<p>នៅឯសន្និសិទ Code Conference ដែលបានប្រារព្ធធ្វើឡើងនៅថ្ងៃទី ២៨ ខែឧសភា ម្សិលមិញនេះ អនុប្រធានជាន់ខ្ពស់របស់ Apple លោក Eddy Cue បានឲ្យដឹងថា ផលិតផលដ៏ល្អបំផុតរបស់ Apple ក្នុងរយះពេល ២៥ឆ្នាំកន្លងមកនេះ នឹងបង្ហាញណែនាំខ្លួន នៅចុងឆ្នាំនេះ។</p>
<p class="Normal">Eddy Cue មិនបានបង្ហើបបន្ថែម ព័ត៌មានអ្វីទាំងអស់ស្តីពីផលិតផលអាថ៌កំបាំងនេះ ប៉ុន្តែបានសម្តែង ពីភាពជឿជាក់ថា: "មូលហេតុដែលពួកយើងទទួលបានភាពជោគជ័យ គឺដោយសារពួកយើង បាន ផ្តោតអារម្មណ៍តែផលិតផលមួយចំនួនដ៏តិច ជំនួសឲ្យការផលិត រាប់រយផលិតផល"។ Cue ក៏បាន និយាយបន្ថែមថា "អតីតនាយកប្រតិបត្តិ Apple ដែលបានស្លាប់បាត់បង់ជីវិតទៅហើយគឺលោក Steve Jobs ក៏នឹងមានមោទនភាពយ៉ាងខ្លាំង ចំពោះអ្វីដែលពួកយើង កំពុងតែធ្វើ"។</p>
<p class="Normal" style="text-align: center;"><a class="thickbox" title="" href="/FileManager/Commons/2014/5/29/9391-912-140529-cue-code-l-2235-1401354459-29-05-2014--20-59-48.png"><img src="/FileManager/Articles/mce/2014/5/29/9391-912-140529-cue-code-l-2235-1401354459-29-05-2014--20-59-48.png" alt="" /></a></p>
<p class="Normal" style="text-align: center;"><em><span style="color: #808080;">Eddy Cue អនុប្រធានជាន់ខ្ពស់ ទទួលភារកិច្ចផ្នែកសេវាកម្ម និងអ៊ីនធឺណេតរបស់ Apple<br />(រូបភាព៖ Re/Code)</span></em></p>
<p class="Normal">នៅពេលដែលអ្នកសារព័ត៌មានលោក Walt Mossberg បានចោទជាសំណួរសួរទៅលើលោក Eddy Cue ថា តើត្រូវធ្វើយ៉ាងណា ដើម្បីឲ្យផលិតផលពិសេសនោះ អាចយកឈ្នះភាពជោគជ័យរបស់ iPhone, iPad ឬ MacBook បាននោះ? "ខ្ញុំជឿយ៉ាងមុតមាំថា បណ្តាផលិតផលដែលជិតបង្ហាញខ្លួន ទាំងនោះ នឹងពិតជាអស្ចារ្យ", Cue ឆ្លើយតប។</p>
<p class="Normal">Apple កំពុងតែបោះជំហានទៅមុខមួយជំហានទៀត ក្នុងរយះពេលថ្មីៗនេះ។ ជាមួយរឿងដែលបាន ទិញយក Beats Electronics, ពួកគេនឹងក្តោបនៅក្នុងដៃនូវបណ្តាកាសស្តាប់តន្រ្តីស៊េរីខ្ពស់ និងបាន លុកដៃចូលយ៉ាងជ្រៅជាងមុនថែមទៀត ក្នុងផ្នែក<span id="result_box" class="short_text" lang="km"><span class="hps">ឧស្សាហកម្មតន្ត្រី។</span></span></p>
<p class="Normal"><span id="result_box" class="short_text" lang="km"><span class="hps"> នៅដើមខែមិថុនា ខាងមុខឆាប់ៗ នេះ <span id="result_box" class="short_text" lang="km"><span class="hps">សន្និសិទ</span><span>អភិវឌ្ឈន៍</span><span>សកលរបស់ </span></span></span></span> Apple (WWDC 2014) នឹង ប្រារព្ធធ្វើឡើងជាមួយនឹង ផលិតផល ដែលត្រូវបានទន្ទឹងរង់ចាំជាច្រើនដូចជា iOS 8, OS X 10.10, iMac តំលៃទាបជាងមុន ឬក៏ជានាឡិកា ឆ្លាតវៃ iWatch៕</p>
<p class="Normal"> </p>
<p class="Normal" style="text-align: right;">ប្រែសម្រួល៖ សិលា<br />ប្រភព៖ vexpress</p>