<p><span style="color: #000000;">ព័ត៌មានកីឡា៖ លោក Louis Van Gaal នូវតែបន្ដក្ដីសង្ឃឹមជឿជាក់ យ៉ាងមុតមាំទៅលើ ខ្សែប្រយុទ្ធជើងចាស់វ័យ ៣០ ឆ្នាំរបស់ខ្លួន ដោយរក្សាដំណែង និងឱកាសនៃការចូលរួមប្រកួតក្នុងរាត្រីនេះ ប៉ះជាមួយក្រុមភ្ញៀវ CSKA បើទោះបីជាកីឡាករ មិនបានរកគ្រាប់បាល់ បានកាលពីប្រកួតម្ដងមុនក៏ដោយ។ </span></p>
<p><span style="color: #000000;">ខ្សែប្រយុទ្ធក្រុមជម្រើសជាតិ អង់គ្លេស កីឡាករ Wayne Rooney ដែលជាអ្នកដឹកនាំក្រុមប្រកួត របស់ក្លឹប Man United ត្រូវបានលោក Louis Van Gaal ផ្ដល់នូវការទុកចិត្ដជាខ្លាំង បើទោះបីជាមួយការប្រកួត កន្លងមុន កីឡាករមិនបានរកគ្រាប់បាល់ជួនក្រុមក៏ដោយមែន ។ </span></p>
<p><span style="color: #000000;">លោក Louis Van Gaal បានថ្លែងដោយផ្ទាល់ថា គាត់នៅតែមានទំនុកចិត្ដជាខ្លាំងចំពោះ ខ្សែប្រយុទ្ធរូបនេះ អ្នកទាំងអស់គ្នាអាចពិភាក្សាអំពីការរកគ្រាប់បាល់ របស់ Wayne Rooney ប៉ុន្ដែអ្នកទាំងអស់គ្នាក៏អាចជជែកគ្នា ពីភាពបរាជ័យការស្វែងរកគ្រាប់របស់ក្រុមផ្សេងផងដែរ ។ </span></p>
<p><span style="color: #000000;">Wayne Rooney បានបរាជ័យនៃការស្វែងរកគ្រប់បាល់ កាលពីថ្ងៃសៅរ៍សប្ដាហ៍មុន ដោយប៉ះជាមួយ Crystal Palace ខណៈដែលសម្លេងអ្នកគាំទ្រជាច្រើន បានស្រែកយ៉ាងត្រហឹងថា ប្រយុទ្ធៗ ប៉ុន្ដែបរាជ័យ មិនបានរកគ្រាប់បាល់ជូនក្រុមនោះទេ។ ប៉ុន្ដែទោះជាយ៉ាងណា សម្រាប់ព្រឹត្ដិការណ៍យប់នេះ គឺ Rooney នៅតែស្ថិតក្នុង តំណែងជាអ្នកដឹកនាំក្រុមដដែល ។ </span></p>
<p><span style="color: #000000;">ក្រៅពី Rooney នៅមានខ្សែប្រយុទ្ធវ័យក្មេងមួយរួបទៀត ដែល Man United ទទួលបានការទុកចិត្ដខ្ពស់គឺកីឡាករ Anthony Martial ដែលលោក Van Gaal សង្ឃឹមថា នឹងអាចរកគ្រាប់បាល់បាន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/3/11-3-2015-9-04-12-am-03-11-2015--09-13-17.png"><img src="/FileManager/Articles/mce/2015/11/3/11-3-2015-9-04-12-am-03-11-2015--09-13-17.png" alt="" /></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ onefootball</span></p>