<p><span style="color: #000000;"><strong>(ហ្វីលីពីន)៖</strong> ថ្មីៗនេះ ក្រុមអ្នកច្បាប់នៅហ្វីលីពីន បានដាក់ញត្តិមួយទៅកាន់សភា ក្នុងបំណងសុំឲ្យបវរកញ្ញាឯកពិភពលោក ដែលទើបនឹងទទួល បានជ័យលាភីឆ្នាំ២០១៥ គឺនាង Pia Alonzo Wurtzbach អាចរួចផុតពីការបង់ពន្ធ គ្រប់ជ័យជំនះរបស់នាងទាំងអស់ ដែលទទួលបានកំឡុងពេល ប្រកួតប្រជែងសម្រស់ ជាលក្ខណៈអន្តរជាតិ កាលពីពេលថ្មីៗកន្លងទៅនេះ។</span></p>
<p><span style="color: #000000;">សមាជិកសភាម្នាក់ គឺលោក Rufus Rodriguez សមាជិកសភាប្រចាំទីក្រុង Cagayan de Oro បានសម្តែងការសរសើរ ពីភាពក្លាហានរបស់ Wurtzbach ជាខ្លាំង ហើយបវរ កញ្ញាឯកហ្វីលីពីន ដ៏ស្រស់សោភារូបនេះ អាចនឹងទទួលបានតួនាទីជាឯកអគ្គរាជទូតសុឆន្ទៈ ប្រចាំប្រទេសទៀតផង ។ នេះបើតាមការលើកឡើង របស់សមាជិកសភាម្នាក់នេះ។</span></p>
<p><span style="color: #000000;">លោក Rodriguez បញ្ជាក់ថា នឹងមានការទទួលស្វាគមន៍ Wurtzbach យ៉ាងកក់ក្តៅ នៅពេលដែលនាងវិលត្រឡប់មកពីអាមេរិកវិញ រីឯប្រធាននាយកដ្ឋានទេសចរណ៍ហ្វីលីពីន គឺលោក Catalino Chan ក៏លើកឡើងដែរថា ជោគជ័យរបស់ Wurtzbach នឹងជួយជម្រុញកំណើនទេសចរណ៍ ក្នុងតំបន់ថែមមួយកម្រិតទៀត។</span></p>
<p><span style="color: #000000;">គួរបញ្ជាក់ថា ជ័យជំនះរបស់ Wurtzbach ដែលជាប់ជាបវរកញ្ញាឯកពិភព លោកក្នុងឆ្នាំ២០១៥ នេះគឺជាភាពជោគជ័យ របស់ហ្វីលីពីនលើកទី៣ ហើយបន្ទាប់ពីតារាសម្តែងស្រីម្នាក់ គឺនាង Gloria Diaz បានឈ្នះការប្រកួតលើកដំបូង នៅឆ្នាំ១៩៦៩ និង Margie Moran ឈ្នះការប្រកួតលើកទីពីរ កំឡុងឆ្នាំ១៩៧៣។</span></p>
<p><span style="color: #0000ff;"><a href="/News/Detail/17961/miss-colombia-and-miss-philippines-break-their-silence-after-wrong-winner-was-named-miss-universe" target="_blank"><span style="color: #0000ff;">- អាន ៖ បវរកញ្ញា កូឡ៊ុំប៊ី និង ហ្វីលីពីន ម្នាក់ស្ទើរ ក្អួតឈាម ម្នាក់បុកពោះ ស្ទើរហោះ ព្រោះតែសម្តី បុរសម្នាក់ (មានវីដេអូ)</span></a></span></p>
<p><span style="color: #0000ff;"><a href="/News/Detail/27736/pacquiao-motivated-pia-wurtzbachs-miss-universe-win" target="_blank"><span style="color: #0000ff;">- អាន ៖ Pacquiao៖ ជ័យជំនះរបស់បវរកញ្ញា ឯកហ្វីលីពីន ហាក់បីដូចជាសងសឹក និងឌឺដងឲ្យ Floyd</span></a></span></p>
<p><span style="color: #0000ff;"><a href="/News/Detail/16007/steve-harvey-gambling-and-drinking-night-before-miss-universe-event" target="_blank"><span style="color: #0000ff;">- អាន ៖ ពិធិករ លោក Steve Harvey ត្រូវបានគេប្រទះឃើញចូលលេងល្បែងស៊ីសង និងផឹកស្រាមុនឡើងវេទិកាបវរកញ្ញាពិភពលោក</span></a></span></p>
<p><a class="thickbox" title="" href="/FileManager/Commons/2015/12/30/17g-30-12-2015--15-59-58.jpg"><img src="/FileManager/Articles/mce/2015/12/30/17g-30-12-2015--15-59-58.jpg" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>