<div>
<p><span style="color: #000000;"><strong>(ភ្នំពេញ)៖</strong> បន្ទាប់ពីសំងំស្ងាត់អស់ មួយរយៈពេលខ្លី ជុំវិញរឿងរ៉ាវរិះគន់លើភាពសិចស៊ី សម្ញែងដើមទ្រូងស្លៀកពាក់ខើចខ្លី របស់តារាសម្តែង កញ្ញា ដេននី ខ្វាន់ រួចមក ស្រាប់តែថ្មីៗនេះ សម្រាប់តារាសម្តែងរាងតូចច្រឡឹង ចង្កេះអង្រងចង្កាស្រួចរូបនេះ បានពើបប្រទះនូវរឿងអាស្រូវមួយទៀត គឺមានម្ចាស់ Accuont Facebook មួយមានឈ្មោះថា Ly Chan Vatey បានបង្ហោះសារសរសេររិះគន់ លើរូបថតសិចស៊ីរបស់នាង ជាសាធារណៈ ធ្វើឲ្យ ដេននី ឆួលចុងច្រមុះព្រមានប្តឹងស្រ្តីម្នាក់នោះ ចាត់ការតាមផ្លូវច្បាប់។</span></p>
<p><span style="color: #000000;">តារាសម្តែងស្រីចាយរូបសម្រស់សាចសខ្ចី ដូចបណ្ដូលចេក កញ្ញា ដេននី ខ្វាន់ ត្រូវបានគេសង្កេតឃើញថា នាងហាក់ជួបប្រទះនូវរឿងរ៉ាវ អាស្រូវស្នេហាផ្ទួនៗគ្នាឥតដាច់ ចាប់តាំងពីនាង ផ្តើមចូលប្រឡូកវិស័យសិល្បៈដំបូង ជាមួយការបង្ហាញរូបភាពសិចស៊ីប្លែកៗ បែបនារីអ៊ឺរ៉ុបជាច្រើន នៅលើបណ្តាញសង្គមហ្វេសប៊ុក រហូតត្រូវបានទស្សនិកជនស្គាល់ច្រើន នឹងមានឱកាសគ្រងតំណែងជាតួឯក កាលពីពេលថ្មីៗមកនេះ។</span></p>
<p><span style="color: #000000;">សម្រាប់រឿងថ្មីដែលបានកើតឡើងបន្តទៀត លើតារាសម្តែងស្រី កញ្ញា ដេននី ខណៈដែលម្ចាស់ Accuont Facebook មួយមានឈ្មោះថា Ly Chan Vatey បានយករូបថតសម្ញែងភាពសិចស៊ីចរបស់នាង ស្លៀកពាក់តែឈុតប៊ីគីនី ជាច្រើនសន្លឹកបង្ហោះនៅលើសង្គមហ្វេសប៊ុក ដោយភា្ជប់ជាមួយការសរសេរពាក្យខ្លីថា «អាសូរវប្បធម៌ខ្មែរខ្ញុំ មិនចង់រិះគន់រឿងសិល្បៈនោះទេ តែនេះដូចជ្រុលពេកហើយ បងស្រីអើយ..!» ។</span></p>
<p><span style="color: #000000;">តាមរយៈការបង្ហោះរូប ភ្ជាប់ជាមួយពាក្យខាងលើ ភ្លាមៗនោះគេសង្កេតឃើញតារាស្រី ដេននី ខ្វាន់ បានបញ្ចេញប្រតិកម្មឆ្លើយតប ទាំងការចេញជាឃ្លីបវីដេអូ និងសរសេរសារជាច្រើន បង្ហោះនៅលើហ្វេសប៊ុក ជាសារធារណៈ។ ពិសេសជាងនេះទៀតស្រីស្រស់ ដេននី ក៏បានប្រកាសព្រមានប្តឹងម្ចាស់ Accuont Facebook មួយមានឈ្មោះ Ly Chan Vatey ទៅតុលាការទៀតផង។</span></p>
<p><span style="color: #000000;">តារាសម្តែងនាង ដេននី ខ្វាន់ បានសរសេរនៅលើហ្វេសប៊ុកថា «Ly Chan Vatey អើយជិតបានជួបរឿងល្អមើលហើយ...មិនថានាងមានខ្នង ជាអ្នកណាទេ បើមិនទាន់ដឹងច្បាស់ ពីច្បាប់នៃការយករូបគេទៅបរិហាកេរ្តិ៍ និងយកទៅpost បន្តដោយគ្មានកាអនុញ្ញាត ពីម្ចាស់រូប តើមានទោសអ្វីខ្លះ តិច(បន្តិច)ទៀតដឹងហើយ...ហើយក៏គ្រាន់តែចង់ប្រាប់ថា បើគេហ៊ានលូកដៃរឿងហ្នឹង ធានាថាងើបមុខមិនរួចជាក់ជាមិនខាន .នាងសត្វមមាចកុំមកចង់ប្រឡែងលេងនឹងភ្លើង ដូចជាយើងនាងឯងស្គាល់យើងតិចពេកហើយ យើងនឹងបង្រៀននាងឲ្យស្គាល់ពីច្បាប់..»។</span></p>
<p><span style="color: #000000;">ឆ្លើយតបនឹងការព្រមានប្តឹង ពីសំណាក់តារាស្រីនាង ដេននី ខ្វាន់ ខាងលើនេះម្ចាស់ Accuont Facebook ឈ្មោះ Ly Chan Vatey បានសរសេរនៅលើហ្វេសប៊ុកថា «ចង់លេងផ្លូវច្បាប់ ខ្ញុំកំដរបាន។ បញ្ជាក់ ខ្ញុំជាកូនអ្នកកសិករធម្មតា គ្មានខ្នងធំ ខ្នងក្រាស់ ខ្នឹងរឹង ដូចគេទេ ខ្ញុំមានតែបងប្អូន នៅក្នុងហ្វេសប៊ុករាប់ម៉ឺននាក់ជាខ្នងរបស់ខ្ញុំ។ ខ្ញុំស្អប់បំផុត អ្នកដែលមើលងាយអ្នកក្រ អ្នកដែលអាងខ្សែ អាងខ្នង បំភ្លៃការពិត ស ទៅជាខ្មៅ ..!»។</span></p>
<p><span style="color: #000000;">ម្ចាស់ Facebook ឈ្មោះ លី ច័ន្ទវត្តី បានបញ្ជាក់ទៀតថា «សម្រាប់ខ្ញុំគឺខ្ញុំរិះគន់ដើម្បីស្ថាបនា ខ្ញុំរិះគន់ព្រោះតែខ្ញុំស្រឡាញ់ជាតិស្រឡាញ់វប្បធម៌ ខ្ញុំរិះគន់ព្រោះខ្ញុំជាខ្មែរ មានឈាមខ្មែរ ហើយការដែលខ្ញុំរិះគន់ ក៏ព្រោះតែអ្នកនោះ ជាខ្មែរដែលវង្វែង វប្បធម៌ វង្វែងឈ្លក់លង់នឹងអរិយធម៌ បរទេស ស៊ិចស៊ីហួសដែនកំណត់ លង់នឹងសម្បកកាយដែលជារបស់កម្ចីពីធម្មជាតិ។ ខ្ញុំនឹងនៅតែបន្តរិះគន់ ដល់បុគ្គលណាដែលវង្វែងលើរឿងអស់ទាំងនោះ ហើយបើបុគ្គលណាមួយ មិនពេញចិត្តនឹងគំនិត សម្បជញ្ញៈ និងគោលជំហររបស់ខ្ញុំទេ សូមអញ្ជើញ Unfriend ឬក៏យកល្អ Block ខ្ញុំចោលក៏បាន..»។</span></p>
<p><span style="color: #000000;">នាងបន្ថែមថា «ខ្ញុំមិនមានន័យថាឲ្យស្លៀកដូចសម័យដើមទេ ស្លៀកស៊ិចស៊ីៗចុះ តែកំជ្រុល នេះបិទតែប្រដាប់ភេទតែប៉ុណ្ណោះ ហើយបើថតៗចុះ តែកុំផុសជាសាធារណៈ ក្នុងហ្វេសប៊ុកបែបនេះ ហើយបើផុសជាសាធាណៈ អ្នកត្រូវហ៊ានទទួលយកនូវការរិះគន់ទាំងគំទ្រ និងមិនគាំទ្រ មិនមែនរកប្តឹងអ្នកមិនពេញចិត្តនោះទេ</span><br /><span style="color: #000000;">ហើយកុំយកខ្មែរ ទៅប្រៀបធៀបនឹងប្រទេសដទៃ ប្រទេសគេមានច្បាប់ទេសចរណ៍ផ្លូវភេទ តែខ្មែរគ្មានទេ អំពើរបស់អ្នកវាខុសច្បាប់ទៅហើយ យល់បាន?</span><br /><span style="color: #000000;">ខ្ញុំសុំតែកុំឲ្យអ្នកធ្វើអ្វី កុំឲ្យជ្រុលពេកតែប៉ុណ្ណោះ យល់ពាក្យជ្រុលអត់ បើចង់ប្តឹង ចាប់ខ្ញុំដាក់គុកដោយប្រើខ្សែ ខ្នងធំរបស់អ្នក ចាប់ចុះខ្ញុំរីករាយនឹងប្រឈមមុខ ជាមួយអ្នកក្នុងផ្លូវច្បាប់ ។ សូមបញ្ជាក់ រូបភាពនេះយកពីហ្វេសប៊ុក និងតាមវេបសាយ ដែលគេបង្ហោះរិះគន់ ស្ទើរពេញប្រទេសហើយ..!»។</span></p>
<p><span style="color: #000000;">ទោះបីជាយ៉ាងណា គេនៅមិនទាន់ឃើញមានសារអ្វីថ្មី បង្ហោះឡើងឆ្លើយឆ្លងបន្ថែមពីនេះទៀតទេ គិតត្រឹមថ្ងៃទី១២ ខែកុម្ភៈ ឆ្នាំ២០១៦នេះ ហើយមហាជនក៏កំពុងតែចាំមើលថា រឿងនេះនឹងទៅជាយ៉ាងណា តើអាចឡើងដល់តុលាការដែរឬទេ បើម្នាក់ៗសុទ្ធតែបង្ហាញជំហរត្រូវរៀងៗខ្លួន ជុំវិញជម្លោះគ្រាន់តែរូបភាពសិចស៊ី របស់ នាង ដេននី ខាងលើនេះ ។ ជាការកត់សម្គាល់មានតារាស្រីខ្មែរ មួយចំនួនមកហើយ ដែលបានបញ្ចេញភាពសិចស៊ី របស់ខ្លួនជាសាធាណៈ ដោយគិតថា នេះជាសិទ្ធសេរីភាព គ្មានប៉ះពាល់ដល់អ្នកណាឡើយ ប៉ុន្តែពេលលេងខ្លួនសិចស៊ី ហើយបញ្ចេញជាសាធារណៈម្ដងៗ តែងតែមានសំឡេងរិះគន់ ថា ប៉ះពាល់ដល់តម្លៃប្រពៃណីខ្មែរ ជាពិសេសជាស្រ្តីគួរតែប្រកាន់ខ្ជាប់នូវប្រពៃណីផូរផង់នេះ ៕</span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xat1/v/t1.0-9/12670196_1128456410500688_3911661179429688237_n.jpg?oh=c981c43740d222a48bb9f0ed6b53473e&oe=572A0156&__gda__=1462381662_9a0eb2111cb9fcf47bd9984ad708ac21" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xpf1/t31.0-8/s960x960/12716306_1128456313834031_5278219803036664340_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-photos-d-a.akamaihd.net/hphotos-ak-xlp1/v/t1.0-0/s526x395/12715433_750036111763023_3936609197936918176_n.jpg?oh=861ed3f51f98d1f85b8bd48e158003a3&oe=576389C6&__gda__=1466294008_c06dbc4d9ab731bc0106082eae5b03ac" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xpt1/v/t1.0-9/12669605_750092521757382_3793718956117105593_n.jpg?oh=6ea414aadb9b85117a1c5ca4f0526a20&oe=5768429E" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xpt1/v/t1.0-9/12729011_1037668769626194_8115164302125544495_n.jpg?oh=15f81efe9aa64fc94d7a79a8e7a2c09b&oe=572CA8E4" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xft1/v/t1.0-9/12743849_750604195039548_3100728723568129271_n.jpg?oh=fe5f9083036ccefa73d1242739c059e8&oe=57646929" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xat1/v/t1.0-9/10991328_619811158118853_3207092302845498008_n.jpg?oh=c3e18b89cf0c710d6dbb6e05a4ec7c47&oe=57712FDE&__gda__=1463156481_2060cd8c9afb6db202ffdf88d60bfc30" alt="" width="730" /></span></p>
<p style="text-align: center;"><span style="color: #000000;"><strong>កញ្ញា លី ច័ន្ទវត្តី</strong></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p style="text-align: center;"><span style="color: #000000;"><strong><br /></strong></span></p>
</div>