយហូឡង់ដដែល ដោយរកបាន៤ពិន្ទុស្មើគ្នា ពេលឈ្នះក្រុមភ្ញៀវបែលឡារុស ៤-១ ដូចគ្នាយប់មិញនេះ៕</span></p>
<p><span style="color: #000000;"><img src="http://i.dailymail.co.uk/i/pix/2016/10/07/20/393326E100000578-3827580-image-a-103_1475869212762.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/07/20/39331F8D00000578-3827580-image-a-99_1475869006892.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/07/20/3933134800000578-3827580-image-a-97_1475868858172.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/07/20/3932EDD200000578-3827580-image-a-109_1475869740021.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/07/20/393311AA00000578-3827580-image-a-96_1475868760865.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/07/20/3933122100000578-3827580-image-a-98_1475868893202.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/07/20/3933478000000578-3827580-image-a-110_1475869920577.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/07/21/3933621E00000578-3827580-image-a-132_1475871539880.jpg" alt="" width="730" /></span></p>
<p><span style="color: #000000;"><iframe src="https://www.youtube.com/embed/W1LPDLEF_G8" frameborder="0" width="480" height="380"></iframe><iframe src="https://www.youtube.com/embed/wMlNpuoPSRI" frameborder="0" width="480" height="380"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>