<p><span style="color: #000000;"><strong>ភ្នំពេញ៖</strong> តារាសម្តែង និងជាតារាបង្ហាញម៉ូដល្បីឈ្មោះ ក្នុងស្រទាប់យុវវ័យ លោក សាយ សៀរ៉ា បានចេញមុខទម្លាយជាសាធារណៈ ប្រកាសដល់អ្នកគាំទ្រថា ក្នុងមួយរយៈនេះ មានជនខិលខូចមួយចំនួន បានយកឈ្មោះរបស់លោក ទៅបង្កើត Account Facebook ក្លែងក្លាយ ហើយដើរបោកប្រាស់យកលុយ ពីសប្បុរសជន ក៏ដូចជាប្រជាពលរដ្ឋទូទៅ ក្រោមលេសថា មានការងារមនុស្សធម៌ ហើយរៃអង្គាសប្រាក់។</span></p>
<p><span style="color: #000000;">តារាប្រុសរាងខ្ពស់ស្រឡះ រូបសង្ហា លោក សាយ សៀរ៉ា បានទម្លាយជា សាធារណៈ ដោយលោកបាននិយាយក្នុងកម្មវិធី «រាត្រីកម្សាន្ត» របស់ស្ថានីយទូរទស្សន៍ CTN ថា មានជនខិលខូចមួយចំនួនបានយកឈ្មោះរបស់លោក ទៅបង្កើត Account Facebook ដើម្បីដើរបោកប្រាស់អ្នកគាំទ្រ និងមានចេតនាចង់បោកយកលុយ ពីបងប្អូនប្រជាពលរដ្ឋ បង្ខូចកេរ្តិ៍ឈ្មោះលោក។</span></p>
<p><span style="color: #000000;">តារាប្រុសសង្ហារូបនេះ បានប្រាប់ឲ្យដឹងថា «មួយរយៈនេះ ខ្ញុំបានបង្ហាញ កាយវិកាមនុស្សធម៌ ចុះជួយបងប្អូនប្រជាពលរដ្ឋ ក្រីក្រច្រើន ហើយស្របពេលជាមួយគ្នានោះ ក៏មានជនខិលខូចមួយចំនួន បានយកឈ្មោះរបស់ខ្ញុំទៅបង្កើត Account Facebook ដោយសរសេរជាភាសាខ្មែរហើយ Chat ទៅគេដើម្បីបោកប្រាស់ និងលួងលោម ឲ្យគេផ្ញើរលុយឲ្យ។ ឆ្លៀតក្នុងឱកាសនេះ ខ្ញុំសុំបញ្ជាក់ថា Facebook របស់ខ្ញុំមានតែឈ្មោះ ជាភាសាអង់គ្លេសប៉ុណ្ណោះ សម្រាប់ឈ្មោះខ្មែរ គឺមិនមែនជារបស់ខ្ញុំឡើយ »។</span></p>
<p><span style="color: #000000;">ភ្ជាប់ជាមួយគ្នានេះ លោក សាយ សៀរ៉ា បានប្រាប់ឲ្យដឹងថា មូលហេតុដែលលោកចូលរួម ធ្វើការងារមនុស្សធម៌នេះ គឺកើតចេញពីក្តីស្រលាញ់ មិនមែនធ្វើដោយសារ តែយកមុខមាត់ ដូចដែលអ្នករិះគន់ លោក ធ្លាប់វាយប្រហារលោក នាពេលកន្លងមកនោះទេ៕</span></p>
<p><a class="thickbox" title="" href="/FileManager/Commons/2015/11/27/16-27-11-2015--13-31-47.jpg"><img src="/FileManager/Articles/mce/2015/11/27/16-27-11-2015--13-31-47.jpg" alt="" /></a></p>
<p><a class="thickbox" title="" href="/FileManager/Commons/2015/11/27/16a-27-11-2015--13-31-54.jpg"><img src="/FileManager/Articles/mce/2015/11/27/16a-27-11-2015--13-31-54.jpg" alt="" /></a></p>
<p><a class="thickbox" title="" href="/FileManager/Commons/2015/11/27/16b-27-11-2015--13-32-01.jpg"><img src="/FileManager/Articles/mce/2015/11/27/16b-27-11-2015--13-32-01.jpg" alt="" /></a><a class="thickbox" title="" href="/FileManager/Commons/2015/11/27/16a-27-11-2015--13-31-54.jpg"></a><a class="thickbox" title="" href="/FileManager/Commons/2015/11/27/16-27-11-2015--13-31-47.jpg"></a></p>
<p><span style="color: #000000;"><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>