<p><span style="color: #000000;"><strong>(ហ្សាការតា)៖</strong> ទូកដឹកកូនកំលោះ និងកូនក្រមុំក្នុងថ្ងៃរៀបអាពាហ៍ពិពាហ៍ បានលិចនៅក្នុងដែនទឹក នៃខេត្ត Kalimantan ភាគកណ្តាលប្រទេសឥណ្ឌូណេស៊ី បណ្តាលឲ្យមនុស្ស ០៥នាក់ស្លាប់ និង ០៣នាក់ផ្សេងទៀតបាត់ខ្លួនរកពុំទាន់ឃើញនៅឡើយ។ នេះបើតាមការចេញផ្សាយមុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃសុក្រ ទី០៦ ខែឧសភា ឆ្នាំ២០១៦។</span></p>
<p><span style="color: #000000;">តាមពិតទៅហេតុការណ៍នោះបានកើតឡើង តាំងពីល្ងាចថ្ងៃព្រហស្បតិ៍មកម្ល៉េះ ប៉ុន្តែរហូតមក ដល់រសៀលថ្ងៃសុក្រនេះ មនុស្សដែលកំពុងបាត់ខ្លួន គឺមិនទាន់ត្រូវបានរកឃើញនៅឡើយទេ។ នេះបើតាមការសម្តីរបស់លោក Mujiono មន្ត្រីដឹកនាំប្រតិបត្តិការសង្គ្រោះ ប្រាប់ស៊ិនហួរ។</span></p>
<p><span style="color: #000000;">ចំពោះមូលហេតុនៃគ្រោះថ្នាក់លិចទូកនោះ អាចបណ្តាលមកពីទូកត្រូវខ្យល់បោកបក់ខ្លាំង នៅកណ្តាលសមុទ្រ។ ដោយឡែកសម្រាប់អត្តសញ្ញាណនៃអ្នកស្លាប់និង បាត់ខ្លួន ក៏មិនទាន់មានការបញ្ជាក់ នោះដែររហូតមកទល់នឹងពេលនេះ។</span></p>
<p><span style="color: #000000;">គួរបញ្ជាក់ថាទូកផលិតពីឈើខាងលើនេះ ដឹកមនុស្ស ៥៦នាក់ ក្នុងនោះ ៤៧នាក់ត្រូវបានសង្គ្រោះ ដោយសុវត្ថិភាព៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/6/14b-06-05-2016--15-55-58.jpg"><img src="/FileManager/Articles/mce/2016/5/6/14b-06-05-2016--15-55-58.jpg" alt="" /></a><br /></span></p>
<p><br /><br /></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>