<p><span style="color: #000000;"><strong>(ភ្នំពេញ)៖</strong> នៅថ្ងៃទី២៣ ខែកុម្ភៈ ឆ្នាំ២០១៦នេះ សួនកំសាន្តឌ្រីមលែន៍ បានចេញសេចក្តីប្រកាសថា៖ នឹងបិទដំណើរការអាជីវកម្មរបស់ខ្លួន នៅថ្ងៃទី០១ ខែមីនា ឆ្នាំ២០១៦នេះតទៅ។ ទន្ទឹមនឹងការប្រកាសបិទដំណើរការនេះ សួនកំសាន្តឌ្រីមលែនឌ៍ នឹងប្រកាសលក់ឧបករណ៍កំសាន្តនានា និងសំភារៈការិយាល័យជាច្រើនផងដែរ។</span></p>
<p><span style="color: #000000;">ការប្រកាសបិទអាជីវកម្មនេះ ក្នុងគោលបំណងដើម្បីត្រៀមសាងសង់អគារកម្ពស់៥០០ម៉ែត្រ ស្មើនឹង ១៣៤ជាន់ ដែលនឹងចំណាយទុនវិយោគប្រមាណ១០០០លានដុល្លារ ជាគម្រោងស្ថិតក្រោមការវិនិយោគរួមរវាងក្រុមហ៊ុន ថៃ ប៊ុនរ៉ុង ខូអិលធីឌី និងក្រុមហ៊ុនសាងសង់របស់ចិន នេះបើយោងតាមលិខិតរបស់មន្ទីររៀបចំ ដែនដីនគរូបនីយកម្ម និងសំណង់រាជធានីភ្នំពេញ ដែលអង្គភាពយើងខ្ញុំទើបទទួលបាន។</span></p>
<p><span style="color: #000000;">គម្រោងដំណើរការសាងសង់អគារភ្លោះនេះ នឹងចាប់ផ្តើមនៅឆ្នាំ២០១៦នេះ លើផ្ទៃដីទំហំ ៥ហិកតា ហើយនឹងចំណាយពេលសាងសង់រយៈ ពេល ៣ឆ្នាំ ដោយបញ្ចប់ក្នុងឆ្នាំ ២០១៩។ អគារខ្ពស់កប់ពពកនេះ គេរំពឹងថាជាអគារខ្នាតយក្សក្នុងតំបន់អាស៊ី ដែលវានឹងស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ទល់មុខ ណាហ្គាវើល។ អគារឈ្មោះដែលមាននាមថា «អគារភ្លោះមជ្ឈមណ្ឌលពាណិជ្ជកម្មថៃ ប៊ុនរ៉ុង»៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/23/45-23-02-2016--16-12-15.jpg"><img src="/FileManager/Articles/mce/2016/2/23/45-23-02-2016--16-12-15.jpg" alt="" /></a><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>