<p><span style="color: #000000;"><strong>(ព្រៃវែង)៖</strong> ស្នងការនគរបាលខេត្តព្រៃវែង លោកឧត្តមសេនីយ៍ ស្រេង ជា បានបញ្ជាក់នៅព្រឹកថ្ងៃទី១៤ ខែមករា ឆ្នាំ២០១៦នេះ អធិការនគរបាលស្រុកស្វាយអន្ទរ លោក ពុំ កាន់ ត្រូវបានចាប់ខ្លួន ក្រោយមានករណីចុះបង្ក្រាបសង្វៀនជល់មាន់ ហើយផ្ទុះអាវុធរហូតស្លាប់មនុស្សម្នាក់ កាលពីម្សិលមិញ។ លោកឧត្តមសេនីយ៍ស្នងការ បានបញ្ជាក់ថា នៅពេលនេះលោកអធិការ ត្រូវបានយកមកឃុំខ្លួន នៅស្នងការដ្ឋាននគរបាលខេត្ត ដើម្បីចាត់វិធានការតាមផ្លូវច្បាប់ ក្រោយចាប់ខ្លួនកាលពីម្សិលមិញ បន្ទាប់ពីមានករណីនេះកើតឡើង។</span></p>
<p><span style="color: #000000;">កាលពីម្សិលមិញ លោក ពុំ កាន់ អធិការនគរបាលស្រុកស្វាយអន្ទរ បានដឹកនាំកម្លាំងចុះបង្រ្កាបល្បែង សុីសងខុសច្បាប់ (មានជល់មាន់ និងបៀរអាប៉ោង) ពេលនោះស្រាប់តែលោកដកកាំភ្លើងខ្លីពីចង្កេះបាញ់ឡើងលើ ប៉ុន្តមិនដឹងយ៉ាងមិច ស្រាប់តែគ្រាប់កាំភ្លើងនោះហោះផ្លាតទៅត្រូវបុរសម្នាក់ដែលកំពុងឈរកាន់កូន បណ្តាលឱ្យដួលសម្លាប់មួយរំពេច ។</span></p>
<p><span style="color: #000000;">ការបង្ក្រាបល្បែងសុីសងខាងលើនេះ បានធ្វើឡើង នៅភូមិតងឡងទី៣ ឃុំព្រៃខ្លា ស្រុកស្វាយអន្ទរ ខេត្តព្រៃវែង ពេលនោះស្រាប់តែលោកអធិការ បានរាលកៃកាំភ្លើងខ្លី ផ្ទុះត្រូវបុរសម្នាក់ដែលកំពុងឈរកាន់កូន បណ្តាលឱ្យដួលស្លាប់មួយរំពេច។</span></p>
<p><span style="color: #000000;">ប្រជាពលរដ្ឋបានប្រាប់ថា បុរសម្នាក់ដែលត្រូវគ្រាប់កាំភ្លើងចំក្បាលនោះ ឈ្មោះកិត អីម អាយុ៣៨ឆ្នាំ មានទីលំនៅភូមិតងឡងទី៣ ឃុំព្រៃខ្លា និងប្រពន្ធឈ្មោះ សុឹម ម៉េង អាយុ៣៤ឆ្នាំ រស់ស្រុកជាមួយគ្នា។</span></p>
<p><span style="color: #000000;">បើតាមអ្នកភូមិ ខណៈដែលសមត្ថកិច្ចចុះទៅបង្រ្កាប ទីតាំងជល់មាន់ ពេលនោះអ្នកមើលនិងអ្នកលេង បាននាំគ្នារត់ចេញយា៉ងប្រសេចប្រសាច រំពេចនោះស្រាប់តែស្នូរគ្រាប់កាំភ្លើង១គ្រាប់បានផ្ទុះបន្លើរឡើង បន្តិចក្រោយមកស្រាប់តែបុរសម្នាក់បានដួលដេកនឹងដីនៅក្នុងថ្លុកឈាម ក្រោយពីគ្រាប់កាំភ្លើងនោះបានហោះទៅទម្លុះក្បាលរបស់គាត់ធ្លាយពីម្ខាងទៅម្ខាង ។</span><br /><span style="color: #000000;">ដោយឡែកប្រពន្ធបុរសរងគ្រោះពេលនោះបានស្រែកថា <strong>"ហេតុអីបាញ់ប្តីខ្ញុំអញ្ចឹង"</strong> ។ ប៉ុន្តែសមត្ថកិច្ចមិនបានឆ្លើយតបទេ ។ រីឯកូនតូចដែលត្រូវប្តីបីក្រកងនោះក៏រងរបួសបន្តិចបន្តួចផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/14/1-14-2016-10-34-40-am-14-01-2016--10-42-05.png"><img src="/FileManager/Articles/mce/2016/1/14/1-14-2016-10-34-40-am-14-01-2016--10-42-05.png" alt="" /></a></span></p>
<p><a class="thickbox" title="" href="/FileManager/Commons/2016/1/14/1-14-2016-10-35-04-am-14-01-2016--10-42-15.png"><img src="/FileManager/Articles/mce/2016/1/14/1-14-2016-10-35-04-am-14-01-2016--10-42-15.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>