<p><span style="color: #000000;"><strong>(ប៉ារីស)៖</strong> អតីតប្រធានាធិបតីបារាំង និងជាប្រធានគណបក្សសាធារណរដ្ឋ លោក Nicolas Sarkozy បានប្រកាសថា លោកនឹងបង្កើតទំព័រប្រវត្តិសាស្ត្របន្តទៀត សម្រាប់ប្រជាជនបារាំងទាំងអស់ គឺការឈរ ឈ្មោះប្រកួតប្រជែងយកតំណែងប្រធានាធិបតី សម្រាប់ការបោះឆ្នោតឆ្នាំ ២០១៧ ខាងមុខ។ នេះបើតាម ការចេញផ្សាយនៅមុននេះបន្តិច ដោយទីភ្នាក់ងារព័ត៌មានចិនស៊ិនហួរ នាយប់ថ្ងៃចន្ទ ទី២២ ខែសីហា ឆ្នាំ២០១៦។</span></p>
<p><span style="color: #000000;">ការប្រកាសនេះ បានធ្វើឡើងនៅក្នុងកិច្ចប្រជុំគណបក្សថ្មីរបស់លោក ដែលទើបតែបង្កើតក្រោយពីលោក រួចផុតពីរឿងក្តីចោទប្រកាន់ជាច្រើន ពាក់ព័ន្ធនឹងការប្រព្រឹត្តអំពើស៊ីសំណូក អំឡុងពេលលោកធ្វើការ ឃោសនារកសំឡេងឆ្នោតកាលពីអណត្តិមុន។ លោក Sarkozy អាយុ៦១ឆ្នាំ គឺជាប្រធានាធិបតីបារាំង ពីឆ្នាំ២០០៧ ដល់២០១២ ហើយប្រធានាធិបតីបន្តពីលោក គឺលោក ហ្វ្រង់ស័រ ហូឡង់ ដែលបានឈ្នះឆ្នោត កាលពីឆ្នាំ២០១២ និងកាន់អំណាចដល់បច្ចុប្បន្ន៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/23/18a-23-08-2016--14-18-03.jpg"><img src="/FileManager/Articles/mce/2016/8/23/18a-23-08-2016--14-18-03.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>