<p><span style="color: #000000;"><strong>អ្នកដឹងទេ អ្នកគួរពិសាអាហារល្អៗដើម្បីសុខភាព ព្រោះអ្នកកំពុងតែមានផ្ទៃពោះ។ យើងដឹងថា អ្នកប្រាកដជាធ្លាប់លួចញ៉ាំអាហារ ដែលគេហាម ប៉ុន្ដែប្រការនោះមិនល្អឡើយ ព្រោះវាអាចប៉ះពាល់ដល់ដំណើរការលូតលាស់ទារកក្នុងផ្ទៃ និងសុខភាពរបស់អ្នកជាម្ដាយផ្ទាល់។ ឥឡូវនេះ អ្នកកំពុងតែមានគភ៌ ដូច្នេះអ្នកត្រូវព្យាយាមពិចារណាឱ្យបានច្រើន អំពីវិធី ដែលអ្នកចិញ្ចឹមខ្លួនឯង ពីព្រោះអាហារ ដែលអ្នកទទួលទានគឺជាប្រភពសារធាតុចិញ្ចឹមសម្រាប់ការលូតលាស់ទារកក្នុងផ្ទៃ។ ជាតួយ៉ាង នៅអំឡុងពេលមានផ្ទៃពោះ អ្នកត្រូវបំពេញបន្ថែមនូវជាតិប្រូតេអ៊ីន និងកាល់ស្យូម ដើម្បីការលូតលាស់ឆ្អឹង និងជាលិការបស់ទារក។ ម្យ៉ាងទៀតរាងកាយរបស់អ្នកត្រូវការជាតិអាស៊ីដ </strong><strong>Folic ដើម្បីការពារប្រឆាំងនឹងការខូចបំពង់សរសៃប្រសាទរបស់ទារកពេលសម្រាល ព្រមទាំងត្រូវការជាតិដែកបន្ថែម ដើម្បីជួយឱ្យកោសិកាឈាមក្រហមបញ្ជូនអុកស៊ីសែនទៅទារក។ ខាងក្រោមនេះ អ្នកជំនាញបានណែនាំ នូវអាហារល្អៗ ដែលស្រ្ដីមានផ្ទៃពោះគួរព្យាយាមពិសាឱ្យបានខ្ជាប់ខ្ជួន៖</strong></span></p>
<p><span style="color: #000000;"><strong><br /><a class="thickbox" title="" href="/FileManager/Commons/2021/5/4/pregnancy-week-40-mom4x3-04-05-2021--14-29-56.jpg"><img src="/FileManager/Articles/mce/2021/5/4/pregnancy-week-40-mom4x3-04-05-2021--14-29-56.jpg" alt="" /></a><br /></strong></span></p>
<p><span style="color: #000000;"><strong> </strong></span><strong style="color: #000000; font-size: 12px;">សណ្ដែក៖ </strong><span style="color: #000000; font-size: 12px;">សូមបន្ថែមសណ្ដែកខ្មៅ សណ្ដែកស សណ្ដែកសៀងទៅក្នុងរបបអាហាររបស់អ្នក។ សូមសាកល្បងដាក់វាចូលក្នុងស៊ុប ភ្លា ឬញាំឬដាក់ចូលទៅក្នុងប៉ាស្ដា។ ក្រៅពីផ្ដល់ឱ្យអ្នកនូវជាតិប្រូតេអ៊ីន និងជាតិសរសៃ Fiber អាហារទាំងនេះក៏ជាប្រភពដ៏ប្រសើរនៃសារធាតុចិញ្ចឹមសំខាន់ៗ ដូចជា ជាតិដែក អាស៊ីដ Folic កាល់ស្យូម និងជាតិស័ង្កសី។</span></p>
<p> <a class="thickbox" title="" href="/FileManager/Commons/2021/5/4/getty637856490200013332000928024400807-04-05-2021--14-30-14.jpg"><img src="/FileManager/Articles/mce/2021/5/4/getty637856490200013332000928024400807-04-05-2021--14-30-14.jpg" alt="" /></a></p>
<p><span style="color: #000000;"><strong>ត្រីសាល់ម៉ុន៖ </strong>អាស៊ីដខ្លាញ់ Omega-3 មានគុណប្រយោជន៍ល្អសម្រាប់ខួរក្បាល និងភ្នែករបស់ទារក ហើយត្រីសាម៉ុន គឺជាប្រភពដ៏ប្រសើរនៃអាស៊ីដខ្លាញ់ប្រភេទនេះ។ លើសពីនេះទៀត វាផ្ដល់ឱ្យអ្នក និងទារកនូវប្រូតេអ៊ីន និងវីតាមីនB។ ម្យ៉ាងទៀត ត្រីសាម៉ុនមានផ្ទុកជាតិបារតទាប បើធៀបទៅនឹងប្រភេទត្រីដទៃទៀត។ សូមព្យាយាមពិសាវា ដោយយកវាទៅអាំង ស្ងោរ ឬដាក់លាយជាមួយនឹងសាឡាដ។ ដើម្បីសុវត្ថិភាព អ្នកអាចពិសាត្រី ដែលផ្ទុកជាតិបារតទាបត្រឹមកម្រិត ៣៤០ក្រាមក្នុងមួយសប្ដាហ៍ម្ដង ដូចជាត្រីសាម៉ុននេះជាដើម។</span></p>
<p> <a class="thickbox" title="" href="/FileManager/Commons/2021/5/4/easy-baked-salmon-recipe-scaled-04-05-2021--14-30-28.jpg"><img src="/FileManager/Articles/mce/2021/5/4/easy-baked-salmon-recipe-scaled-04-05-2021--14-30-28.jpg" alt="" /></a></p>
<p><span style="color: #000000;"><strong>ស៊ុត៖ </strong>ស៊ុតមានលក្ខណៈទន់ងាយស្រួលពិសា និងជាប្រភពដ៏ប្រសើរនៃជាតិប្រូតេអ៊ីន ដែលផ្ដល់នូវអាមីណូអាស៊ីដដល់អ្នក និងទារកក្នុងផ្ទៃ។ ស៊ុតមានផ្ទុកវីតាមីន និងសារធាតុរ៉ែបន្ថែមទៀតរួមទាំង ជាតិ Choline ផងដែរ ដែលល្អប្រសើរសម្រាប់ការលូតលាស់ខួរក្បាលរបស់ទារក។ ប៉ុន្ដែទោះជាយ៉ាងណា ត្រូវឱ្យប្រាកដថា អ្នកមិនពិសាស៊ុតចម្អិនមិនទាន់ឆ្អិន ឬស៊ុតឆៅនោះទេ។</span></p>
<p> <a class="thickbox" title="" href="/FileManager/Commons/2021/5/4/62936f67-7783-4949-a047cd417758ae9d-04-05-2021--14-30-41.jpg"><img src="/FileManager/Articles/mce/2021/5/4/62936f67-7783-4949-a047cd417758ae9d-04-05-2021--14-30-41.jpg" alt="" /></a></p>
<p><span style="color: #000000;"><strong>ប្រភេទ </strong><strong>Berry៖ </strong>ប្ល៊ូបឺរី រ៉ាស់បឺរី និងប្ល៊ែកបឺរី គឺជាអាហារសម្រន់ដ៏ឆ្ងាញ់ពិសា និងមានឱជារសពេលយកទៅលាយជាមួយនឹងនំ Pancake និងដាក់លាយជាមួយធញ្ញជាតិ។ ប្រភេទផ្លែបឺរីនេះ សម្បូរទៅដោយវីតាមីនC ប៉ូតាស្យូម អាស៊ីដ Folic និងជាតិសរសៃ Fiber។</span></p>
<p> <a class="thickbox" title="" href="/FileManager/Commons/2021/5/4/berrybasket-04-05-2021--14-31-09.jpg"><img src="/FileManager/Articles/mce/2021/5/4/berrybasket-04-05-2021--14-31-09.jpg" alt="" /></a></p>
<p><span style="color: #000000;"><strong>ទឹកដោះគោជូរផ្ទុកជាតិខ្លាញ់ទាប៖ </strong>ទឹកដោះគោជូរមានផ្ទុកជាតិខ្លាញ់ទាបមួយពែងមានផ្ទុកនូវជាតិកាល់ស្យូមច្រើនជាងទឹកដោះធម្មតា ម្យ៉ាងទៀតវាមានផ្ទុកជាតិប្រូតេអ៊ីនខ្ពស់ និងមិនដាក់បន្ថែមជាតិស្ករឡើយ។ សូមស្រូបវាជាមួយនឹងផ្លែឈើ ឬនំស្រួយ ព្រមទាំងធញ្ញជាតិ៕</span></p>
<p> <a class="thickbox" title="" href="/FileManager/Commons/2021/5/4/greek-yogurt-1524605076-04-05-2021--14-32-58.jpg"><img src="/FileManager/Articles/mce/2021/5/4/greek-yogurt-1524605076-04-05-2021--14-32-58.jpg" alt="" /></a></p>
<p><br /><a class="c_tab" href="http://ananacomputer.com/" target="_blank"><img src="/FileManager/Articles/mce/2021/5/4/dell-lattitude-9410-2in1-btx-for-camnews-04-05-2021--14-33-26.jpg" alt="" /></a><a class="thickbox" title="" href="/FileManager/Commons/2021/5/4/greek-yogurt-1524605076-04-05-2021--14-32-58.jpg"></a></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព : webmd</span></p>