<p><span style="color: #000000;"><strong>(កំពង់ស្ពឺ)៖</strong> លោកឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ បានដាក់បញ្ជាចាត់ឲ្យកម្លាំងកងរាជអាវុធហត្ថជុំវិញខេត្តកំពង់ស្ពឺ ត្រូវចេញបោសសម្អាតបទល្មើសគ្រឿងញៀនឲ្យអស់ និងត្រូវបន្ថែមសកម្មភាពចុះបង្ក្រាបបទល្មើសធនធានធម្មជាតិ ឲ្យដូចភ្លៀងរលឹម។</span></p>
<p><span style="color: #000000;">អនុសាសន៍នេះ ត្រូវបានលើកឡើងក្នុងកិច្ចប្រជុំផ្សព្វផ្សាយបទបញ្ជា នារសៀលថ្ងៃទី១៣ ខែកុម្ភៈ ឆ្នាំ២០១៧នេះ ដែលមានការចូលរួមពី នាយទាហាន នាយទាហានរង ចំណុះបញ្ជាការដ្ឋានកងរាជអាវុធហត្ថទូទាំងខេត្ត។</span></p>
<p><span style="color: #000000;">លោកឧត្តមសេនីយ៍ត្រី ជូ សារុន បានលើកឡើងថា<strong> «ថ្ងៃនេះសុំដាស់តឿនជាថ្មី ចំពោះការបង្ក្រាបគ្រឿងញៀន ត្រូវធ្វើដោយយកចិត្តដាក់ តាមដានគ្រប់ចលនាការប្រើប្រាស់ និងការចែកចាយគ្រឿងញៀននៅតាមមូលដ្ឋាន ឲ្យខានតែបាន»</strong>។</span></p>
<p><span style="color: #000000;">លោកមេបញ្ជាការបានបន្តថា កម្លាំងអាវុធហត្ថតាមបណ្តាក្រុង-ស្រុក ស្នាក់ការសន្តិសុខត្រូវបន្តត្រួតពិនិត្យរាល់សកម្មភាពកាប់ឈើ ចាប់សត្វព្រៃ ជីកគាស់រ៉ែខុសច្បាប់ ត្រូវបន្តការសហការល្អជាមួយជំនាញរដ្ឋបាលព្រៃឈើ មន្ត្រីបរិស្ថាន មន្ត្រីរ៉ែ ដោយមានកម្លាំងគាំទ្រពីនគរបាលជាតិ និងកម្លាំងទាហ៊ាន ក្តាប់ឲ្យបានរោងសិប្បកម្មកែច្នៃ ដេប៉ូ ឃ្លាំង កន្លែងស្តុកសន្និធិឈើ កន្លែងធ្វើអាជីវកម្មពាក់ព័ន្ធបទល្មើសមិនស្របច្បាប់។</span></p>
<p><span style="color: #000000;">លោកឧត្តមសេនីយ៍ត្រី ជូ សារុន បានសង្កត់ធ្ងន់ថា <strong>«ត្រូវផ្តល់ការអប់រំជាប្រចាំដល់ប្រជាពលរដ្ឋ ឲ្យស្គាល់ពីតម្លៃបរិស្ថាន ព្រៃឈើ រ៉ែ ឲ្យពួកគាត់ជ្រួតជ្រាបអំពីច្បាប់នានា និងមានទោសបែបណាក្នុងរឿងប្រព្រឹត្តផ្ទុយពីច្បាប់»</strong>៕</span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-40-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-46-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-47-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-55-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-55-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-55-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-56-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-13-21-11-56-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>