<p><span style="color: #000000;"><strong>(ភ្នំពេញ)៖</strong> តារាកំប្លែងល្បីឈ្មោះប្រចាំក្នុងប្រទេសកម្ពុជា បន្ទាប់ពីទទួលបានជោគជ័យ ទាំងការសម្ដែងកំប្លែង សម្ដែងភាពយន្ត និងច្រៀងក្នុងផលិតកម្មថោន រួចមក នៅពេលនេះ នាយពែកមី បានសម្រេចចិត្តចាយលុយ បោះទុនដើម្បីផលិតរឿងដុំខ្នាតធំដោយខ្លួនឯង ប៉ុន្តែស្ថិតនៅក្រោមដំបូលរបស់ផលិតកម្ម Red Picture ដែលបានលោក ឌៀប សុវណ្ណដារ៉ា ជាចាងហ្វាងផលិតកម្ម។</span></p>
<p><span style="color: #000000;">តារាកំប្លែងនាយ ពែកមី និងផលិតកម្ម Red Picture បានរួមគ្នាបញ្ចេញស្នាដៃថ្មី នៃការផលិតខ្សែភាយន្តខ្មែរ ចំនួនពីររឿងព្រមគ្នាតែម្ដង ដែលបានធ្វើពិធីក្រុងពាលី</span><br /><span style="color: #000000;">នាព្រឹកថ្ងៃច័ន្ទ ទី១៧ ខែតុលា ឆ្នាំ២០១៦នេះ នៅឯគេហដ្ឋានរបស់ នាយពែកមីផ្ទាល់។ ជាការពិត ផលិតកម្ម Red Picture ត្រូវបានមហាជនដឹងឮគ្រប់ៗគ្នាថា ធ្លាប់មានឈ្មោះល្បីល្បាញ តាមរយៈរឿង «ទង់ព្រលឹង» និងរឿង«ភូមិអត់មនុស្ស» ប៉ុន្តែពេលនេះ ផលិតកម្ម បានសម្រេចចេញថតពីររឿងព្រមគ្នា តែម្ដង ដោយរឿងរបស់នាយ ពែកមី មានចំណងជើងថា «អាតួកូនឪ» និងរឿង«ផ្ទះសរសរកណ្ដាល» ជារឿងរបស់ផលិតកម្ម Red Picture។</span></p>
<p><span style="color: #000000;">តារាកំប្លែង នាយពែកមី បានថ្លែងឲ្យដឹង ក្នុងពិធីក្រុងពាលីថា ដោយសារលោកមានទំនាក់ទំនងល្អ ជាមួយនឹងចាងហ្វាងផលិតកម្ម RED Picture លោក ឌៀប សុវណ្ណដារ៉ា ទើបលោកសម្រេចចិត្ត ចាប់ផ្តើមផលិតខ្សែភាពយន្តនេះឡើង ដើម្បីប្រកួតប្រជែងទីផ្សារភាពយន្ត ខណៈដែលនេះ ជាជំហានដំបូង ក្នុងការចាយលុយផលិតខ្លួនឯង ជ្រកក្រោមស្លាករបស់ផលិតកម្ម Red Picture ។ យ៉ាងណាមិញ មូលហេតុដែលលោក សុខចិត្តធ្វើររឿងជាមួយនឹងផលិតកម្ម Red Picture មិនផ្ដាច់ធ្វើតែម្នាក់ឯង ដោយសារតែលោកមមាញឹក នឹងការងារជាច្រើនពេក មិនមានពេលគ្រប់គ្រាន់ ក្នុងការបើកដំណើរការផលិតកម្មដោយខ្លួនឯង ហើយវាក៏ត្រូវការទាំងពេលវេលា ថវិកា ពិសេសធនធានមនុស្ស សម្រាប់បំពេញការងារផងដែរ។</span></p>
<p><span style="color: #000000;">តារាកំប្លែងកំពុងមានទីផ្សារខ្ពស់រូបនេះ បញ្ជាក់បន្ថែមទៀតថា អ្វីដែលពិសេសនោះ គឺការលើកយកកូនប្រុសរបស់ខ្លួន មកសម្តែងខ្សែភាពយន្តនេះ ព្រោះលោកបានដឹងពីសមត្ថភាពកូនប្រុស ដែលអាចសម្តែងបាន ហើយបើកូនលោកអាចសម្តែងបាន ដូចក្តីរំពឹងទុកមែននោះ ខ្សែភាពយន្តនេះ នឹងទទួលបានការគាំទ្រច្រើន ពីទស្សនិកជន។ កូនប្រុសលោកមានឈ្មោះ រឹម សុរ៉ាហ៊ាទ្រី ហៅអាតួ អាយុ៤ឆ្នាំ ហើយធ្លាប់ចូលរួមសម្តែង ខ្សែភាពយន្តខ្នាតធំ របស់ផលិតកម្ម Red Picture លើកបំបូងគឺរឿង«សង្សាខ្ញុំក្រមុំកូនមួយ» ដែលទទួលបានការគាំទ្រច្រើន ពីទស្សនិកជន។ ក្រៅពីកូនប្រុស ក្នុងខ្សែភាបយន្តនេះក៏មានកូនស្រីលោកម្នាក់ ចូលរួមសម្តែង ផងដែរ។</span></p>
<p><span style="color: #000000;">ដោយឡែក លោក ឌៀប សុវណ្ណដារ៉ា ចាងហ្វាងផលិតកម្ម Red Picture បាននិយាយថា កន្លងមកទំនាក់ទំនងរវាងលោក និងនាយពែក មីគឺមានការជិតស្និទ្ធ ដូចបងប្អូន ហើយនាយពែកមី ក៏បានជួយថតខ្សែភាពយន្ត ឲ្យផលិតកម្មលោក ដោយមិនគិតកម្រៃដែរ ទើបពេលនេះលោកមានក្រុមការងារ ដែលអាចជួយ នាយពែកមី ដែលចង់ផលិតខ្សែភាពយន្តបាន ទើបលោកជួយជាការតបស្នង។ ផលិតកម្មនឹងជួយរ៉ាប់រង ផ្នែកបច្ចេកទេស ខណៈដែលនាយពែកមីត្រូវចំណាយ លើតួស្តែង និងកម្រៃពលកម្ម។</span></p>
<p><span style="color: #000000;">លោក ឌៀប សុវណ្ណដារ៉ា បានបញ្ជាក់បន្តថា ខ្សែភាពយន្តទាំងពីរអាចនឹង ត្រូវការពេលផលិតប្រមាណ៤ខែ ហើយខ្សែភាពយន្តរបស់នាយពែកមី អាចនឹងចេញចាក់បញ្ចាំង មុននៅអំឡុងខែកុម្ភៈឆ្នាំ២០១៧។ ខ្សែភាពយន្តទាំងពីរនេះ នឹងត្រូវចេញថតដំណាលគ្នា ដោយគ្រាន់រឿង«អាតួកូនឪ»ជារឿងនិពន្ធ ដឹកនាំរឿង និងចំណាយការផលិត ដោយនាយពែកមីផ្ទាល់ និងរឿង «ផ្ទះសរសរកណ្តាល»ដែលជារឿងខ្មោច បែបកំប្លែងនោះ ជារឿងរបស់ផលិតកម្មជា អ្នករ៉ាប់រងដឹកនាំ និងចំណាយទាំងស្រុង៕</span></p>
<p><span style="color: #000000;"><img src="http://khbestnews.com/wp-content/uploads/2016/10/14786881_1194880303915878_1724313330_o.jpg" alt="" width="730" /></span></p>
<p><span style="color: #000000;"><img src="http://khbestnews.com/wp-content/uploads/2016/10/14725273_1194880397249202_1070008197_o.jpg" alt="" width="730" /></span></p>
<p><span style="color: #000000;"><img src="http://khbestnews.com/wp-content/uploads/2016/10/14787510_1194880500582525_2119900324_o.jpg" alt="" width="730" /></span></p>
<p><span style="color: #000000;"><img src="http://khbestnews.com/wp-content/uploads/2016/10/14787706_1194880550582520_58786672_o.jpg" alt="" width="730" /></span></p>
<p><span style="color: #000000;"><img src="http://khbestnews.com/wp-content/uploads/2016/10/14699398_1194880457249196_838579495_o.jpg" alt="" width="730" /></span></p>
<p><span style="color: #000000;"><img src="http://khbestnews.com/wp-content/uploads/2016/10/14689885_1194880423915866_286062911_o.jpg" alt="" width="730" /></span></p>
<p><span style="color: #000000;"><img src="http://khbestnews.com/wp-content/uploads/2016/10/14677928_1194880433915865_529228736_o.jpg" alt="" width="730" /></span></p>
<p><span style="color: #000000;"><img src="http://khbestnews.com/wp-content/uploads/2016/10/14647229_1194880533915855_1562832444_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>