<p><span style="color: #000000;"><strong>(ភ្នំពេញ)៖</strong> ទំនងជាមិនចម្អកទៅកាន់នរណាផ្សេងក្រៅពី លោក សម រង្ស៊ី ប្រធានគណបក្សប្រឆាំង នៅថ្ងៃសុក្រនេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកងឡើងថា «នាយករដ្ឋមន្រ្តី Facebook បានបាត់បង់តំណែងហើយ»។</span></p>
<p><span style="color: #000000;">Facebook លោក សម រង្ស៊ី ប្រធានគណបក្សប្រឆាំង ធ្លាប់ជាប់ចំណាត់ថ្នាក់លេខ១ ដែលទទួលបានអ្នកគាំទ្រ(Like) ច្រើនជាងគេ ក្នុងចំណោម Facebook អ្នកនយោបាយ នៅកម្ពុជានាពេលកន្លងទៅ ប៉ុន្តែពេលនេះលោកស្ថិតនៅលេខរៀងទី២ប៉ុណ្ណោះ បន្ទាប់ពី Facebook សម្តេចតេជោ ហ៊ុន សែន ដែលប្រកាសជាផ្លូវការបាន៤ខែ ដណ្តើមយកលេខ១ កាលពីយប់ថ្ងៃទី១ ខែកុម្ភៈ ឆ្នាំ២០១៦ កន្លងទៅ។</span></p>
<p><span style="color: #000000;">ថ្លែងក្នុងពិធីចែកសញ្ញាបត្រដល់និស្សិតសាកលវិទ្យាល័យជាតិគ្រប់គ្រង នៅព្រឹកថ្ងៃទី០៥ ខែកុម្ភៈ ឆ្នាំ២០១៦នេះ សម្តេចតេជោ ហ៊ុន សែន បានថ្លែងទំនងជាចម្អកម្តងទៀត ដល់មេដឹកនាំបក្សប្រឆាំង។ សម្តេចថា<strong> «ដូចអ្នកខ្លះ តាំងខ្លួនជាអធិរាជ Facebook ឥឡូវនេះ នាយករដ្ឋមន្រ្តី Facebook វាបាន បាត់បង់តំណែងបាត់ទៅហើយ តាំងខ្លួនធ្វើជាអ្នកពូកែលើសគេលើសឯង»</strong>។</span></p>
<p><span style="color: #000000;">គិតរហូតមកដល់ពេលនេះទំព័រ Facebook របស់មេដឹកនាំទាំងពីមានគម្លាតខុសគ្នា ជាង១សែន Likes ដោយ Facebook សម្តេចតេជោ ហ៊ុន សែន ទទួលបានអ្នកគាំទ្រជាង ២.២លាននាក់ ខណៈដែល Facebook របស់លោក សម រង្ស៊ី ប្រធានគណបក្ស សង្រ្គោះជាតិ មានកំពុងមានអ្នកគាំទ្រ ២.១លាននាក់៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpl1/t31.0-8/12697354_1554312801549752_4441904944905563943_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>