<p><span style="color: #000000;"><strong>(ហាណូយ)៖</strong> មជ្ឈមណ្ឌលអភិរក្ស Ho Citadel វៀតណាម បានឲ្យដឹងថា ស្គរដ៏ចំណាស់មួយនៅក្នុង វប្បធម៌ Dong Son ដែលមានអាយុកាលពីចន្លោះ ២០០០ ដល់២៥០០ ឆ្នាំមុន ត្រូវបានគេរកឃើញ នៅឯតំបន់បេតិភណ្ឌពិភពលោក នៅឯខេត្ត Thanh Hao ភាគកណ្ដាលប្រទេសវៀតណាម។ នេះបើតាមការចុះផ្សាយ ដោយទីភ្នាក់ងារសារព័ត៌មានចិន ស៊ិនហួរ នៅព្រឹកថ្ងៃចន្ទ ទី២៦ ខែកញ្ញា ឆ្នាំ២០១៦។</span></p>
<p><span style="color: #000000;">ប្រភពដដែលបានឲ្យដឹងដែរថា ប្រជាជននៅក្នុងតំបន់ បានប្រទះឃើញស្គរបុរាណនេះ នៅក្នុងស្រុក Vinh Loc ស្ថិតនៅចំងាយប្រមាណជាង មួយគីឡូម៉ែត្រ ពីតំបន់ Citadel of Ho Dynasty ដែលត្រូវបានអង្គការ UNESCO ចុះបញ្ជីជាតំបន់បេតិភណ្ឌពិភពលោក កាលពីឆ្នាំ២០១១។ ស្គរបុរាណនេះមានទំហំ ៥៩សង់ទីម៉ែត្រ និង កម្ពស់៤៣សង់ទីម៉ែត្រ ហើយវាគឺជាប្រភេទស្គរធ្វើពីសំរិទ្ធដោយ មានរចនាបថដ៏ប្រណិត ក៏ប៉ុន្តែមានផ្នែកខ្លះ បានបាក់បែកទៅហើយ។</span></p>
<p><span style="color: #000000;">គួរបញ្ជាក់ថា ស្គរសំរិទ្ធ Dong Son ត្រូវបានផលិតឡើងនៅក្នុងវប្បធម៌ Dong Son នៃតំបន់ដីសណ្ដរទន្លេ ក្រហមនៅប្រទេសវៀតណាម រាប់ចាប់ពី ឆ្នាំ៦០០មុនគ.ស ឬក៏ហូតដល់ដើមសតវត្សរ៍ទី៣ នៃគ.ស ហើយដែលស្គរនេះជាគំរូមួយនៃការរីកចំរើន វប្បធម៌លោហៈរបស់វៀតណាម៕ </span></p>
<p><span style="color: #000000;"><a class="thickbox" title="" href="/FileManager/Commons/2016/9/26/35a-26-09-2016--14-13-45.jpg"><img src="/FileManager/Articles/mce/2016/9/26/35a-26-09-2016--14-13-45.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>