<p><span style="color: #000000;"><strong>(ភ្នំពេញ)៖</strong> តារាសម្តែងល្បីឈ្មោះបង្គួរ ក្នុងពិភពសិល្បៈកញ្ញា ពេជ្រ ថាវរ៉ា ថ្មីៗមកនេះបានបង្កការផ្ញាក់ផ្អើល ដល់ទស្សនិជនស្ទើរ គ្រប់គ្នា ខណៈមានដំណឹងលេចឮ ដោយមានការដាក់ការសង្ស័យលើរូបនាងថា កំពុងសម្ងំមានផ្ទៃពោះ ក្រោយពេលបែកធ្លាយព័ត៌មាន ប្រេះឆាស្នេហា ជាមួយអតីតសង្សារនិស្សិតឆ្នាំទី៣ ផ្នែកច្បាប់មកពីទឹកដីខេត្តកំពង់ស្ពឺ នឹងត្រូវជាកូនមន្រ្តីសម្បូរទ្រព្យស្តុកស្តម្ភម្នាក់នោះមក។</span></p>
<p><span style="color: #000000;">កញ្ញា ពេជ្រ ថាវរ៉ា ត្រូវបានគេដឹងថា នាងក៏ជាតារាសម្តែងសម្បូររឿងអាស្រូវ ខាងជីវិតស្នេហាឯកជនច្រើន ជាងការងារសិល្បៈ ។ ពេជ្រ ថាវរ៉ា បើទោះបីជាមួយរយៈចុងក្រោយនេះ ហាក់ទើបតែមានភាពស្ងប់ស្ងាត់បន្តិច ជុំវិញរឿងរ៉ាវអាស្រូវស្នេហាក៏ពិតមែន ប៉ុន្តែឥឡូវនេះនាងស្រាប់តែធ្លាយដំណឹង ដ៏រសើបនឹងការសង្ស័យថា បច្ចុប្បន្ន តារារូបនេះកំពុងតែសសំងំពពោះមានកូនក្នុងផ្ទៃ បន្ទាប់ពីបែកបាក់ស្នេហា ជាមួយបុរសគូស្នេហ៍ កាលពីថ្មីៗ កន្លងមក។</span></p>
<p><span style="color: #000000;">ប្រភពមួយចំនួន បានដាក់ការសង្ស័យថា បើសង្កេតមើលទៅលើតារាសម្តែង ពេជ្រ ថាវរ៉ា មួយរយៈពេលចុងក្រោយនេះ ដូចមានភាពខុសប្លែកខ្លាំង។ មិនតែប៉ុណ្ណោះថ្មីៗនេះនាងកាន់តែធ្វើឲ្យមហាជន មានភាពភ្ញាក់ផ្អើលខ្លាំង ក្រោយពីមានដំណឹងថា ថាវរ៉ាកំពុងមានផ្ទៃពោះស្ងាត់ៗ ដោយមិនទាន់រៀបការបង្ហាញមុខស្វាមី ជាសាធារណៈ។ មានសំណួរថា តើអាចទៅរួចទេ បើនាងមិនទាន់រៀបការ ឬបង្ហាញមុខស្វាមីផ្លូវការផង ហេតុអ្វីនៅសុខៗមានកូនបែបនេះទៅវិញ?</span></p>
<p><span style="color: #000000;">ឆ្លើយតបការលើកឡើងខាងលើ តារាស្រីកញ្ញា ពេជ្រ ថាវរ៉ា បាននិយាយបញ្ជាក់ប្រាប់ ទំព័រកំសាន្ត ថា« នេះវាគ្រាន់តែជាការយល់ច្រឡំប៉ុណ្ណោះ គឺពុំមែនជាការពិត ដូចដែលមាហាជននិយាយនោះទេ។ រឿងដែលគេសង្ស័យថា ខ្ញុំកំពុងមានផ្ទៃពោះគឺអត់មែនជាការពិតទេ ព្រោះមានការយល់ច្រឡំលើរូបថត១ ដែលខ្ញុំថតសម្តែងតួមានផ្ទៃពោះ កាលពីប៉ុន្មានឆ្នាំកន្លងមក ហើយត្រូវបាន យកវាទៅបង្ហោះលេងនៅលើហ្វេសប៊ុក។ ខ្ញុំមានផ្ទៃពោះមកពីណាកើត រឿងនេះនិយាយទៅ គួរឲ្យអស់សំណើចខ្លាំងណាស់។ ខ្ញុំសូមធ្វើការបដិសេធនិងច្រាន់ចោលទាំងស្រុង ហើយសូមទស្សនិជន កុំមានការសង្ស័យលើខ្ញុំទៀតថា កំពុងលាក់ខ្លួនសំងំមានផ្ទៃពោះ ជិតគ្រប់ខែនោះ គឺវាមិនមែនការពិតឡើយ..»។</span></p>
<p><span style="color: #000000;">ចំណែករឿងបែកបាក់ស្នេហាជាថ្មី ជាមួយសង្សារនិស្សិតវ័យក្មេងនោះគឺ ពេជ្រ ថាវរ៉ា បានឆ្លើយប្រាប់ត្រង់ៗដោយពុំមានការលាក់លៀមថា នាងពិតជាទទួលស្គាល់ថា ចំណងស្នេហ៍ពេលនេះ គឺត្រូវបានបែកបាក់គ្នាមែន ដោយលើកហេតុផលថា ពុំអាចរស់នៅជាមួយគ្នាបាន។</span></p>
<p><span style="color: #000000;">សូមបញ្ជាក់ថា តារាសម្តែងស្រីសាច់សខ្ចី ពេជ្រ ថាវរ៉ា កន្លងមកក៏ធ្លាប់បញ្ចេញអារម្មណ៍ពិតជាច្រើន តាមរយៈបណ្តាញសង្គមហ្វេសប៊ុក ដែលពេលខ្លះនាងបានប្រកាសជាសារធាណៈថា នាងឈឺចាប់ ចំពោះរឿងស្នេហា ព្រោះត្រូវអភ័ព្វស្នេហ៍ម្តងជាពីរដង ដោយសារតែស្រឡាញ់ប៉ះចំមនុស្សប្រុស មិនស្មោះស្នេហ៍ រហូតធ្វើឲ្យនាងស្ទើរក្លាយជាមនុស្សឆ្កួតម្តងៗទៅហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/15/11-15-12-2015--10-56-00.jpg"><img src="/FileManager/Articles/mce/2015/12/15/11-15-12-2015--10-56-00.jpg" alt="" /></a></span></p>
<p><a class="thickbox" title="" href="/FileManager/Commons/2015/12/15/11a-15-12-2015--10-56-08.jpg"><img src="/FileManager/Articles/mce/2015/12/15/11a-15-12-2015--10-56-08.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/15/11-15-12-2015--10-56-00.jpg"></a></span></p>
<p><a class="thickbox" title="" href="/FileManager/Commons/2015/12/15/11b-15-12-2015--10-56-14.jpg"><img src="/FileManager/Articles/mce/2015/12/15/11b-15-12-2015--10-56-14.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>