<div class="article-content">
<p><strong>សៀមរាប ៖</strong> អាកាសយានដ្ឋាន អន្តរជាតិសៀមរាប បានធ្វើលំហាត់សមយុទ្ធ ទ្រង់ទ្រាយធំ ប្រចាំឆ្នាំ ២០១៤ នៅថ្ងៃទី០១ ខែកញ្ញា ឆ្នាំ២០១៤នេះ នៅទីតាំងសមយុទ្ធ ទីបញ្ជាការកណ្ដាល មជ្ឈមណ្ឌល ប្រតិបត្តិការក្រុមហ៊ុនកាសចរណ៍ ដែលមានទីតាំង នៅសង្កាត់ស្រង៉ែ ក្រុងសៀមរាប និងនៅមន្ទីរពេទ្យ យោធា មន្ទីរពេទ្យបង្អែក ខេត្តសៀមរាប ដែលមានចម្ងាយប្រមាណជា ៥គ.ម តាមផ្លូវអាកាស ពីអាកាស យានដ្ឋាន និងប្រមាណ ១៥ គីឡូម៉ែត្រ តាមផ្លូវសង្គ្រោះជាក់ស្ដែង ។</p>
<p>តំណាងអ្នករៀបចំ បានផ្ដល់បទសម្ភាសន៍ថា តាមធម្មតារៀងរាល់ពីរឆ្នាំម្ដង ត្រូវធ្វើសមយុទ្ធ ក្នុងទ្រង់ ទ្រាយធំ ហើយកាលពីឆ្នាំទៅ គឺបានធ្វើនៅអាកាសយានដ្ឋានអន្តរជាតិភ្នំពេញ ហើយឆ្នាំនេះ គឺពេលនេះ យើងធ្វើនៅអាកាសយានដ្ឋានសៀមរាប ។ ដោយឡែកប្រធានបទនៅថ្ងៃនេះ គឺយន្ដហោះធ្លាក់នៅក្រៅ អាកាសយានដ្នាន ដោយសមយុទ្ធនេះ នឹងអនុវត្តទៅតាមច្បាប់បទដ្ឋានគឺបានសេចក្ដីថា អ្នកដែលទទួល ខុសត្រូវ សម្រាប់គ្រោះមហន្ដរាយនោះ គឺអាជ្ញាធរដែនដី ជាអ្នកអនុវត្ត តែពេលនេះ ខាងអាកាសយាន ដ្ឋានជាអ្នករៀបចំមែន តែគ្រាន់ជាអ្នកជួយ ក្នុងការឆ្លើយតមតែប៉ុណ្ណោះ ។</p>
<p>លោកបញ្ជាក់ថា គោលបំណងសំខាន់នោះ គឺក្នុងការឆ្លើយតបទៅលើគ្រោះអាសន្ន ដែលកើតឡើង ជាយថាហេតុ ។ គឺសមយុទ្ធនេះ សម្រាប់ឆ្លើយតបទៅនឹងជនរងគ្រោះ នៅពេលដែលមានឧបទ្ទវហេតុ យន្ដហោះ គឺគ្រប់អ្នកពាក់ព័ន្ធត្រូវសហប្រតិបត្តិការគ្នា ហើយត្រូវជួយសង្គ្រោះជនរងគ្រោះទាន់ពេល វេលា នៅពេលមានគ្រោះធ្លាក់យន្ដហោះ ជាយថាហេតុណាមួយនោះ ។</p>
<p>សមយុទ្ធលើកនេះ មានការចូលរួមពីគ្រប់ស្ថាប័ន អង្គភាព មន្ទីរពាក់ព័ន្ធនៅជុំវិញខេត្ត ពិសេស កង កម្លាំងប្រដាប់អាវុធ មានកម្លាំងយោធា កងរាជអាវុធហត្ថ កម្លាំងនគរបាល អាជ្ញាធរដែនដី មន្ទីរសុខាភិបាលខេត្តជាដើម ដែលមានតួនាទី ក្នុងការឆ្លើយតបនឹងគ្រោះជាយថាហេតុ ធ្លាក់យន្ដហោះនោះ សម យុទ្ធថ្ងៃនេះ មានអ្នកចូលរួមចំនួន ៤៤៩នាក់ ។</p>
<p>ហើយសមយុទ្ធក្នុងថ្ងៃនេះ មានរថយន្ដសង្គ្រោះ អូប៊័រ រថយន្ដពន្លត់អគ្គិភ័យ និងការសង្គ្រោះលើដី ទីវាល ក្នុងផ្ទៃទឹក និយាយជារួមយើងធ្វើដូចក្នុងករណីជាក់ស្ដែង។ លោកបញ្ជាក់ថា សមយុទ្ធថ្ងៃនេះ គឺ សំខាន់ ផ្ដោតលើការទំនាក់ទំនង រវាងអ្នក ស្ថាប័ន អង្គភាពដែលពាក់ព័ន្ធ ការឆ្លើយតប និងការជួយសង្រ្គោះ ជន រងគ្រោះ ។</p>
<p>លោកក៏បានបន្ដថា សម្រាប់អាកាសយានដ្ឋាន ខេត្តសៀមរាប គឺធ្វើបាន៣លើកហើយ លើកទី១ គឺការ ឆ្លើយតបលើការសង្គ្រោះ និងការពន្លត់អគ្គិភ័យ គឺសមយុទ្ធនៅក្នុងបរិវេណអាកាសយានដ្ឋាន, ហើយទី២ ការសង្គ្រោះ ការពន្លត់អគ្គិភ័យ និងការដឹកជញ្ជូន ក៏ដូចជាការបែងចែកជនរងគ្រោះ, ហើយលើកទី៣នេះ គឺជាប្រធានបទថ្មី ដោយធ្វើនៅក្រៅអាកាសយានដ្នាន ៕</p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0020.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0021.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0022.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0023.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0024.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0025.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0026.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0027.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0028.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/September/id-015/T-0029.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0030.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/September/id-015/T-0031.jpg" alt="" width="500" /></p>
<p style="text-align: right;"><a href="http://www.dap-news.com/2011-06-14-02-39-55/94185-2014-09-01-08-57-08.html" target="_blank">ផ្តល់សិទ្ធដោយ ៖ ដើមអម្ពិល</a></p>
</div>