<p><span style="color: #000000;"><strong>(ភ្នំពេញ)៖</strong> ច្រកទ្វារអន្តរជាតិប៉ោយប៉ែត គឺជាច្រកទ្វារអន្តរជាតិ ដ៏មានសក្តានុពលមួយទាំងផ្នែកសេដ្ឋ កិច្ច ពាណិជ្ជ និង ទេសចរណ៍ផងដែរ។ ក្នុងមួយឆ្នាំភ្ញៀវទេសចរណ៍ជាតិ និងអន្តរជាតិ រាប់ម៉ឺននាក់ បាន ឆ្លងកាត់ ហើយច្រកនេះបានចូលរួមចំណែករកចំណូលជូនជាតិ បានយ៉ាងច្រើនផងដែរ។</span></p>
<p><span style="color: #000000;">បើទោះបីច្រកអន្តរជាតិប៉ោយប៉ែត ត្រូវបានគេមើលឃើញមានតួនាទីសំខាន់បែបនេះយ៉ាងណាក្តី តែ បច្ចុប្បន្នច្រកនេះ បែរជាគ្មានអគារសម្រាប់បម្រើសេវាបំពេញបែបបទជូនភ្ញៀជាតិ និង អន្តរជាតិឲ្យបាន សមរម្យនោះឡើយ។</span></p>
<p><span style="color: #000000;">បើគេចូលទៅដល់ច្រកទ្វារអន្តរជាតិប៉ោយប៉ែត គេនឹងសម្លឹងឃើញអគារកាស៊ីណូធំៗ ល្អប្រណីត នៅ អមសងខាងច្រកចេញចូល តែបើគេក្រឡេកទៅរកមើលអគារសម្រាប់បំពេញបែបបទឲ្យភ្ញៀវចេញ-ចូល ប្រហែលជារកមិនឃើញនោះឡើយ។ មិនឃើញ ក៏ដោយសារអគារ ដែលគេដាក់ឲ្យបម្រើសេវានោះ មានសភាពតូចច្រឡឹងសង់ឡើងនៅលើចិញ្ចឹមថ្នល់ហាក់មិនសម ជាកន្លែងសម្រាប់បំពេញបែបបទជូន ភ្ញៀវចេញចូលនោះឡើយ។</span></p>
<p><span style="color: #000000;">ឈមនិងច្រកទ្វារអន្តរជាតិប៉ោយប៉ែត គឺច្រកទ្វាររបស់ប្រទេសថៃ ដែលមានសភាខុសគ្នាឆ្ងាយជាមួយ ច្រកទ្វាររបស់ខ្មែរ។ ខុសត្រង់ថា នៅភាគីថៃ គេមានអគារសមរម្យសម្រាប់មន្រ្តីធ្វើការ និង ផ្តល់សេវាជូន ភ្ញៀវ។</span></p>
<p><span style="color: #000000;">បើតាមប្រភពបានបង្ហើបថា អន្តរក្រសួង ដែលមានក្រសួងទេសចរណ៍ជាប្រធាន ធ្លាប់បានចុះទៅសិក្សា ជាច្រើនដងមកហើយ តែរកដីមិនមាន ព្រោះដីនៅជុំវិញនោះ ក្លាយជាកម្មសិទ្ធិរបស់ម្ចាស់កាស៊ីណូអស់ ទៅ។</span></p>
<p><span style="color: #000000;">ប្រជាពលរដ្ឋខ្មែរ ដែលតែងតែដើរឆ្លងកាត់ និង ចេញចូលតាមច្រកទ្វារអន្តរជាតិប៉ោយប៉ែត បានសម្តែង ការអាក់អន់ចិត្តខ្លាំង នៅពេលឃើញច្រកទ្វារព្រំដែនប្រទេសរបស់ខ្លួន មានអគារកាស៊ីណូធំៗ តែបែរជា កន្លែងបម្រើការងាររបស់មន្រ្តី និងផ្តល់សេវាបំពេញបែបបទចេញចូលមានទំហំតូចសង់លើចិញ្ចើមផ្លូវ ប្រៀបដូចរោងចាំចាបទៅវិញ។</span></p>
<p><span style="color: #000000;">ប្រជាពលរដ្ឋ បានទទូចសូមឲ្យក្រសួងពាក់ព័ន្ធ គួរគិតគូររកដីមួយកន្លែងនៅមាត់ច្រកនេះ សាងសង់ អគារសម្រាប់មន្រ្តីបម្រើការងារ និង ផ្តល់សេវាឲ្យបានសមរម្យដល់ភ្ញៀវ ក៏ដូចជាលើកកម្ពស់មុខមាត់ និងកិត្តិយសរបស់ប្រទេសជាតិផងដែរ បើមិនល្អស្អាតដូចប្រទេសថៃ ដែលនៅទល់មុខគ្នា ក៏មិនគួរឲ្យ ខុសគ្នាខ្លាំងពេកនោះដែរ៕</span></p>
<p><span style="color: #000000;"><br /></span></p>
<p><iframe src="https://www.facebook.com/plugins/post.php?href=https%3A%2F%2Fwww.facebook.com%2Ffreshnewsasia%2Fvideos%2F546397388865390%2F&width=700" frameborder="0" width="700" height="500"></iframe></p>
<p><img src="https://fbcdn-sphotos-c-a.akamaihd.net/hphotos-ak-xpt1/t31.0-8/13131218_983241525065035_8479112833753484851_o.jpg" alt="" width="730" /></p>
<p><img src="https://fbcdn-sphotos-d-a.akamaihd.net/hphotos-ak-xtl1/t31.0-8/13063346_983241505065037_3841279485804483446_o.jpg" alt="" width="730" /></p>
<p><img src="https://scontent-kul1-1.xx.fbcdn.net/hphotos-xlt1/t31.0-8/13116304_983241568398364_4286974261940053085_o.jpg" alt="" width="730" /></p>
<p><img src="https://fbcdn-sphotos-e-a.akamaihd.net/hphotos-ak-xfl1/t31.0-8/13087254_983241445065043_2243296105583348696_o.jpg" alt="" width="730" /></p>
<p><img src="https://scontent-kul1-1.xx.fbcdn.net/t31.0-8/13063339_983241458398375_8586374054718599533_o.jpg" alt="" width="730" /></p>
<p><img src="https://scontent-kul1-1.xx.fbcdn.net/t31.0-8/13072663_983241455065042_6072943812281154463_o.jpg" alt="" width="730" /></p>
<p><img src="https://scontent-kul1-1.xx.fbcdn.net/hphotos-xlf1/l/t31.0-8/13086833_983241501731704_1389749200185400542_o.jpg" alt="" width="730" /></p>
<p><span style="color: #000000;"><br /></span></p>
<p> </p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2Fvb.199402103564922%2F546397388865390%2F%3Ftype%3D3&show_text=0&width=560" frameborder="0" width="500" height="315"></iframe></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>