<p><span style="color: #000000;"><strong>ភ្នំពេញ៖</strong> តារាសម្តែង ស្រីសម្តីផ្អែមកញ្ញា ពេជ្រ ថាវរ៉ា មួយរយៈ ពេលមុននេះ ត្រូវបានមហាជន អ្នកគាំទ្រមើល ឃើញថា នាង ជាតារា ស្រីរបស់ខ្មែរ មួយដួងដែល តែងជួបប្រទះ នូវបញ្ហារឿង អាស្រូវស្នេហា ក្រៅឆាក ជាបន្តបន្ទាប់ ស្ទើរងើបមុខមិនរួច។ មិនតែប៉ុណ្ណោះ តារារូបនេះក៏បាន បរាជ័យផ្ទួនៗគ្នាផងដែរ នូវអាជីពមុខជំនួញ រកស៊ីផ្ទាល់ខ្លួន ខាងក្រៅ និងរឿងជីវិតស្នេហា មិនប្រាកដប្រជា ។</span></p>
<p><span style="color: #000000;">យ៉ាងណាមិញ បន្ទាប់ពីបរាជ័យ រឿងស្នេហា និងបានស្ងប់ស្ងាត់ បាត់មុខពីសិល្បៈ អស់មួយសន្ទុះធំមក កាលពីពេលថ្មីៗនេះ តារាសម្តែង ស្រីថ្ពាល់ខួច ពេជ្រ ថាវរ៉ា បានចេញមុខប្រកាស ជាថ្មីឡើងវិញថា ខ្លួននឹងឈោងចាប់ យកអាជីពសម្តែង ឱ្យបាន ច្រើន ដូចពេលមុខៗ ឡើងវិញ។ ម្យ៉ាងទៀតនាង នឹងបំភ្លេចចោល ឲ្យអស់នូវរឿងរ៉ាវឈឺចាប់ ទាំងប៉ុន្មាន ដែលធ្លាប់ កើតមាន ចំពោះនាង មិនថារឿងស្នេហា ឬអ្វីផ្សេងនោះទេ។</span></p>
<p><span style="color: #000000;">ដ្បិតតែការ ប្រកាសនេះ បានធ្វើឡើង ដោយផ្ទាល់មាត់ របស់តារាសម្តែង ពេជ្រ ថាវរ៉ា ក្តី ប៉ុន្តែថ្មីៗនេះ បានលេចធ្លាយ ដំណឹងគួរ ឱ្យចាប់ អារម្មណ៍មកថា ពេជ្រ ថាវរ៉ា បច្ចុប្បន្ន កំពុង ផ្តើមសាងសម្ព័ន្ធភាព ស្នេហាថ្មោងថ្មីឡើងវិញ ជាមួយបុរស ក្នុងស្រុក វ័យស្របាលគ្នាម្នាក់ ដោយបើកចំហរ ក្នុងរូបភាព ស្និទ្ធស្នាលជា មួយគ្នាបំផុត។</span></p>
<p><span style="color: #000000;">ប្រភពពីមជ្ឈដ្ឋាន ខាងក្រៅ សិល្បៈ បានបង្ហើបប្រាប់ថា ថាវរ៉ា បានផ្តើមមានទំនាក់ទំនង ស្និទ្ធស្នាល ជាមួយបុរស ប្លែកមុខម្នាក់ មើលទៅ ទំនងអាចជា លក្ខណៈស្នេហា ជាមួយគ្នាទៀតផង។ជាពិសេស រាល់កាយវិការ ទៅណាមកណា គឺតែងឃើញ អ្នក ទាំងពីរ បណ្តើគ្នាយ៉ាងត្រសង ប្រៀបបានដូច ជាគូស្នេហ៍ ដែលទើបស្រឡាញ់គ្នា ថ្មោងថ្មី ហើយកំពុងស្វែង មើលចិត្តគ្នា ទៀតផង។</span></p>
<p><span style="color: #000000;">ប្រភពដដែល បានបន្ថែមថា នៅពេលតារាសម្តែង ពេជ្រ ថាវរ៉ា ចេញទៅដើរកំសាន្ត ឬចូលផ្សាទំនើប ទិញទំនិញផ្សេងៗ គឺតែឃើញ បុរសម្នាក់នេះ មកចាំទទួល បណ្តើរគ្នា ចេញយ៉ាងសប្បាយ ជាមួយគ្នា។ ក្នុងនោះពួកគេក៏តែង ថតបង្ហាញពី សកម្មភាព យ៉ាងស្និទ្ធស្នាល និងល្អូកល្អឺន ជាមួយគ្នាបំផុត។</span></p>
<p><span style="color: #000000;">កាលពីរសៀលថ្ងៃទី ០៦ ខែធ្នូ ឆ្នាំ២០១៥នេះ គេហទំព័រ LookingTODAY មិនទាន់អាចស្វែង រកការបំភ្លឺពី កញ្ញា ពេជ្រ ថាវរ៉ា បានទេ ព្រោះលេខទូរស័ព្ទ ខលចូល តែគ្មានអ្នកទទួល។ ដូច្នេះ LookingTOD AY នឹងព្យាយាមទំនាក់ ទំនងស្វែងរកការបំភ្លឺពី កញ្ញា ថាវរ៉ា នៅពេលក្រោយ ដើម្បីឲ្យមហាជន អស់មន្ទិលសង្ស័យ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/41-08-01-2015--16-21-31.jpg"><img src="/FileManager/Articles/mce/2015/1/8/41-08-01-2015--16-21-31.jpg" alt="" /></a></span></p>
<p><a class="thickbox" title="" href="/FileManager/Commons/2015/1/8/42-08-01-2015--16-21-40.jpg"><img src="/FileManager/Articles/mce/2015/1/8/42-08-01-2015--16-21-40.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/8/41-08-01-2015--16-21-31.jpg"></a></span></p>
<p><a class="thickbox" title="" href="/FileManager/Commons/2015/1/8/43-08-01-2015--16-21-47.jpg"><img src="/FileManager/Articles/mce/2015/1/8/43-08-01-2015--16-21-47.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>