<p><span style="color: #000000;"><strong>ភ្នំពេញ៖ </strong>តារាចម្រៀង ចំណូលថ្មី របស់ផលិតកម្ម M កញ្ញា ជិន ស្រីនុត បច្ចុប្បន្ននេះ កំពុងត្រូវបានគ្របដណ្ដប់នូវសំឡេង រិះគន់ជាច្រើន ពីសំណាក់ ទស្សនិកជន ខណៈដែលតារារូបនេះ បន្តប្រកាន់ចរិតឆ្មើងឆ្មៃ ដាក់អ្នកធ្លាប់ស្គាល់គ្នា ជាពិសេសមហាជនដែលធ្លាប់គាំទ្ររូបនាង ចាប់តាំងពីដើមនោះមក។</span></p>
<p><span style="color: #000000;">គេនៅចាំបានថា អតីតតារាចម្រៀង ដាយម៉ិន កញ្ញា ជិន ស្រីនុត កាលពីជាងមួយឆ្នាំមុន នាងបានបញ្ចេញ ឥទ្ធិពលវាយលុកដណ្តើម បានទីផ្សារ គាំទ្រ និងប្រជាប្រិយភាពច្រើនគួរសម ពីសំណាក់យុវវ័យ។ ប៉ុន្តែផ្ទុយពីនេះ ក្រោយពីទទួល បានភាពល្បីល្បាញ ក្នុងអាជីព អ្នកចម្រៀងហើយនោះ តារាចម្រៀង ជិន ស្រីនុត ក៏បានភ្លេចខ្លួនហាក់តម្កើងឫកពារខ្ពស់ ដាក់ទស្សនិកជនអ្នកគាំទ្រ រហូតមានការរិះគន់ ទៅលើភាពមិនសមគួរ ទាំងនោះថា ជាតារាវាយឫកខ្ពស់ ហួសការស្មាន។</span></p>
<p><span style="color: #000000;">មជ្ឈដ្ឋានពីអ្នកគាំទ្រខ្លះ បានបញ្ចេញមតិស្រដៀងគ្នាថា ចាប់តាំងពីដើម ឆ្នាំ២០១៤ មកម្ល៉េះ ដែលពួកគេ មិនសូវ បានឃើញវត្តមានរបស់ កញ្ញា ជិន ស្រីនុត បង្ហាញមុខ តាមឆាកតន្ត្រីធំៗ ដូចតារាល្បីៗ មួយចំនួនទៀតឡើយ ។ ម្យ៉ាងទៀត បើតារាចម្រៀងរូបនេះ នៅតែប្រកាន់ ចរិតឆ្មើងឆ្មៃបែបនេះ ច្បាស់ជាធ្វើឲ្យអាជីពសិល្បៈ របស់ខ្លួន កាន់តែធ្លាក់កូដខ្លាំង ហៅលែងឮ នៅពេលខាងមុខដ៏ខ្លី ដោយសារឥទ្ធិពល នៃការរិះគន់ ចំពោះអត្តចរិត របស់នាងនាពេលកន្លងមក ។</span></p>
<p><span style="color: #000000;">ស្របពេលគ្នានេះ ក៏មានអ្នកសិល្បៈមួយចំនួន លើកឡើងដែរថា ស្រីនុត ហាក់មានភាពខុសប្លែក ពីមុនទាំងអត្តចរិក ពាក្យសម្តី និង ឫកពារ ពោលគឺ ចាប់តាំងតែពីនាងឡើង កូដបន្តិចមក បានប្រែក្លាយឥរិយាបថខុសមុន។ ក្នុងនោះពេលខ្លះ នាងក៏បានប្រើពាក្យសម្តី មិនសូវសមរម្យ វាយប្រហារមកលើអ្នកសិល្បៈ ដូចគ្នាទៀតផង។</span></p>
<p><span style="color: #000000;">កាលពីរសៀលថ្ងៃទី២៥ ខែតុលា Looking TODAY នៅមិនទាន់អាចទទួលបាន ការបកស្រាយ ពីសំណាក់តារាចម្រៀង ជិន ស្រីនុត នៅឡើយទេ ប៉ុន្តែទោះជាយ៉ាងណា Looking TODAY នឹងរង់ចាំការបកស្រាយ ដោយក្ដីរីករាយ នៅពេលក្រោយ ដើម្បីឲ្យមហាជន អស់មន្ទិលសង្ស័យ លើរូបនាង ដែលកំពុងតែក្ដោបក្ដាប់បានប្រជាប្រិយភាពច្រើនគួរសម ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/27/msp-0627-27-10-2014--09-04-16.jpg"><img src="/FileManager/Articles/mce/2014/10/27/msp-0627-27-10-2014--09-04-16.jpg" alt="" /></a></span></p>
<p><a class="thickbox" title="" href="/FileManager/Commons/2014/10/27/msp-0629-27-10-2014--09-04-23.jpg"><img src="/FileManager/Articles/mce/2014/10/27/msp-0629-27-10-2014--09-04-23.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/27/msp-0627-27-10-2014--09-04-16.jpg"></a></span></p>
<p><a class="thickbox" title="" href="/FileManager/Commons/2014/10/27/msp-0631-27-10-2014--09-04-32.jpg"><img src="/FileManager/Articles/mce/2014/10/27/msp-0631-27-10-2014--09-04-32.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>