<p class="pTitle"> </p>
<p class="pTitle">ចោរមួយក្រុម បានធ្វើការវាយប្រហារយ៉ាងបង្ហូរឈាមសំដៅទៅលើផ្សារមួយនៅភាគខាងជើង<br />នីហ្សេរីយ៉ា បណ្ដាលអោយមនុស្សយ៉ោងតិច ៥៦នាក់ស្លាប់ ទន្ទឹមនឹងនេះពួកគេក៏បានកំទេចផ្សារ<br />នោះដើម្បីសងសឹកអោយចោរម្នាក់ដែលត្រូវបានគេដុតទាំងរស់។</p>
<p class="pBody">ក្រុមចោរប្រដាប់អាវុធបានបាញ់បន្ដបន្ទាប់សំដៅលើហ្វូងមនុស្សនៅក្នុងផ្សារ Potiskum ក្នុងរដ្ឋ Yobe។ ប៉ុន្ដែក្រោយមក ក្រុមចោរនេះក៏ត្រូវទទួលរងការវាយប្រហារតបត បង្ខំអោយពួកគេត្រូវ<br />រត់គេចខ្លួន។ ក្នុងពេលនោះ មានមនុស្ស ៣នាក់បានស្លាប់ និងម្នាក់ទៀតរងរបួសដែលត្រូវបានគេ<br />សង្ស័យថា ជាគ្នីគ្នារបស់ក្រុមចោរនោះ រួចក៏ត្រូវបានដុតទាំងរស់ដោយក្រុមអ្នកចិញ្ចឹមសត្វ។</p>
<p class="pBody"><a class="thickbox" title="" href="/FileManager/Commons/2012/5/4/bom-04-05-2012--10-13-28.jpg"><img src="/FileManager/Articles/mce/2012/5/4/bom-04-05-2012--10-13-28.jpg" alt="" /></a></p>
<p>នៅក្នុងយប់នៃថ្ងៃកើតហេតុ ក្រុមចោរប្រដាប់អាវុធទាំងនោះ បានវិលត្រឡប់មកសង្សឹក។ ពួកចោរ<br />ទាំងនោះបានបាញ់ប្រហារទៅលើហ្វូងមនុស្សដោយមិនញញើតដៃ។ បុគ្គលិកពេទ្យបានអោយដឹង<br />ថា មនុស្សប្រមាណជា ៥៦នាក់ត្រូវបានសម្លាប់ និងត្រូវបានដាក់នៅក្នុងមន្ទីរពេទ្យ។</p>
<p class="pBody">ការវាយប្រហារនេះបានកើតឡើងនៅក្នុងតំបន់មួយដែលត្រូវបានគេជឿថាជាមូលដ្ឋានរបស់ក្រុម<br />ភេរវកម្ម Boko Haram ដែលមានជាប់ទាក់ទឹននឹង al-Qaeda។ ប៉ុន្ដែ Boko Haram ហាក់ដូចជាមិន<br />មានពាក់ព័ន្ធជាមួយនឹងករណីនេះនោះទេ៕</p>
<p class="pBody"> </p>
<p class="pBody" style="text-align: right;">ដោយ ៖ សូរីយ៉ា<br />ប្រភព ៖ Zing</p>