<p><strong>ភ្នំពេញ៖</strong> តារាចម្រៀងកូនខ្មែរ សញ្ជាតិអាមេរិក ឡូរ៉ាម៉ម បានចេញបទចម្រៀងថ្មី របស់ខ្លួន ១បទដែលមាន ចំណងជើងថា «មន្តទឹកភ្លៀង» បន្ទាប់ពី ប្រកាសក្តែងៗតាមបណ្តាញ សារព័ត៌មានថា មិនត្រឡប់ទៅរស់នៅ អាមេរិកវិញទេ ដាក់ចិត្តដាក់កាយ មករស់នៅ កម្ពុជាហើយ។</p>
<p>ក្នុងឱកាស បុណ្យចូលឆ្នាំប្រពៃណីខ្មែរ ដែលទើបតែកន្លងផុតទៅថ្មីនេះ ឡូរ៉ាម៉ម បានបង្ហាញវត្តមាន របស់ខ្លួន ក្នុងព្រឹត្តិការណ៍ អង្គរសង្ក្រាន្ត ដែលរៀបចំឡើង រយៈពេល ៣ថ្ងៃនៅទីក្រុងវប្បធម៌ សៀបរាប ជាមួយនឹងសិល្បករខ្មែរ ជាច្រើនរូបទៀត។</p>
<p>ពេលនោះហើយដែលព័ត៌មាន ក៏បានលេចឡើងថា នាង ឡូរ៉ាម៉ម កំពុងរកទិញផ្ទះ រស់នៅក្នុងទីក្រុងភ្នំពេញ កសាងជីវិតក្នុង វិស័យសិល្បៈនៅកម្ពុជា មិនត្រឡប់ទៅ អាមេរិកវិញនោះទេ។ ដោយ ឡូរ៉ា ចង់បានផ្ទះ នៅម្តុំបឹងកេងកង ឬ តំបន់ទួលគោក។</p>
<p>ក្រោយនៃការប្រកាស មិនត្រឡប់ទៅអាមេរិក ហើយនោះ ឡូរ៉ា ក៏បានចេញបទចម្រៀងថ្មី របស់នាង ដែលមានចំនងជើង «មន្តទឹកភ្លៀង» ដោយទើបតែ បង្ហោះក្នុង Youtube បានរយៈពេល ៣ថ្ងៃប៉ុណ្ណោះ។ ៣ថ្ងៃមកនេះ បទចម្រៀងរបស់ ឡូរ៉ា ទទួលបានការចូល ទស្សនាចំនួនជិត ១,៥ពាន់នាក់ហើយ។</p>
<p>គេនៅចាំបានថា តារាម្រៀងកូនខ្មែររស់ រស់នៅអាមេរិក ឡូរ៉ាម៉ម បានបង្ហាញវត្តមានដំបូង នៅស្រុកខ្មែរកាលពីឆ្នាំ២០១១ ក្នុងការប្រគំតន្ត្រី របស់កុមារី បុស្បាប៉ាន់ នៅក្រុងសៀមរាប។ បទម្រៀងដែលល្បីល្បាញ របស់ឡូរ៉ាម៉ម មានដូជា បទស្វារាំមុនឃី , ស៊ីក្រូ រួមទាំងបទមួយចំនួនទៀត។ </p>
<p style="text-align: center;"><strong>ចង់ដឹងថា បទចម្រៀងថ្មី របស់ឡូរ៉ាម៉ម មានអត្ថន័យ និងពិរោះយ៉ាងណា សូមទស្សនាវីដេអូខាងក្រោម៖</strong></p>
<p style="text-align: center;"><strong><object width="544" height="467" data="http://www.youtube.com/v/na_zEYiUBNQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/na_zEYiUBNQ&rel=1" /></object><br /></strong></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0757.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/29833----video-inside.html" target="_blank">ផ្តល់សិទ្ធដោយ ៖ ដើមអម្ពិល</a></p>