<p><span style="color: #000000;">ព័ត៌មានអន្តរជាតិ ៖ អាជីពជាអ្នកបម្រើការងារលើយន្តហោះ នាង Shelia Fedrick កាលដែលបានឃើញ ក្មេងស្រីពាក់ខោអាវគ្មានរបៀប សក់ឡើងរញ៉េរញ៉ៃ ស្របពេលដែលអង្គុយជិតនឹងបុរសចំណាស់ម្នាក់ ហើយនោះ នាងពិតជាមានអារម្មណ៍ថា ភាពមិនប្រក្រតីគឺកើតមានឡើងហើយ ។ </span></p>
<p><br /><a class="thickbox" title="" href="/FileManager/Commons/2017/2/7/24-07-02-2017--14-46-23.jpg"><img src="/FileManager/Articles/mce/2017/2/7/24-07-02-2017--14-46-23.jpg" alt="" /></a></p>
<p><span style="color: #000000;">គូសបញ្ជាក់ដល់សារព័ត៌មាន NBC នាង Fedrick បំភ្លឺឲ្យដឹងថា ក្មេងស្រីម្នាក់នោះមានសភាពមិនទំនង ជាខ្លាំង ខណៈនាង Fedrick ត្រូវបានបុរសវ័យចំណាស់រូបនោះ មិនអនុញ្ញាតឲ្យនិយាយជាមួយនឹងក្មេង ស្រីតូចនោះទេ ចឹងហើយ នាង Fedrick កាន់តែមានមន្ទិលសង្ស័យថែមទៀត។ ជាលទ្ធផល Fedrick បានលួចសរសេរនៅលើ ក្រដាសអនាម័យបន្ទប់ទឹក លួចទាក់ទងជាមួយនឹងក្មេងស្រី ថាតើនាងពិតជាស្ថិត នៅក្នុងសភាពមានគ្រោះថ្នាក់ និងត្រូវការជំនួយឬយ៉ាងណា ។ ពិតជាបានលទ្ធផល ពិតប្រាកដមែន ក្មេងស្រីនោះតបលើក្រដាសអនាម័យថាត្រូវបានគេយកមកជួញដូរផ្លូវភេទ ពេលនោះហើយដែល នាង Fedrick ដឹងច្បាស់និងស្វែងរកជំនួយជាបន្ទាន់ ។ ដំណោះស្រាយដ៏ល្អ និងមានប្រសិទ្ធភាព នោះគឺ Fedrick បានប្រាប់បុរសជាអ្នកបើកយន្តហោះ ដែលឈានទៅដល់ការប្តឹងមន្រ្តីប៉ូលីស្ងាត់ៗ ចឹង ហើយពេលដែលយន្តហោះចុះចត ប៉ូលីសបានចេញបទអន្តរាគមន៍ ចាប់ឃាត់ខ្លួន ឧក្រិដ្ឋជួញដូរមនុស្ស តែម្តង ។ </span></p>
<p><br /><a class="thickbox" title="" href="/FileManager/Commons/2017/2/7/24a-07-02-2017--14-46-32.jpg"><img src="/FileManager/Articles/mce/2017/2/7/24a-07-02-2017--14-46-32.jpg" alt="" /></a></p>
<p><span style="color: #000000;">របាយការណ៍ បញ្ជាក់ឲ្យដឹងថា ករណីជួយដូរមនុស្សប្រការនេះ បានកើតឡើង អំឡុងឆ្នាំ ២០១១ នៅលើ ជើងយន្តហោះ នៃក្រុមហ៊ុនអាកាសចរណ៍ Alaska Airlines តែទើបតែត្រូវបានធ្វើសេចក្តីរាយការណ៍នៅ លើសារព័ត៌មានអាមេរិក អំឡុងសប្តាហ៍នេះ ខណៈពេលដែលឯករដ្ឋទូតក្រុមហ៊ុនអាកាសចរណ៍ ស្វែង រកការហ្វឹកហ្វើនបុគ្គលិកបម្រើការលើយន្តហោះ ឲ្យជួយការងារប្រយុទ្ធប្រឆាំង ការជួញដូរមនុស្ស ។ </span></p>
<p><br /><a class="thickbox" title="" href="/FileManager/Commons/2017/2/7/24b-07-02-2017--14-49-23.jpg"><img src="/FileManager/Articles/mce/2017/2/7/24b-07-02-2017--14-49-23.jpg" alt="" /></a></p>
<p><span style="color: #000000;">គេហទំព័រផ្លូវការនៃក្រុមហ៊ុនអាកាសចរណ៍ បានគូសបញ្ជាក់ឲ្យដឹងថាជនសង្ស័យជួញដូរមនុស្សជាទូទៅ ខ្លាចរអារទៅនឹងមន្រ្តីសន្តិសុខ ក៏ដូចជា មិនច្បាស់ការណ៍ទៅលើគោលដៅរបស់ខ្លួន និងតក់ស្លុតជាដើម ច្រើនជាងនេះ សម្លៀកបំពាក់ពួកគេ គឺមិនស៊ីទៅនឹង គោលដៅដែលពួកគេត្រូវទៅ ខណៈរាល់ការ ស្តី និយាយ គឺត្រូវបានព្រៀងទុក ឬក៏ឆ្លើយសំនួរជំនួសឲ្យអ្នកអមដំណើរជាមួយ ក៏ដូចជា មិនដឹងពី ឈ្មោះ និងអត្តសញ្ញាណផ្ទាល់ខ្លួនជាដើម ។ </span></p>
<p><span style="color: #000000;">គួរបញ្ជាក់ថា ករណីជួយសង្គ្រោះក្មេងស្រីពីការជួយដូរមនុស្សរបស់នាង Fedrick អាចធ្វើទៅបានបន្ទាប់ ពីនាងប្រើភាពឆ្លាតដោយខ្សឹបដាក់ត្រចៀក នាងតូច ឲ្យទៅកាន់បន្ទប់ទឹក ទីដែលនាងលួចសរសេរសារ នៅលើក្រដាសអនាម័យបន្ទប់ទឹក ថាពិតជាស្ថិតនៅក្នុងសភាពគ្រោះថ្នាក់ ត្រូវការជំនួយ ឬយ៉ាងណា។ <br />ជាលទ្ធភាព ដូចដែរនាងរំពឹងទុក និងព្រួយបារម្ភ នាងតូចត្រូវគេជួយដូរ ខណៈការជួយសង្គ្រោះទទួល បានជោគជ័យ នាងតូចនាងពេលនេះ បានទទួលការសិក្សាដល់ថ្នាក់មហាវិទ្យាល័យហើយ។ យោងតាម របាយការណ៍ពី <a class="story-body__link-external" href="https://humantraffickinghotline.org/states"><span style="color: #000000;">National Human Trafficking Hotline</span></a> ឲ្យដឹងថា មានករណីជួញដូរមនុស្សដល់ទៅ ៧៥៧២ ករណី នៅទូទាំងសហរដ្ឋអាមេរិក ក្នុងឆ្នាំ ២០១៦ ៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>