<div class="item-page">
<p><span style="color: #000000;"><strong>(ភ្នំពេញ)៖</strong> ប៉ុន្មានថ្ងៃចុងក្រោយនេះ បន្ទាប់ពីមានព័ត៌មានលេចឭថា មានកម្មករផ្ទុកមេរោគអេដស៍ម្នាក់ ដែលធ្វើការនៅក្នុងរោងចក្រផលិតអាហារកំប៉ុង បានមុតដៃធ្វើឲ្យឈាមដែលមានផ្ទុកមេរោគអេដស៍នោះ ហូរចូលទៅក្នុងអាងស្ទុកអាហារ ហើយនៅតាមបណ្ដាញសង្គមព័ត៌មាន Facebook ចែកចាយតៗគ្នាថា មិនត្រូវបរិភោគអាហារកំប៉ុងមកពីប្រទេសថៃនោះទេ ព្រោះអាហារទាំងនោះមានផ្ទុកនូវមេរោគអេដស៍។</span></p>
<p><span style="color: #000000;">ឆ្លើយតបនឹងព័ត៌មាននេះ ស្ថានឯកអគ្គរាជទូតថៃប្រចាំនៅប្រទេសកម្ពុជា បានប្រកាសច្រោនចោលទាំងស្រុងនូវព័ត៌មានទាំងអស់នេះ ដោយស្ថានទូតថៃ អះអាងថា ព័ត៌មាននេះ គឺជាព័ត៌មានក្លែងក្លាយ វាមិនពិតដូចដែលបានលើកឡើងថា មានមេរោគអេដស៍នៅក្នុងអាហារកំប៉ុងនោះទេ, នេះបើតាមសេចក្ដីជូនដំណឹងរបស់ស្ថានទូតថៃ ដែលអង្គភាព Fresh News ទទួលបាននៅល្ងាចថ្ងៃទី៣១ ខែធ្នូ ឆ្នាំ២០១៦នេះ។</span></p>
<p><span style="color: #000000;">ស្ថានទូតថៃ បានចាត់ទុកព័ត៌មាននេះថា <strong>«ការលើកឡើងដោយមិនសមហេតុផលមួយនេះ ប្រាកដជាធ្វើឡើងដោយជនខិលខូចមួយចំនួនដែលមានបំណង ចង់បង្ខូចក្រុមហ៊ុនដែលផលិត និងនាំចេញផលិតផលថៃ ដូច្នេះស្ថានឯកអគ្គរាជទូតថៃ សូមអំពាវនាវទៅដល់បងប្អូនទាំងអស់ សូមមេត្តាឈប់ធ្វើការចែកចាយបន្ដនូវព័ត៌មានក្លែងក្លាយមួយនេះតទៅទៀត»</strong>៕</span></p>
<p><span style="color: #000000;"><strong>ខាងក្រោមនេះ ជាសេចក្ដីជូនដំណឹងរបស់ស្ថានឯកអគ្គរាជទូតថៃ ដែលមានខ្លឹមសារទាំងស្រុង៖</strong></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-31-05-30-07-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-31-05-30-08-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>