<p><span style="font-size: 12px; color: #000000;">មេដឹកនាំកូរ៉េខាងជើង លោក គីមជុង អ៊ុន បានស្ងើចសរសើរប្រទេសកូរ៉េខាងត្បូង ចំពោះកិច្ចខិតខំប្រឹងប្រែង "គួរឱ្យចាប់អារម្មណ៍" របស់ខ្លួន ក្នុងការធ្វើជាម្ចាស់ផ្ទះ ទទួលស្វាគមន៍គណៈប្រតិភូ មកពីកូរ៉េខាងជើង ក្នុងអំឡុងពេលព្រឹត្តិការណ៍កីឡាអូឡាំពិករដូវរងានេះ។</span></p>
<p><span style="color: #000000;"> ប្រព័ន្ធផ្សព្វផ្សាយរដ្ឋ KCNA បាននិយាយថា លោក គីម បានថ្លែងអំណរគុណចំពោះកូរ៉េខាងត្បូង ដែលបានផ្តល់អាទិភាពដល់ដំណើរទស្សនកិច្ចចូលរួមកីឡាអូឡាំពិករបស់កូរ៉េខាងជើង នៅទីក្រុង Pyeongchang ។</span></p>
<p><span style="color: #000000;">ការថ្លែងកោតសរសើររបស់មេដឹកនាំរូបនេះ បានកើតឡើង នៅពេលដែលគណៈប្រតិភូដឹកនាំដោយប្អូនស្រីរបស់លោក គឺអ្នកស្រី Kim Yo-jong បានវិលត្រឡប់ទៅប្រទេសវិញដើម្បីរាយការណ៍អំពីដំណើរទស្សនកិច្ចរបស់ខ្លួន។</span></p>
<p><span style="color: #000000;"><a class="thickbox" title="" href="/FileManager/Commons/2018/2/13/10-13-02-2018--11-17-56.png"><img src="/FileManager/Articles/mce/2018/2/13/10-13-02-2018--11-17-56.png" alt="" /></a><br /></span></p>
<p><span style="color: #000000;">សូមជម្រាបជូនផងដែរថា កីឡាអូឡាំពិកនេះ នឹងប្រព្រឹត្ដទៅរហូតដល់ថ្ងៃទី ២៥ ខែកុម្ភៈ។</span></p>
<p><span style="color: #000000;">ប្រព័ន្ធផ្សព្វផ្សាយរដ្ឋ KCNA បានរាយការណ៍ថា៖ «បន្ទាប់ពីទទួលបានរបាយការណ៍របស់គណៈប្រតិភូលោក គីម ជុងអ៊ុន បានសម្តែងការពេញចិត្តចំពោះការធ្វើជាម្ចាស់ផ្ទះរបស់កូរ៉េខាងត្បូង»។</span></p>
<p><span style="color: #000000;">លោក គីម ជុងអ៊ុន និយាយាថា៖ «លក្ខណៈពិសេសរបស់ភាគីកូរ៉េខាងខាងត្បូង ពិតជាគួរឱ្យចាប់អារម្មណ៍ណាស់ ដែលបានផ្តល់អាទិភាពជាពិសេសដល់ដំណើរទស្សនកិច្ចរបស់សមាជិកនៃសាធារណរដ្ឋប្រជាមានិតប្រជាធិបតេយ្យកូរ៉េ ... ហើយខ្ញុំសូមថ្លែងអំណរគុណចំពោះពួកគេ»។</span><br /> <br /><span style="color: #000000;"> លោកស្រី គីម និងមេដឹកនាំរដ្ឋកូរ៉េខាងជើងលោក គីម យ៉ុងណាម បានបង្កើតឡើងនូវគណៈប្រតិភូជាន់ខ្ពស់មកពីកូរ៉េខាងជើងដើម្បីធ្វើទស្សនកិច្ច នៅកូរ៉េខាងត្បូង ចាប់តាំងពីសង្គ្រាមកូរ៉េ នៅក្នុងទសវត្សរ៍ឆ្នាំ ១៩៥០ មកម្លេះ ៕ </span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/2/13/mkn-13-02-2018--11-18-15.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ សារ៉ាត់</span></p>
<p style="text-align: right;"><span style="color: #000000;">ប្រភព ៖ ប៊ីប៊ីសុី </span></p>