<p><span style="color: #000000;"><strong>(ព្រះសីហនុ)៖</strong> កម្លាំងជំនាញការិយាល័យកណ្តាលនគរបាលព្រហ្មទណ្ឌ បានសហការជាមួយ កម្លាំងអធិការដ្ឋាននគរបាលក្រុងព្រះសីហនុ ធ្វើការស្រាវជ្រាវស៊ើបអង្កេត ចាប់បានជនសង្ស័យ២នាក់ នៅថ្ងៃទី០៧ ខែតុលា ឆ្នាំ២០១៦ បន្ទាប់ពីបានឆក់កាបូបស្ដ្រីជនបរទេស នៅភូមិ៣ សង្កាត់៤ ក្រុងព្រះសីហនុ បានមួយថ្ងៃ។</span></p>
<p><span style="color: #000000;">លោកឧត្តមសេនីយ៍ត្រី កុល ផាលី ស្នងការរងនគរបាលខេត្តព្រះសីហនុ បានឲ្យដឹងថា នៅថ្ងៃទី៦ ខែតុលា ឆ្នាំ២០១៦ ជនសង្ស័យទាំងពីរបានធ្វើសកម្មភាព ឆក់កាបូបស្រ្ដីជនបរទេសម្នាក់ ឈ្មោះ HENAGE ALENUE CELIA ជនជាតិបារាំង ខណៈដែលជនរងគ្រោះកំពុងជិះកង់តាមផ្លូវ។</span></p>
<p><span style="color: #000000;">លោកឧត្តមសេនីយ៍ត្រី បញ្ជាក់ថា ជនសង្ស័យទី១-ឈ្មោះ សឿង សីហា អាយុ២៣ឆ្នាំ មានទីលំនៅ ភូមិ៤សង្កាត់៤ ក្រុងព្រះសីហនុ ជាអ្នកឆក់ ទី២-ហ៊ីម ភ័ក្រ្តា អាយុ២២ឆ្នាំ មានទីលំនៅ ភូមិ១ សង្កាត់២ ក្រុងព្រះសីហនុ ជាអ្នកបើកម៉ូតូ។</span></p>
<p><span style="color: #000000;">ក្រោយពីឃាត់ខ្លូនសមត្ថកិច្ចដកហូតបានទូរស័ព្ទដៃ ម៉ាក iPhone4s ១គ្រឿង ម៉ូតូម៉ាកស្កុបពី ១គ្រឿង ជាមធ្យោបាយសម្រាប់ធ្វើសកម្មភាពជិះឆក់។ បច្ចុប្បន្នជនសង្ស័យ ត្រូវបានសមត្ថកិច្ចកសាង សំណុំរឿង ដើម្បីបញ្ជូនទៅតុលាការចាត់ការតាមផ្លូវច្បាប់៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-08-09-07-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-08-09-07-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-08-09-07-44-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>